Печыва
Печыва — невялічкі ласунак зь цеста, звычайна круглы, квадратовы, прастакутны або ў выглядзе зоркі, руркі і інш., бывае з надзеньнямі: крэмам, сочывам, шакалядам.
| Печыва | |
 Печыва са шматкамі шакаляду | |
| Тып | ласунак |
|---|---|
| Паходжаньне | Пэрсія |
| Дата зьяўленьня | VII стагодзьдзе |
| Асноўны складнік | мука |
| Распаўсюджаныя складнікі | алей (або масла), цукар, яйка |
Віды
- Глазураванае. Мае камбінаваны склад з начыньнем і дэкараваны выгляд.
- Зацяжное. Вырабляецца з пругкага і слоенага цеста, якое зьмяшчае паменшаную колькасьць цукру і тлушчу. На яго могуць наносіцца кропкі і лёгкія ўзоры і надпісы з надзеньня. Марудна размакае ў халоднай вадзе.
- Здобнае. Зьмяшчае прыродныя складнікі. Паводле смаку і вонкавага выгляду нагадвае хатнюю выпечку. Бывае: аўсянае, зьбіўное, пясочнае і слоенае.
- Кекс.
- Сухое (крэкэр). Вырабляецца са слоенага цеста на алеі са смакавым дадаткам (бэкон, грыбы, сыр, цыбуля).
- Цукровае. Рыхтуецца на аснове рэцэптурнай сумесі, зь якой замешваецца цеста. У заводзкіх умовах фармуецца на ратацыйнай машыне. Затым выпякаецца ў печы. Зьяўляецца адзіным відам, які дазваляе наносіць на яго малюнак і складаны рэльефны ўзор з надзеньня. Хутка размакае ў халоднай вадзе.
Беларусь
На 2012 г. найбольшым вытворцам печыва ў краіне была кандытарская фабрыка «Слодыч», якая месьцілася ў Менску.
Крыніцы
This article uses material from the Wikipedia Беларуская (тарашкевіца) article Печыва, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.