Віктар Орбан: вугорскі палітык

Лідэр партыі «Фідэс». Паводле веравызнаньню зьяўляецца кальвіністам. Жанаты, мае пяць дзяцей.

Віктар Орбан
прэм’ер-міністар Вугоршчыны[d]
з 29 траўня 2010
Папярэднік	Гордан Байнаі[d]
прэм’ер-міністар Вугоршчыны[d]
8 ліпеня 1998 — 27 траўня 2002
Папярэднік	Дзьюла Хорн[d]
Наступнік	Пэтэр Мэдзешы[d]
дэпутат Нацыянальнага сходу Вугоршчыны[d]
з 2 траўня 1990
Асабістыя зьвесткі
Нарадзіўся:	31 траўня 1963(1963-05-31) (60 гадоў) Сэкешфэхэрвар, Вугорская Народная Рэспубліка
Партыя:	Фідэс
Сужэнец:	Аніка Левай[d]
Дзеці:	Рахэль Орбан[d], Гашпар Орбан[d], Шара Орбан[d], Роза Орбан[d] і Флора Орбан[d]
Бацька:	Д’ёжэ Балінт Орбан[d]
Маці:	Эржэбэт Шыпаш[d]
Адукацыя:	гімназія імя Бланкі Тэлекі[d] (1981) Будапэшцкі ўнівэрсытэт (1987) Пэмбрук-каледж[d] (1990)
Узнагароды:	St. Stephen Prize[d] (2002) HazteOir.org Prize[d] прэмія Франца Ёзэфа Штрауса[d] (2001)
Віктар Орбан у Вікісховішчы

Сваю палітычную дзейнасьць Орбан пачаў у якасьці чальца-заснавальніка партыі «Фідэс», створанай 30 сакавіка 1988 году. Агульнанацыянальную вядомасьць атрымаў дзякуючы выступу 16 чэрвеня 1989 году на цырымоніі перапахаваньня Імрэ Надзя і іншых палітычных дзеячаў Вугоршчыны, пакараных ў 1958 годзе.

У 1990 годзе, на першых выбарах у посткамуністычнай Вугоршчыне, Орбан быў абраны дэпутатам парлямэнту, куды зноўку пераабіраўся ў 1994, 1998, 2002 і 2006 гадох. У 1998 годзе пасьля перамогі партыі «Фідэс» на парлямэнцкіх выбарах сфармаваў правацэнтрысцкі ўрад. У эканамічнай сфэры выступаў за зьніжэньне падаткаў і сацыяльных узносаў, барацьбу зь беспрацоўем і інфляцыяй.

Орбан выступаў у якасьці прыхільніка нямецкай мадэлі кіраваньня, якая прадугледжвае вядучую ролю прэм’ер-міністра ў сыстэме ўлады. Ён узмацніў ролю канцылярыі прэм’ер-міністра, правёў радыкальную рэформу дзяржаўнага апарату, якая прывяла, у прыватнасьці, да стварэньня супэрміністэрства эканомікі. Імкненьне Орбана да зьніжэньня ўплыву парлямэнта на палітычныя працэсы пры ўзмацненьні асабістага ўплыву прэм’ера выклікала рэзкую крытыку з боку апазыцыі, якая зьвінаваціла яго ў аўтарытарных тэндэнцыях і імкненьні аказваць уплыў на СМІ.

На парлямэнцкіх выбарах 2002 году партыя Орбана пацярпела паразу, і ён пайшоў у адстаўку. Пасьля перамогі ягонай партыі «Фідэс» на парлямэнцкіх выбарах у красавіку 2010 году Орбан зноўку быў прызначаны прэм’ер-міністрам.

Асноўны артыкул: Беларуска-вугорскія дачыненьні

5 чэрвеня 2020 году ў менскім Палацы незалежнасьці старшыня ўраду Вугоршчыны Віктар Орбан сустрэўся з Аляксандрам Лукашэнкам. Орбан паведаміў пра банкаўскую пазыку на $40 млн для сумесных укладаньняў. У адказ Лукашэнка заявіў, што «асабліва пэрспэктыўнай бачыцца каапэрацыя ў вытворчасьці электробусаў». Таксама бакі выказалі зацікаўленасьць у абмене досьведам у абыходжаньні з адпрацаваным ядзерным палівам у сувязі з падрыхтоўкай Беларускай АЭС да пуску ў Астраўцы.

• Асабістая афіцыйная старонка