Марыя Багушэвіч

4 студзеня 1865 году ў вёсцы Цапэрка Слуцкага павету Менскай губэрні — пам. у 1887 годзе ў Краснаярску) — беларуская рэвалюцыянэрка.

Марыя Багушэвіч
Дата нараджэньня	4 студзеня 1865(1865-01-04)
Месца нараджэньня	Цапэрка, Слуцкі павет, Менская губэрня, Расейская імпэрыя
Дата сьмерці	1887
Месца сьмерці	Краснаярск, Енісейская губерня[d], Расейская імпэрыя
Занятак	публіцыстка, настаўніца
Навуковая сфэра	настаўнік
Бацька	Уладзімір Багушэвіч[d]
Маці	Генрыка з Медушэўскіх[d]
Марыя Багушэвіч у Вікісховішчы

Пахадзіла зь зьбяднелай дваранскай сям’і, была ўнучкай сястры Тадэвуша Касьцюшкі. Яе бацька Уладзімер Багушэвіч удзельнічаў у паўстаньні 1863 году. Сям’я была таксама зьвязаная з родам Францішка Багушэвіча. Нарадзілася й да 10 гадоў жыцьця пражывала ў вёсцы Цапэрка ў Слуцкім павеце. У 1874 годзе яе бацькі прадалі гаспадарку й пераехалі ў Варшаву. Пасьля заканчэньня сярэдняй школы працавала прыватнай настаўніцай.

Дзейнічала ў партыі «Пралетарыят». Пасьля арыштаваньні расейцамі шматлікіх сярод сяброў арганізацыі ў 1884 годзе, стала на чале Цэнтральнага камітэту партыі. Арыштаваная ў ноч 29 на 30 верасьня 1885 году, была зьмешчаная ў Х Павільён Варшаўскае цытадэлі. У траўні 1887 году пакарана высылкаю на 5 гадоў у Сыбір. У дарозе вяла «Дзёньнікі». Не даехаўшы да месца ссылкі, памерла ў краснаярскай перасыльнай турме.

• Маракоў, Леанід. Багушэвіч Марыя Уладзіміраўна Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. 1794-1991 Праверана 28 сьнежня 2009 г.