Вялікалуцкі Раён

Адміністрацыйны цэнтар — места Вялікія Лукі.

Вялікалуцкі раён
Великолукский район
Герб	Сьцяг
Агульныя зьвесткі
Краіна	Расея
Статус	раён
Уваходзіць у	Пскоўскую вобласьць
Адміністрацыйны цэнтар	Вялікія Лукі
Дата ўтварэньня	9 верасьня 1927
Насельніцтва	23 400
Плошча	2960 км²
Месцазнаходжаньне Вялікалуцкага раёну
Мэдыя-зьвесткі
Часавы пас	UTC +3
Тэлефонны код	81153
Паштовыя індэксы	182100–182199
Код аўтам. нумароў	60
Афіцыйны сайт
Дадатковыя мультымэдыйныя матэрыялы

Плошча раёну — 2960 км².

Раён мяжуе на ўсходзе з Куньінскім раёнам, на поўдні — з Усьвяцкім, на паўднёвым захадзе — зь Невельскім, на захадзе — з Новасакольніцкім раёнамі Пскоўскай вобласьці; на поўначы і паўночным усходзе — зь Цьвярской вобласьцю.

Асноўныя рэкі — Ловаць, Кунья, Насва.

Раён утвораны 9 верасьня 1927 году ў складзе Вялікалуцкай акругі Ленінградзкай вобласьці, увабраўшы ў сябе частку земляў Вялікалуцкага і Таропецкага паветаў скасаванай Пскоўскай губэрні. У 1929 годзе перададзены ў склад Заходняй вобласьці з цэнтрам у Смаленску, ад 1935 году ў складзе Калінінскай вобласьці. У 1944 годзе ўвайшоў у склад Вялікалуцкай вобласьці, а пасьля яе ліквідацыі ў 1957 годзе — у склад Пскоўскай вобласьці.

Насельніцтва раёну складае 23,4 тыс. чалавек (без райцэнтру), у Вялікіх Луках жывуць каля 98 тыс. Усяго налічваецца 466 населеных пунктаў.

У складзе раёну маецца 11 сельскіх паселішчаў:

• Боркаўскае сельскае паселішча
• Букроўскае сельскае паселішча
• Горыцкае сельскае паселішча
• Купуйскае сельскае паселішча
• Лычоўскае сельскае паселішча
• Мар’інскае сельскае паселішча
• Парэцкае сельскае паселішча
• Перасьлегінскае сельскае паселішча
• Усьпенскае сельскае паселішча
• Чарпескае сельскае паселішча
• Шалкоўскае сельскае паселішча

Працягласьць аўтамабільных шляхоў раёну — 548 км (зь іх 73 % — з асфальтабэтонным пакрыцьцём). З усходу на захад раён перасякае аўтамагістраль «Балтыя» Масква — Валакаламск — да мяжы з Латвіяй. Па тэрыторыі раёну праходзяць чыгуначныя лініі Масква — Рыга і Балагое-Маскоўскае — Вялікія Лукі — Полацак. Усе чыгункі аднакалейныя і неэлектрыфікаваныя.

• Сядзіба Корвін-Крукоўскіх у в. Палібіна.

• Соф’я Кавалеўская — правяла дзяцінства ў фамільным маёнтку бацькі ў вёсцы Палібіна
• Ганна Корвін-Крукоўская (Жаклар) — рэвалюцыянэрка і пісьменьніца, дачка генэрал-лейтэнанта В. Корвін-Крукоўскага (1847—1887). Была замужам за францускім журналістам, рэвалюцыянэрам — блянкістам Віктарам Жакларам. Удзельніца Парыскай камуны 1871 году.

  Вялікалуцкі раён — сховішча мультымэдыйных матэрыялаў

• Вялікалуцкі раён на Radzima.org