Паўднёвамараўскі Край

Паўднёвамараўскі край
Jihomoravský kraj
Герб	Сьцяг
Агульныя зьвесткі
Краіна	Чэхія
Статус	край
Уваходзіць у	Маравія
Адміністрацыйны цэнтар	Брно
Дата ўтварэньня	1 студзеня 2000
Кіраўнік	Jan Grolich[d]
Афіцыйныя мовы	Чэская
Насельніцтва (2013)	1 168 650
Шчыльнасьць	162 чал./км²
Плошча	7195 км²
Вышыня па-над узр. м.  · найвышэйшы пункт  · сярэдняя вышыня  · найніжэйшы пункт	819 м  212 м  150 м
Месцазнаходжаньне
Мэдыя-зьвесткі
Часавы пас	+1
Код ISO 3166-2	CZ-JM
Код аўтам. нумароў	B
Афіцыйны сайт
Дадатковыя мультымэдыйныя матэрыялы

Разам зь дзяржаўнай мяжой са Славаччынай і Аўстрыяй, край мяжуе з Паўднёвачэскім, Пардубіцкім, Оламаўцкім, Зьлінскім і Высачынскім краямі Чэхіі.

Гара Чапец (819 мэтраў над узроўнем мора) зьяўляецца самым высокім пунктам рэгіёну, самы нізкі пункт разьмешчаны ў месцы ўпадзеньня ракі Дыя ў Мораву (150 мэтраў вышэй за ўзровень мора).

Агулам у краі 672 населеныя пункты, у тым лік 48 месцаў. На плошчы 7196,5 км² пражывае каля 1,13 мільёнаў чалавек (згодна са зьвесткамі перапісу 2005 року). Сярэдняя шчыльнасьць насельніцтва ў краі 159 чал./км² (для параўнаньня ў Чэхіі сярэдняя шчыльнасьць насельніцтва складае 130 чал./км²).

Сталіца краю — места Брно.

• Брно
• Бланска
• Годанін
• Бржэцлаў
• Вышкаў
• Знойма

Сельская гаспадарка мае ў паўднёвамараўскім краі даўнія традыцыі. На 60% тэрыторыі вырошчваецца збожжа, цукровыя буракі, вінаград, садавіна. Валавы нацыянальны прадукт зьяўляецца другім па велічыні ў Чэхіі. Пры гэтум найбольшую долю ў вытворчасьці маюць перапрацоўчая прамысловасьць і сельская гаспадарка. Міжнароднае эканамічнае супрацоўніцтва разьвіваецца ў эўрарэгіёне Памараві, які ўключае Вайнфіртэль, Паўднёвую Маравію й Заходнюю Славаччыну.

Адміністрацыйны цэнтар краю — места Брно зьяўляецца таксама важным цэнтрам гандлю, у якім праводзяцца буйныя кірмашы. Шторок у горадзе праводзіцца прыкладна 50 кірмашоў рознага кірунку. Места таксама зьяўляецца навуковым цэнтрам, у ім разьмешчаны шэраг навуковых установаў і навукова-дасьледчых інстытутаў. У Брно маюцца 6 вышэйшых навучальных устаноў, у якіх навучаецца пятая частка ўсіх студэнтаў Чэхіі.

Брно — важны чыгуначны вузел, разьмешчаны на скрыжаваньні чыгуначных шляхоў, якія злучаюць Прагу, Вену, Браціславу, Сылезію й Кракаў. Міжнародны аэрапорт Брно-Туржаны разьмешчаны недалёка ад сталіцы рэгіёна. Места Брно таксама зьвязана аўтамагістралямі з Прагай, Браціславай ды Венай.

Турызм

Паўднёвамараўскі край прываблівае турыстаў як і сваёй архітэктурай, так і сваімі нацыянальнымі паркамі й прыроднымі рэсурсамі. На поўначы рэгіёна знаходзяцца горы з шматлікімі пячорамі й найглыбейшым у Чэхіі цясьнінай Мацоха (па-чэску: Macocha), глыбіня яе складае 138 мэтраў.

На поўдны месьціцца безьліч саджалак, дзе разводзяць вадаплаўную птушку, да якіх прылягае тэрыторыя біясфэрнага запаведніка Палава (па-чэску: Pálava) й культурныя ляндшафты паркавых комплексаў Лэдніцы-Вальціцы (па-чэску: Lednice-Valtice)

На вадасховішчы Новэ Млыны (па-чэску: Nové Mlýny) разьвіваюцца водныя віды спорту.

  Паўднёвамараўскі край — сховішча мультымэдыйных матэрыялаў

• Афіцыйная бачына
• Вынікі перапісу насельніцтва 2011 року