Кобрынь Касьцёл Унебаўзяцьця Найсьвяцейшай Панны Марыі

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Унебаўзяцьця Найсьвяцейшай Панны Марыі (неадназначнасьць).

Помнік сакральнай архітэктуры
Касьцёл Унебаўзяцьця Найсьвяцейшай Панны Марыі
Касьцёл Унебаўзяцьця Найсьвяцейшай Панны Марыі
Краіна	Беларусь
Места	Кобрынь
Каардынаты	52°12′44.90″ пн. ш. 24°22′10.10″ у. д. / 52.2124722° пн. ш. 24.3694722° у. д. / 52.2124722; 24.3694722 24°22′10.10″ у. д. / 52.2124722° пн. ш. 24.3694722° у. д. / 52.2124722; 24.3694722
Канфэсія	каталіцтва
Эпархія	Пінская дыяцэзія
Архітэктурны стыль	клясыцызм
Першае згадваньне	1840
Дата скасаваньня	1962
Касьцёл Унебаўзяцьця Найсьвяцейшай Панны Марыі на мапе Беларусі Касьцёл Унебаўзяцьця Найсьвяцейшай Панны Марыі
Касьцёл Унебаўзяцьця Найсьвяцейшай Панны Марыі на Вікісховішчы

Касьцёл Унебаўзяцьця Найсьвяцейшай Панны Марыі — помнік архітэктуры XIX ст. у Кобрыні. Знаходзіцца ва ўсходняй частцы места, на гістарычнай Пінскай вуліцы. Дзейнічае. Твор архітэктуры клясыцызму.

 

Мураваны касьцёл у Кобрыні збудавалі ў 1841—1845 гадох на сродкі парафіянаў.

У 1962 годзе савецкія ўлады зачынілі касьцёл. У 1989 годзе будынак касьцёла вярнулі каталікам, якія яго адрэстаўравалі.

Помнік архітэктуры клясыцызму. Гэта 3-нэфавая 2-вежавая базыліка. Прастакутны ў пляне аб’ём накрываецца 2-схільным дахам. З бакоў галоўнага фасаду ўзвышаюцца дзьве 1-ярусныя чацьверыковыя шатровыя вежы. Уваход вылучаецца вялікім аркавым парталам, які з бакоў дэкаруецца лучковымі эксэдрамі з скульптурамі сьвятых. Бакавыя фасады рытмічна падзяляюцца аркавымі аконнымі праёмамі і пілястрамі ў прасьценках, аб’яднаных аркатурай.

Унутраная прастора разьмяжоўваецца на нэфы высокімі аркадамі на 4-гранных пілёнах, перакрываецца роўным пляфонам. Алтар мае выгляд 4-пілястравага портыка з паўкруглым франтонам зь вітражнай люкарнай у цэнтры.

• Гістарычныя здымкі
•  
  1913 г.
•  
  1915—1918 гг.
•  
  1916 г.
•  
  1916 г.

•  
  1929 г.
•  
  да 1939 г.
•  
  да 1939 г.
•  
  да 1939 г.

• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

• Касьцёл Унебаўзяцьця Найсьвяцейшай Панны Марыі ў Кобрыні, Radzima.org