Беларускі Саюз Журналістаў

З 2001 году браў ўдзел у Рэспубліканскай каардынацыйнай радзе кіраўнікоў палітычных партыяў і грамадзкіх аб’яднаньняў. З 18 кастрычніка 2005 году пасаду старшыні займае Анатоль Лемяшонак.

• Зьезд. Склікаецца аднойчы на 5 гадоў. Абсалютнай большасьцю галасоў прадстаўнікоў вызначае кірункі дзейнасьці, зьмяняе Статут, абірае старшыню, яго 1-га намесьніка, Раду, Кантрольна-рэвізійную камісію ды Камітэт па прафэсійнай этыцы.
• Рада. Склікаецца штогод. Правамоцная пры наяўнасьці 2/3 чальцоў. Выконвае пастановы Зьезда ды кіруе ўласнасьцю саюза. Абірае намесьнікаў старшыні. Утварае Сакратарыят ды Камітэт па абароне свабоды слова і правоў журналістаў. Вызначае зносіны зь іншымі грамадзкімі аб’яднаньнямі. Ухваляе творчыя спаборы ды ўзнагароджаньне журналістаў. Вызначае велічыню сяброўскіх складак ды зацьвярджае выданьні саюза.
• Сакратарыят. Зьбіраецца штомесяц. Распрацоўвае мерапрыемствы і каштарыс. Ухваляе пастановы аб выдатках на мерапрыемствы ды прызначэньне і аклады рэдактараў выданьняў.
• Кантрольна-рэвізійная камісія. Правярае грашовую справаздачнасьць суполак, прадпрыемстваў і ўстановаў саюза.

Паводле Статуту задачамі саюзу ёсьць:

• абарона зацікаўленасьцяў журналістаў;
• прававое абслугоўваньне журналістаў;
• рост забесьпечанасьці, паляпшэньне ўмоваў працы, побыту і адпачынку журналістаў;
• разьвіцьцё журналісцкай адукацыі і творчасьці.

Паводле Статуту саюз ажыцьцяўляе наступныя віды дзейнасьці:

• удзел у міжнародных журналісцкіх сувязях;
• правядзеньне журналісцкіх нарадаў і сьвятаў;
• ладжаньне журналісцкіх творчых спабораў;
• павышэньне адукацыі журналістаў на творчых сэмінарах і ў Цэнтры сучаснай журналістыкі;
• выпуск выданьняў.