Гартс Эдынбург: шатляндзкі футбольны клюб з Эдынбургу

Адзін з двух клюбаў гораду, якія прадстаўляюць найвышэйшую лігу краіны, другі мае назоў «Гібэрніян». Хатнія матчы праводзіць на стадыёне «Тынкасл», які месьціцца ў эдынбурскім раёне Горгі. Стадыён зьяўляецца хатняй арэнай з 1886 году й зьмяшчае 17 420 гледачоў. У 2005 годзе летувіска-расейскі бізнэсоўца й банкір Уладзімер Раманаў выкупіў большую частку правоў на клюб у былога ўладальніка Крыса Робэртсана. На сёньняшні дзень клюб знаходзіцца пад вонкавым адміністрацыйным кантролем, паклаўшы канец уладаньню клюбам Уладзімерам Раманавым. Апошнім значным дасягненьнем клюбу лічыцца перамога ў Кубку Шатляндыі ў 2012 годзе, дзе ў фінале «сэрцы» перамаглі свайго спрадвечнага суперніка клюб «Гібэрніян» зь лікам 5:1.

Гартс
Поўная назва	Heart of Midlothian Football Club
Заснаваны	1874
Горад	Эдынбург, Шатляндыя
Стадыён	Тынкасл Умяшчальнасьць: 17 420
Прэзыдэнт	Эн Бадж[d]
Галоўны трэнэр	Робі Нілсан[d]
Чэмпіянат	Прэм’ер-ліга
· 2022—2023	4 месца
Хатнія колеры Выязныя колеры Трэція колеры
Галерэя здымкаў у Вікісховішчы heartsfc.co.uk (анг.)

Найбольш ранішняе згадваньне клюбу пад назовам Heart of Midlothian у спартовым кантэксьце было зроблена ў газэце The Scotsman 20 ліпеня 1864 году, калі каманда The Scotsman і Heart of Midlothian праводзілі гульню ў крыкет. На сёньняшні дзень невядома меў гэты клюб дачыненьне да футбольнага ці не, але ў тыя часу ў Брытаніі шмат клюбаў таксама добра гулялі ў іншых відах спорту. «Гартс» быў заснаваны ў 1874 году. Па розных меркаваньнях назва была ўзята ад папулярнай невялічкай танцавальнай залі, якая ў сваю чаргу так звалася па вядомым рамане сэра Ўолтэра Скота «Сэрца графства Лётыян» (Heart of Midlothian).

Клюб пачаў мець сур’ёзныя фінансавыя праблемы ў лістападзе 2011 году, што азначала, што кіраўніцтва было не ў стане выплаціць гульцам заробную плату, і клюб быў выстаўлены на продаж. Заробак за кастрычнік быў выплачаны позна, а заробак за лістапад гульцы ўбачылі толькі праз дваццаць дзевяць дзён, літаральна за дзень іхнага заробку за сьнежань. Але й заробак за сьнежань таксама ня быў выплачаны своечасова, з-за чаго прафзьвяз гульцоў падаў скаргу ў кіраўніцтва шатляндзкай Прэм’ер-Лігі. У гэты пэрыяд клюб параіў гульцам шукаць новы клюб. 4 студзеня 2012 году кіраўніцтва Прэм’ер-Лігі загадала «Гартсу» выплаціць усе нявыплачаныя заробкі да 11 студзеня й настойвала, каб заработная плата студзеня павінна была быць выплачана ў тэрмін да 16 студзеня. «Гартс» выплаціў усе заробкі 16 студзеня пасьля продажу Эгерта Ёнсана ва «Ўулвэргэмптан Ўандэрэрз».

17 чэрвеня 2013 году «Гартс» быў перададзіны пад вонкавы кантроль, маючы пазыку ў памеры 25 мільёнаў фунтаў стэрлінгаў.

Наступныя клюбы раней прымыкалі да «Гартсу», калі яны ўваходзілі ў холдынг Уладзімера Раманава: «Коўна» (Летува), «Партызан» (Беларусь).

• Чэмпіён Шатляндыі: 4
  • 1895, 1897, 1958, 1960
• Уладальнікі Кубка Шатляндыі: 8
  • 1891, 1896, 1901, 1906, 1956, 1998, 2006, 2012
• Уладальнікі Кубка лігі Шатляндыі: 4
  • 1955, 1959, 1960, 1963

Актуальны на 10 лютага 2024 году

№ Пазыцыя Імя Год нараджэньня 1   Бр Крэйг Гордан (капітан) 1982 2   Аб Фрэнкі Кент 1995 3   Аб Стывэн Кінгсьлі 1994 4   Аб Крэйг Голкет 1995 5   ПА Пэтэр Гарынг 1993 6   ПА Бэні Банінгім 1998 7   ПА Джордж Грант 1994 8   ПА Калэм Ньюўэнгоф 2001 9   Нап Лоўрэнс Шэнкланд 1995 10   Нап Ліям Бойс 1991 11   Нап Ютара Ада 2001 13   Аб Натаніел Эткінсан 1999 14   ПА Кэмэран Дэўлін 1998

№ Пазыцыя Імя Год нараджэньня 15   Аб Кай Роўлз 1998 17   ПА Алан Форэст 1996 18   Нап Бары Макі 1994 19   Аб Алекс Кокрэн 2000 21   Аб Тобі Сыбік 1999 22   ПА Эйдэн Дэнэм 2003 24   ПА Фінлэй Полак 2004 25   ПА Маколі Тэйт 2005 28   Бр Зандэр Кларк 1992 29   ПА Скот Фрэйзэр (ар. Чарлтан) 1995 30   Нап Кёсуке Тагава 1999 77   Нап Кенэт Варгас (ар. Эрэдыяна) 2002 81   Аб Дэкстэр Лембікіса (ар. Ўулвз) 2003

• Афіцыйны сайт
• Клюбная старонка на BBC
• Навіны клюбу