Дэсэрт (ад па-француску: dessert з па-француску: desservir — ачышчаць стол) — страва, якая падаецца пасьля асноўнай і сама не зьяўляецца асноўнай, на заканчэньне ежы.
Дэсэрт звычайна салодкі (напр., пірожнае або марозіва), але бывае і несалодкім з садавіны і/або арэхаў без цукру/мёду. У Кітаі сустракаюцца цукеркі зь перцам і імбірам замест цукру, карэнныя амэрыканцы да прыходу эўрапейцаў рабілі чакаляд зь перцам і спэцыямі замест цукру. Дэсэртам могуць быць піражкі, ікра, клясычным францускім дэсэртам лічыцца сыр. Ня ўсе салодкія стравы зьяўляюцца дэсэртамі, так у кітайскай кухні ёсьць салодкія мясныя стравы (напр. сьвініна з ананасамі).
Такім чынам, дэсэртам зьяўляецца выпечка: торты, печыва, вафлі, кексы, пірагі; розныя гатункі цукерак, пасьціла, стравы з узьбітых вяршкоў; салодкія фруктова-ягадныя сумесі (так званыя фруктовыя салаты); сокі, содавыя воды, узвары, кісялі; салодкія малочныя, чакалядныя і фруктова-ягадныя мусы, крэмы (напр. панакота), жэле; марозіва і вырабы зь яго; чай, какава, кава, кава з марозівам (cafe' glace'); адмысловыя дэсэртныя віны — т.б. усё тое, што можа падавацца на «трэцяе».
Паводле тэмпэратуры падачы дэсэрты падзяляюцца на гарачыя і халодныя. Дэсэрты падаюцца звычайна ў адмысловых дэсэртных талерках. Дэсэрты звычайна ядуць дэсэртнай лыжкай — прамежкавай па памеры паміж супавай лыжкай і чайнай. Дэсэртны стол таксама сэрвіруецца дэсэртным нажом і дэсэртным відэльцам.
This article uses material from the Wikipedia Беларуская (тарашкевіца) article Дэсэрт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.