Стэфан Пац

Падскарбі надворны (1630) і вялікі літоўскі (1630—1635), падканцлер вялікі літоўскі (з 1635).

Стэфан Пац

Стэфан Пац. Невядомы мастак, XVII ст.
Герб «Газдава»
Асабістыя зьвесткі
Нарадзіўся	1587(1587)
Памёр	17 лістапада 1640
Пахаваны	Вільня
Род	Пацы
Бацькі	Мікалай Пац (сын Дамініка) Соф’я з Сапегаў[d]
Дзеці	Крыштап Жыгімонт Пац, Мікалай Стафан Пац, Ганна з Пацаў[d], Соф’я з Пацаў[d], Станіслаў Пац[d] і Кацярына з Пацаў[d]
Дзейнасьць	службовая асоба

Быў старостам берасьцейскім, прэнскім і ваўкавішкаўскім.

Прадстаўнік шляхецкага роду Пацаў гербу «Газдава», сын Мікалая, падкаморыя берасьцейскага, і Соф’і з Сапегаў.

Навучаўся ў Італіі, па вяртаньні ў Вялікае Княства Літоўскае атрымаў пасады каралеўскага сакратара (з 1611), пісара вялікага літоўскага (1615—1630), рэфэрэндара сьвецкага (1626—1630) і іншыя.

Браў удзел у вайне Рэчы Паспалітай з Маскоўскай дзяржавай (1609—1618).

Шчыры каталік, фундаваў кляштар кармэлітак і касьцёл Сьвятога Язэпа ў Вільні, таксама спрыяў будове касьцёла Сьвятой Тэрэзы.

У шлюбе з Ганнай Дусяцкай меў сыноў Станіслава, Крыштапа Жыгімонта і Мікалая Стэфана, а таксама дачок Соф’ю і Ганну.

• Іканаграфія Стэфана Паца
•  
  Радавод С. Паца, 1640 г.
•  
  Невядомы мастак, XVII ст.
•  
  Невядомы мастак, XVIII ст.

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0

  Стэфан Пац — сховішча мультымэдыйных матэрыялаў