Тэсалія: гістарычная вобласьць Грэцыі
Тэсалія (па-грэцку: Θεσσαλία) — гістарычны рэгіён на паўночным усходзе Элады на ўзьбярэжжы Эгейскага мора.
Існуе пэрыфэрыя з такой жа назвай, якая зьяўляецца адміністрацыйна-тэрытарыяльнай адзінкай Грэцыі.
| Тэсалія | |
| Агульныя зьвесткі | |
|---|---|
| Краіна | |
| Статус | рэгіён і гістарычная вобласьць[d] |
| Насельніцтва |
|
| Плошча |
|
| Вышыня па-над узр. м. · сярэдняя вышыня | 95 м |
| Месцазнаходжаньне | |
 | |
| Мэдыя-зьвесткі | |
| Часавы пас | UTC+2, UTC+03:00 |
| Код ISO 3166-2 | GR-E |
| Афіцыйны сайт | |
 Дадатковыя мультымэдыйныя матэрыялы | |
Горны хрыбет Пінд, які цягнецца з поўначы на поўдзень разьмяжоўвае Паўночную Грэцыю на ўсходнюю і заходнюю часткі. Тэсалія займае найбольш буйныя і ўрадлівыя даліны ўсходняй часткі, разьмешчаныя ўздоўж ракі Пэнэй і яе прытокаў. На Захад ад Тэсаліі за гарамі Пінд разьмешчаны Эпір, які ў старажытнасьці ўжо ня быў грэцкай вобласьцю, але быў моцна падзьвержаны грэцкаму ўплыву, на яго тэрыторыі былі грэцкія калёніі і вядомае сьвяцілішча ў Дадоне. З поўначы натуральнай граніцай Тэсаліі служыць гара Алімп, якую старажытныя грэкі лічылі прыстанкам багоў. Паўночней за Тэсалію, за Алімпам, — тэрыторыя, якая ў старажытнасьці не была грэцкай — Македонія. З поўдня Тэсалія абмежавана гарамі Офрыя, за якімі разьмешчана мноства земляў Цэнтральнае Грэцыі. З усходу Тэсалія амываецца водамі Эгейскага мора і яго заліваў, але выхады да мора абмежаваныя гарамі Алімп і Оса на поўначы і Пэліён на поўдні.
Разьмяшчэньне Тэсаліі на марскіх шляхох далёка ня самае выгоднае і яе жыхары не адрозьніваліся мараплаўствам. Землі Тэсаліі адны зь лепшых у Грэцыі для заняткаў земляробствам і жывёлагадоўляй. Па свайму месцазнаходжаньню Тэсалія — крайні Фарпост Грэцыі з боку эўрапейскага кантынэнту і галоўная дарога для рознага кшталту ўварваньняў. У склад Тэсаліі ўваходзілі вобласьці: Гестыятыда, Пэлясгія, Фэсаліятыда, Фтыятыда. У асобныя моманты гісторыі да яе адносіліся і сумежныя вобласьці: Магнэсія — на паўднёвым усходзе, Далёпія — на паўднёвым захадзе, Эта і Мэліда на поўдні.
Вонкавыя спасылкі
This article uses material from the Wikipedia Беларуская (тарашкевіца) article Тэсалія, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.