Шчучынскі Сельсавет
Шчу́чынскі сельсавет — адміністрацыйна-тэрытарыяльная адзінка ў складзе Шчучынскага раёну Гарадзенскай вобласьці.
Цэнтар — вёска Тур’я.
| Шчучынскі сельсавет | |
| Агульныя зьвесткі | |
|---|---|
| Краіна | |
| Статус | сельсавет Беларусі[d] |
| Адміністрацыйны цэнтар | Тур’я |
| Дата ўтварэньня | 12 кастрычніка 1940 |
| Насельніцтва |
|
| Мэдыя-зьвесткі | |
| Часавы пас | UTC+03:00 |
 Дадатковыя мультымэдыйныя матэрыялы | |
Утвораны 12 кастрычніка 1940 году ў складзе Шчучынскага раёну Баранавіцкай вобласьці БССР. Цэнтар — гарадзкі пасёлак (з 31 жніўня 1962 году горад) Шчучын. З 20 верасьня 1944 году ў складзе Гарадзенскай вобласьці.
16 ліпеня 1954 году да сельсавету далучана тэрыторыя скасаванага Вярбілкаўскага сельсавету.
23 ліпеня 1965 году да сельсавету далучана тэрыторыя скасаванага Вялікабаярскага сельсавету (13 населеных пунктаў: Валока, Вялікія Баяры, Готараўшчына, Зайкаўшчына, Ішчална, Казарэзы, Кемяны, Корасьць, Малыя Баяры, Навасады, Станіславова, Юцеўцы і Ялашаўцы), цэнтар сельсавета перанесены ў вёску Плянты.
У 1966 годзе тэрыторыя былога Вялікабаярскага сельсавету (вёскі Валока, Вялікія Баяры, Готараўшчына, Зайкаўшчына, Ішчална, Казарэзы, Кемяны, Корасьць, Малыя Баяры, Навасады, Станіславова, Юцеўцы і Ялашаўцы) перададзена ў склад Мажэйкаўскага сельсавету, вёска Рэзы-Галаўнічы — у склад Ражанкаўскага сельсавету.
У 1976 годзе ў склад сельсавету з Каменскага сельсавету перададзены 13 населеных пунктаў: Агароднікі, Барташы, Будраўцы, Дубраўляны, Ельня, Жадзейкі, Жылічы, Зарэчча, Мілеўцы, Поплава, Скоржыкі, Шніпкі, Юшкі.
25 верасьня 2002 году ў склад Лядзкага сельсавету перададзена вёска Тапілішкі.
10 сьнежня 2002 году цэнтар сельсавету перанесены ў вёску Тур’я. 28 траўня 2013 году вёска Першамайская ўключана ў межы гораду Шчучын.
Насельніцтва сельсавету паводле перапісу 2009 году — 2098 чалавек, зь іх 66,3 % — палякі, 28,1 % — беларусы, 4,4 % — расейцы.
Крыніцы
Літаратура
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
This article uses material from the Wikipedia Беларуская (тарашкевіца) article Шчучынскі сельсавет, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.