Катастрофа Су-25 пад Наваградкам — авіякатастрофа, якая адбылася 12 чэрвеня 2012 году за 2 км ад вёскі Навіны Пятрэвіцкага сельсавету Наваградзкага раёну.
Катастрофа Су-25 пад Наваградкам | |
Зьвесткі пра катастрофу | |
---|---|
Дата | 13 чэрвеня 2012 г. |
Характар | падзеньне на зямлю |
Месца катастрофы | бліз вёскі Навіны Наваградзкага раёну |
Пункт вылету | 116-я штурмавая авіябаза (Ліда) |
Паветранае судна | |
Назва самалёта | Су-25 |
Бартавы нумар | 42 |
Пасажыры | 0 |
Экіпаж | 1 |
Загінулі | 1 |
Выжылі | 0 |
12 чэрвеня 2012 год увайсковы лётчык першай клясы падпалкоўнік Мікалай Грыднеў 116-й штурмавой авіябазы (Ліда) на авіяпалігоне паблізу мястэчка Бярозаўка Лідзкага раёну выконваў на Су-25 манэўры на гранічна малой вышыні. Пасьля выкананьня заданьня ў 15:35 на вышыні 200 мэтраў самалёт пачаў губляць кіраваньне. Кіраўніком палёту была дадзеная каманда лётчыку на катапультаваньне.
Але пілёт загінуў, адводзячы самалёт ад вёскі Навіны Наваградзкага раёну.
Як сьцьвярджаюць відавочцы «Ён ляцеў вельмі нізка. Над самай зямлёй, а потым зьнік. І тады моцна грымнула. Гук быў моцны, хоць да месца падзеньня ад дарогі было даволі далёка».
Да заканчэньня работы камісіі, якая займаецца расьсьледаваньнем прычын катастрофы, загадам міністра абароны Беларусі Юрыя Жадобіна ўведзена забарона на палёты ўсёй авіяцыі Ўзброеных сіл.
Зьнішчальнік Су-25 бартавы нумар 42 быў на ўзбраеньні 116-й штурмавой авіябазы ў Лідзе.
Загінуў лётчык 1-й клясы падпалкоўнік Мікалай Грыднеў.
This article uses material from the Wikipedia Беларуская (тарашкевіца) article Катастрофа Су-25 пад Наваградкам, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.