Балота Мох — гідралягічны заказьнік рэспубліканскага значэньня.
Знаходзіцца ва ўсходняй часты Полацкай нізіны. Часткова займае тэрыторыю Перабродзкага сельсавету Мёрскага раёну.
Заказьнік быў заснаваны ў 1981 годзе. Ён мае плошчу 4,84 тыс. га, 86% паверхні якой займае тарфяны масіў Балота Мох, які зьяўляецца верхавым балотам і рэгулюе водны рэжым прылеглых тэрыторыяў і азёраў Абстэрна, Важа, Набіста і Укля. Пакладачная колькасьць торфу на тэрыторыі заказьніка складае 22,2 млн т.
На тэрыторыі заказьніка пераважаюць хваёва-хмызьнякова-сфангавыя, хмызьнякова-сфангавыя ўтварэньні з дадаткамі бярозы, ялінаў, асінаў. Сярод расьлінаў сустракаюцца рэдкія віды: пладаносячая марошка, якой больш нідзе няма на тэрыторыі рэспублікі, пікша, карлікавая бяроза. Таксама тут жывуць наступныя віды жывёлаў і птушак: кабан, касуля, лось, заяц, ліса, воўк, дзербнік, скапа, чорны бусел.
Тэрыторыя заказьніка — традыцыйнае месца збору ягадаў журавінаў, брусьніцаў, чарніцаў, дурніцаў, грыбоў.
Турыстычныя маршруты на тэрыторыі заказьніка яшчэ не распрацаваныя, але існуе водны шлях па рацэ Хараброўка на тэрыторыі заказьніка, якая злучае азёры Набіста і Шчоўна.
На тэрыторыі заказьніка дазволеная рыбалка ў адпаведнасьці зь дзейнымі ў рэспубліцы плавіламі аматарскага рыбалоўства, але забароненае паляваньне ў сувязі з вызначэньнем заказьніка як «ціхай зоны».
Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго. |
This article uses material from the Wikipedia Беларуская (тарашкевіца) article Балота Мох (заказьнік), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.