Мацей Бутрымовіч: дзяржаўны дзяяч Вялікага Княства Літоўскага
Мацей Бутрымовіч (па-польску: Mateusz Butrymowicz; 1745—1814) — дзяржаўны дзяяч Вялікага Княства Літоўскага.
Падстароста, мечнік і лоўчы пінскі, удзельнік Чатырохгадовага Сойму.
 Мацей Бутрымовіч | |
 Герб «Тапор» | |
| Асабістыя зьвесткі | |
|---|---|
| Нарадзіўся | 1745 |
| Памёр | 1814 |
| Род | Бутрымовічы |
| Бацькі | Якуб Бутрымовіч Настасься з Горчакаў |
| Жонка | Крыстына зь Лях-Шырмаў |
| Дзеці | Юзэфа, Рычард, Ксавэры |
| Дзейнасьць | картограф |
Жыцьцяпіс
Прадстаўнік шляхецкага роду Бутрымовічаў гербу «Тапор», сын Якуба і Настасьсі з Горчакаў. Навучаўся ў Пінскім езуіцкім калегіюме. Падтрымліваў партыю гетмана вялікага літоўскага М. К. Агінскага.
- 1776—1782 гады — паручкік пяцігорскі войскаў Вялікага Княства Літоўскага.
- 1778 год — намінаваны канюшым Пінскага павету.
- 1780 год — мечнік пінскі.
- 1781 і 1786 гады — быў дэпутатум Літоўскага трыбуналу.
- 1783 год — судзьдзя гродзкі, а ў 1785 — падстароста пінскі.
- 1784 год — завершыў будову Мухавецкага і Целяханаўскага водных каналаў.
- 1788 год — абіраўся паслом на Чатырохгадовы Сойм ў Варшаве.
Уваходзіў у камісію для экзамінаваньня скарбу ВКЛ, дэпутацыю экзамінаваньня справы пра абвінавачаных у бунтах. Выступаў за стварэньне ў Рэчы Паспалітай аўтаномнай праваслаўнай улады. Унёс на Сойм прапановы дзеля паляпшэньня стану габрэяў у дзяржаве — зрабіўся сябрам дэпутацыі ў пытаньнях габрэяў. Выступаў за перадачу адукацыі ў краіне ад Адукацыйнай камісіі да манаскіх ордэнаў. Прыхільнік Канстытуцыі 3 траўня; быў сябрам Згуртаваньня прыхільнікаў урадавай канстытуцыі.
- 1791 год — лоўчы пінскі.
Разам з гетманам М. К. Агінскім з уласнай ініцыятывы распачаў будову гасьцінцаў зь Пінску ў кірунках Слоніма і Валыні. У сваім маёнтку Крыстынаў (Пінскі павет) стварыў узорную гаспадарку, разьмясьціўшы яе на асушаных балотах. Заснаваў школу для дзяцей рамесьнікаў і сялянаў. У 1784—1790 гадох у Пінску збудаваў палац у стылі клясыцызму паводле праекту архітэктара Караля Шыльдхаўза.
У шлюбе з Крыстынай Лях-Шырмай меў дачку Юзэфу, сыноў Рычарда і Ксавэрыя.
Паводле мэтрычных зьвестак Мацей Бутрымовіч памёр 20 снежня 1814 году ў маёнтку Крыстынаў пад Лапаціным (Пінскі павет). Пахаваны на мясцовых могілках.
Крыніцы
Літаратура
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4
- Helena Waniczkówna. Butrymowicz Mateusz // Polski Słownik Biograficzny. — Wrocław-Kraków, 1937.
Вонкавыя спасылкі
This article uses material from the Wikipedia Беларуская (тарашкевіца) article Мацей Бутрымовіч, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.