Конрад: мужчынскае асабістае імя (Konrad)

Вытворныя прозьвішчы — Кондрат, Кандратовіч.

Асноўны артыкул: Імёны ліцьвінаў

Конрад, Конрат, Кунрад або Кунрат (Konrad, Conrat, Cunrad, Cunrat) — імя германскага паходжаньня. Іменная аснова -кон- (-кун-) (імёны ліцьвінаў Кондрут, Кунат, Якун; германскія імёны Cundrud, Kunat, Acun) паходзіць ад гоцкага koni- 'адважны' або германскага kunja, kuni '(хтосьці) з годнага, шляхецкага роду', а аснова -рад- (-рат-) (імёны ліцьвінаў Радзівіл, Раталт, Радавін; германскія імёны Ratwilius, Ratolt, Radowin) — ад гоцкага *rêþs, германскага rad- 'рада'.

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Konrad (Konrat, Kunrod, Kunrot).

У 1633 годзе ў Каралявецкім унівэрсытэце навучаўся Georgius Conradi, Regiomontanus Borussus.

Варыянты імя ў гістарычных крыніцах: domino Gabriele Cunrado Iwaszkowycz (9 ліпеня 1489 году); generosis dominis Petro Kvnrathowycz (10 траўня 1506 году); Conrad Waszko… Conrad y Sienkowicze (1563 год); z Jurgielem Konratowiczem… Jurgiel Konratowicz (4 сьнежня 1554 году); Conradowicz (1610—1622 гады); Mikołaj Konratowicz (1621 год).

• Конрад I (890—918) — кароль нямецкі (911—918)
• Конрад II (990—1039) — кароль нямецкі (1024—1039)
• Конрад I Брненскі (1035—1092) — князь чэскі
• Конрад III (1093—1152) — кароль нямецкі (1138—1152)
• Конрад I Мазавецкі (1187—1247) — князь мазавецкі
• Конрад I (каля 1204—1304) — маркграф Брандэнбургу
• Конрад IV (1228—1254) — кароль нямецкі (1237—1254)
• Конрад II Чэрскі (каля 1250—1294) — князь мазавецкі
• Конрад Цёльнэр фон Ротэнштайн (1325—1390) — 23-і вялікі магістар Тэўтонскага ордэну (1382—1390)
• Конрад фон Валенрод (1330—1393) — 24-ы вялікі магістар Тэўтонскага ордэну (1391—1393)
• Конрад фон Юнгінген (1355—1407) — 25-ы вялікі магістар Тэўтонскага ордэну (1393—1407)
• Конрад — каталіцкае хроснае імя Таўцівіла Кейстутавіча (1355?—1390), сына вялікага князя літоўскага Кейстута
• Конрад (1360-я — 1390) — літоўскі князь, сын Войдата
• Конрад — староста ковенскі, які прывесіў да акту Гарадзенскай умовы пячаць з рускім надпісам «ПЕЧА… …ОНДРАТОВА»
• Конрад Кучук (упамінаецца ў 1436) — літоўскі баярын, пачынальнік роду Кучукоў (Кучуковічаў)
• Конрад Монтаўтавіч (упамінаецца ў 1440—1446) — літоўскі баярын, сын Монтаўта
• Конрад Ганушкавіч — літоўскі баярын, які ўпамінаецца ў 1461 годзе
• Конрад Гудзігердавіч (да 1437 — па 1476) — літоўскі баярын, сын Гудзігерда Валімонтавіча
• Конрад III Руды (1448—1503) — князь мазавецкі, сын Барбары Алелькаўны і муж Ганны Радзівіл
• Конрад Івашкавіч — літоўскі баярын, які ўпамінаецца ў 1522 годзе
• Конрад Парфяновіч (Konrad Parfianowicz) — праваслаўны віленскі купец, які ўпамінаецца ў 1664 годзе
• Конрад Адэнаўэр (1876—1967) — першы фэдэральны канцлер Заходняй Нямеччыны (1949—1963)

Кандратовічы (Кондраты) гербу Сыракомля — літоўскі шляхецкі род.

Конрады (Konrad) гербаў Суліма і ўласнага — літоўскі шляхецкі род зь Меншчыны.

У XVI ст. існавала сяло Конрадзе (Конрадзе) у Жамойцкім старостве.

У гістарычнай Прусіі існуе вёска Канрады.

• Кона
• Рада
• Ганус (імя)
• Індрых

• Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. Аўтарскае выданне. — Менск, 2019. — 459 с. — (сьціслая вэрсія кнігі: Вытокі Вялікае Літвы. — Менск, 2021. — 89 с.)
• Усціновіч А. Слоўнік асабовых уласных імён / навук. рэд. А. Лукашанец. — Менск: Літаратура і Мастацтва, 2011. — 240 с. — ISBN 978-985-6941-10-1.