Ту́раўскі раён — былая адміністрацыйна-тэрытарыяльная адзінка ў складзе Гомельскай вобласьці.
Адміністрацыйны цэнтар — мястэчка (з 1938 году — гарадзкі пасёлак) Тураў.
Тураўскі раён | |
Агульныя зьвесткі | |
---|---|
Краіна | |
Статус | раён СССР[d], раён Беларусі і былая адміністрацыйна-тэрытарыяльная адзінка[d] |
Адміністрацыйны цэнтар | Тураў |
Дата ўтварэньня | 17 ліпеня 1924 |
Дата скасаваньня | 17 красавіка 1962 |
Насельніцтва |
|
Плошча |
|
Месцазнаходжаньне | |
Дадатковыя мультымэдыйныя матэрыялы |
Тураўскі раён утвораны ў Мазырскай акрузе ў адпаведнасьці з пастановай Цэнтральнага выканаўчага камітэту саветаў БССР 17 ліпеня 1924 году. 20 жніўня 1924 году падзелены на 7 сельсаветаў.
У 1925 годзе ў раёне налічвалася 25 070 чалавек. Зь іх: мужчын — 12 467, жанчын — 12 603. Па нацыянальнасьці насельніцтва разьмяркоўвалася: беларусаў — 22 197, габрэяў — 2808, палякаў — 32, расейцаў — 25, немцаў — 6, іншых — 2. Раён дзяліўся на 8 сельсаветаў, якія аб’ядноўвалі 67 населеных пунктаў. Зь іх паселішчаў — 31, хутароў — 36. Тэрыторыя раёну ахапляла 1341 кв. вёрст, агульнай плошчай 142 454,41 дзесяцін.
Па зьвестках 1926 году раён займаў плошчу 2095 км², насельніцтва — 24,4 тыс. чал. У ліпені 1930 году, калі была скасавана акруговая сыстэма, Тураўскі раён перайшоў у прамое падначаленьне БССР.
Насельніцтва на 1 студзеня 1933 году — 27,7 тыс. чалавек (Тураў — 4,5 тысячы).
Сельсаветы: Азяранскі (11 населеных месцаў, 90 гаспадарак, 517 жахароў), Букчанскі (19, 167, 842), Верасьніцкі (6, 117, 842), Перароўскі (5, 194, 1031), Рычоўскі (10, 106, 561), Тонескі (10, 232, 1190), Тураўскі 1-ы (гандлёвая частка, местачковы) (1, 399, 2157), Тураўскі 2-гі (сельгас. частка) (11, 516, 2844).
У ліпені 1935 году раён увайшоў у склад ізноў утворанай Мазырскай акругі, якая была скасавана ў студзені 1938 году. З 20 лютага 1938 году, з увядзеньнем абласнога дзяленьня, улучаны ў склад Палескай, з 8 студзеня 1954 году — Гомельскай абласьцях.
Па зьвестках на 1 студзеня 1947 году раён займаў плошчу 1,5 тыс. км². У яго склад уваходзілі гарадзкі пасёлак Тураў і 8 сельсаветаў: Азяранскі, Букчанскі, Верасьніцкі, Запясоцкі, Перароўскі, Радзілавіцкі, Рычоўскі, Тонескі.
17 красавіка 1962 году раён скасаваны, тэрыторыя перададзена ў склад Жыткавіцкага (г. п. Тураў, Тураўскі п/с, Азяранскі с/с, Верасьніцкі с/с, Перароўскі с/с і Рычоўскі с/с) і Лельчыцкага (Букчанскі с/с, Дзяржынскі с/с і Тонескі с/с) раёнаў.
У 1960 годзе перад скасаваньнем Тураўскага раёну ў ім налічвалася 39 школ, у якіх працавала 298 настаўнікаў, 44 бібліятэкі, кніжны фонд (70 тыс. кніг), 42 клюбы, 8 кінаўстановак, музэй.
This article uses material from the Wikipedia Беларуская (тарашкевіца) article Тураўскі раён, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.