Арсе́нь Пятро́віч Яцаню́к (па-ўкраінску: Арсеній Яценюк; нарадзіўся 22 траўня 1974 году, Чарнаўцы, УССР) — украінскі палітык.
Прэм’ер-міністар Украіны з 27 лютага 2014 году да 14 красавіка 2016 году. Старшыня Вярхоўнай Рады Ўкраіны 6-га скліканьня, эканаміст, юрыст.
Арсень Яцанюк | |
15-ы прэм'ер-міністар Украіны | |
---|---|
27 лютага 2014 — 14 красавіка 2016 | |
Прэзыдэнт: | Аляксандар Турчынаў (в. а.) Пятро Парашэнка |
Папярэднік: | Сяргей Арбузаў (в. а.) |
Наступнік: | Уладзімер Гройсман |
8-ы Старшыня Вярхоўнай Рады Ўкраіны | |
4 сьнежня 2007 — 12 лістапада 2008 | |
Прэзыдэнт: | Віктар Юшчанка |
Прэм’ер-міністар: | Юлія Цімашэнка |
Папярэднік: | Аляксандар Мароз |
Наступнік: | Уладзімер Літвін |
8-ы міністар замежных справаў Украіны | |
21 сакавіка 2007 — 4 сьнежня 2007 | |
Прэзыдэнт: | Віктар Юшчанка |
Прэм’ер-міністар: | Віктар Януковіч |
Папярэднік: | Барыс Тарасюк |
Наступнік: | Уладзімер Агрызка |
Асабістыя зьвесткі | |
Нарадзіўся: | 22 траўня 1974 (49 гадоў) Чарнаўцы, УССР |
Партыя: | Народны фронт |
Сужэнец: | Тэрэзія Яцанюк |
Бацька: | Пётар Іванавіч Яцанюк[d] |
Маці: | Марыя Рыгораўна Яцанюк[d] |
Адукацыя: | ЧДУ, ЧГЭІ КНГЭУ |
Узнагароды: | |
Нарадзіўся 22 траўня 1974 году ў Чарнаўцах. Скончыў Чарнавецкі дзяржаўны ўнівэрсытэт (1996), Чарнавецкі гандлёва-эканамічны інстытут Кіеўскага нацыянальнага гандлёва-эканамічнага ўнівэрсытэту (2001). У 1992—1997 працаваў прэзыдэнтам юрыдычнай фірмы «ЮРЕК Лтд.» (Чарнаўцы), у 1998—2001 — кансультантам крэдытнага дэпартамэнту, дарадцам кіраўніка праўленьня, намесьнікам кіраўніка праўленьня АППБ «Аваль», у 2001—2003 — міністар эканомікі Аўтаномнай Рэспублікі Крым. З студзеня 2003 — першы намесьнік Кіраўніка Нацыянальнага банку Ўкраіны. Люты — верасень 2005 году: першы намесьнік кіраўніка Адэскай абласной дзяржаўнай адміністрацыі.
Міністар эканомікі ва ўрадзе Еханурава. Міністар замежных справаў Украіны з 21 сакавіка 2007 па 4 сьнежня 2007.
На пазачарговых парлямэнцкіх выбараў 2007 году абраны народным дэпутатам Украіны 6-га скліканьня па сьпісу блёку НУНС. Абраны Кіраўніком Вярхоўнай Рады Ўкраіны 4 сьнежня 2007. За яго кандыдатуру прагаласавалі 227 народных дэпутатаў ад НУНС і БЮТ (кааліцыя ў поўным складзе за выключэньнем Івана Плюшча, дэпутата ад НУНС).
27 лютага 2014 абраны Вярхоўнай Радай Украіны як прэм’ер-міністар краіны. У лютым 2014 году прызначаны прэм’ер-міністрам краіны (гл. таксама Эўрамайдан, урад Яцанюка). 24 ліпеня гэтага ж году падаў у адстаўку ў сувязі з распадам парлямэнцкае кааліцыі «Эўрапейскі выбар» і нежаданьнем фармаваць новую, паколькі для гэтага давялося б прыбегнуць да ўдзелу з Партыяй Рэгіёнаў і КПУ — прыхільнікамі папярэдняе ўлады, якія, на думку Яцанюка, блякуюць ініцыятывы ўраду. Як адзначыў Яцанюк, другім мажлівым варыянтам стала адстаўка прэм’ер-міністра.
Арсень Яцанюк аўтар падручніка «Банківський нагляд» ды іншых навуковых працаў. Акрамя ўкраінскай вольна валодае ангельскай ды расейскай мовамі.
This article uses material from the Wikipedia Беларуская (тарашкевіца) article Арсень Яцанюк, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.