Крыстыян Бэйл: брытанскі актор

Вядомы сваёй унівэрсальнасьцю і інтэнсіўным мэтадам акторскага майстэрства, ён зьяўляецца ляўрэатам шматлікіх узнагарод, у тым ліку прэміяй «Оскар» і двума ўзнагародамі «Залаты Глёбус». Бэйл зьяўляецца прыхільнікам Таварыства аховы марской фаўны, Грынпіс і Сусьветнага фонду дзікай прыроды. У 2014 годзе актор атрымаў амэрыканскае грамадзянства.

Крыстыян Бэйл
Дата нараджэньня	30 студзеня 1974(1974-01-30)[…] (50 гадоў)
Месца нараджэньня	Гавэрфордўэст[d], Пэмбракшыр[d], Ўэйлз, Вялікабрытанія
Месца вучобы	Bournemouth School[d]
Занятак	актор, кінаактор, актор агучваньня, характарны актор, кінапрадусар, тэлеактор
Бацька	Дэйвід Бэйл[d]
Маці	Jenny James[d]
Дзеці	Luka Bale[d] і Rex Bale[d]
Узнагароды	прэмія «Выбару крытыкаў» за найлепшую мужчынскую ролю — камэдыя[d] (17 студзеня 2016) Sitges Film Festival Best Actor award[d] (2004)
IMDb	ID nm0000288
Крыстыян Бэйл у Вікісховішчы

Нарадзіўся ў горадзе Гавэрфордўэст ва Ўэйлзе ў сям’і ангельскіх бацькоў. Першую сваю галозную ролю атрымаў у 13 гадоў у ваенным фільме Стывэна Сьпілбэрга «Імпэрыя сонца» (1987). Пасьля дзесяцігодзьдзя розных роляў, у тым ліку ў фільмах «Маленькія жанчыны» (1994) і «Пакагонтас» (1995), ён атрымаў шырокае прызнаньне за ролю сэрыйнага забойцы Патрыка Бэйтмана ў фільме «Амэрыканскі псыхапат» (2000). Цікава, што Бэйл быў ненадоўга адхілены ад праекту на карысьць Леанарда Дыкапрыё, але Дзі Капрыё ў рэшце рэшт пакінуў праект, каб узяць удзел у фільме «Пляж». Бэйл быў зноўку вернуты на ролю ў кінастужцы. Ён дасьледаваў свайго пэрсанажа, вывучаючы раман, і фізычна падрыхтоўваўся да гэтае ролі, праводзячы месяцы пад сонцам, каб атрымаць загарэласьць, і за фізычнымі практыкаваньнямі, каб дасягнуць спартовага целаскладу. У 2004 годзе ён згубіў 29 кг каб выканаць ролю ў псыхалягічным трылеры «Машыніст» (2004). На працягу шасьці месяцаў ён набраў 45 кг, каб зьняцца ў ролі Бэтмана ў фільме Крыстафэра Нолана «Бэтман: Пачатак» (2005), ролю, якую ён паўтарыў у сыквэлах, як то «Цёмны рыцар» (2008) і «Цёмны рыцар паўстае» (2012).

Бэйл працягваў выконваць галоўныя ролі, у тым ліку ў драме Нолана «Прэстыж» (2006), у ўэстэрне «Цягнік у Юму» (2007), у навукова-фантастычным фільме «Тэрмінатар: Прыйдзе выратавальнік» (2009) і ў крымінальнай драме «Джоні Д.» (2009). У 2010 годзе Бэйл стаў ляўрэатам прэміі «Оскар» і «Залаты Глёбус» за ролю Дыкі Эклунда ў біяграфічным фільме «Баец» Дэйвіда Расэла. Наступныя ролі актора, таксама былі заўважаныя кінакрытыкамі і заўзятарамі кіно. Гэтак Бэйл сыграў у чорнай камэдыі Расэла «Амэрыканская афэра» (2013) і ў сатырычных фільмам Адама Макея «Вялікі продаж без пакрыцьця» (2015) і «Віцэ» (2018). За ролю Рычарда Чэйні ў апошняй кінастужцы ён атрымаў прэмію «Залаты Глёбус». У 2019 годзе ён зьняўся ў ролі кіроўцы гоначнага самаходу Кена Майлза ў фільме «Форд супраць Фэрары» рэжысэра Джэймза Мэнгалда.

• Крыстыян Бэйл (анг.) на сайце IMDb