Фэльдма́ршал (па-нямецку: Feldmarschall), або генэрал-фэльдмаршал (па-нямецку: Generalfeldmarschall) — найвышэйшае вайсковае званьне, якое існавала ў арміях германскіх дзяржаваў, Расейскай імпэрыі, Сьвятой Рымскай імпэрыі і Аўстрыйскай імпэрыі.
Адпавядае званьню маршала ў некаторых іншых арміях.
Упершыню тытул фэльдмаршала для галоўнага военачальніка зьявіўся ў дзяржаве, утворанай Тэўтонскім ордэнам у XIV стагодзьдзі. Пазьней існаваў у Прусіі. У XVI стагодзьдзі ў германскіх дзяржавах, а ў XVII стагодзьдзі ў Аўстрыі і Расеі было ўведзена званьне (чын) генэрал-фэльдмаршала, якое прысвойвалася галоўнакамандуючым сухапутных арміяў за асобыя заслугі падчас вайны.
Да 1941 году чын (званьне) генэрал-фэльдмаршала быў найвышэйшым вайсковым званьнем у арміі і Ваенна-паветраных сілах Нямеччыны (у Ваенна-марскіх сілах мелася адпаведнае званьне — «грос-адмірал»). Падчас Другой сусьветнай вайны 1939—1945 гадоў ва ўзброеных сілах Нямеччыны званьне генэрал-фэльдмаршала мелі 26 военачальнікаў.
У 1940 годзе было ўведзена дадатковае званьне — «Райхсмаршал», адзіным уладальнікам якога быў Герман Герынг (авіяцыя). Пасьля падзеньня Трэцяга райху званьне генэрал-фэльдмаршала ў арміі і ВПС (а ў ВМС грос-адмірала) было скасавана.
У Вялікабрытаніі званьне фэльдмаршала існуе з 1736 году і да цяперашняга часу (у 1996 годзе было прынята рашэньне не прысвойваць гэтае званьне ў мірны час).
Фэльдмаршал — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Фэльдмаршал, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.