А́рмія абаро́ны Наго́рна-Караба́скае Рэспу́блікі (па-армянску: Լեռնային Ղարաբաղի Հանրապետության պաշտպանության բանակ) была афіцыйна створаная 9 траўня 1992 року ў якасьці ўзброеных сілаў непрызнанае Нагорна-Карабаскае Рэспублікі, што аб’яднала атрады самааховы, што ствараліся ў пачатку 1990-х рокаў.
Колькасьць Арміі абароны НКР ацэньваецца ў 18—20 тыс. жаўнераў і афіцэраў, мабілізацыйны рэзэрв — 20—30 тыс. У яе склад уваходзяць мотапяхотныя, танкавыя, артылерыйскія часткі й падрозьдзелы й сілы СПА. У 2002 годзе вайсковы бюджэт НКР складаў каля 20 % ад СУП.
Армія абароны Нагорна-Карабаскай Рэспублікі | |
ԼՂՀ պաշտպանության բանակ | |
Эмблема Арміі абароны НКР | |
Дата заснаваньня | 9 траўня 1992 |
---|---|
Дата роспуску | 20 верасьня 2023 |
Штаб-кватэра | Ханкендзі |
Камандаваньне | |
Прэзыдэнт | Бако Саакян |
Міністар абароны | Лявон Мнацакаян |
Вайсковыя сілы | |
Прызыўны ўзрост | 18 гадоў |
Занятыя ў войску | 18—20 тысячаў |
Запас | 80—100 тысячаў |
Фінансавыя зьвесткі | |
Бюджэт | 50 млн дал. ЗША |
Прамысловасьць | |
Замежныя пастаўшчыкі | Армэнія |
Дататковыя зьвесткі | |
Гісторыя | Карабаская вайна |
У 2007 годзе, на 1000 чалавек, што пражывалі ў НКР прыходзілася 65 вайскоўцаў, што перавышае аналяґічныя паказчыкі ўсіх краінах Каўказу. Узброеныя сілы ў непрызнанай рэспубліцы разглядаюцца як інстытут, што забясьпечвае стабільную працу, і шматлікія сем’і залежаць ад атрыманай за яе аплаты.
Стваральнікамі Арміі аховы НКР сталі Самвэл Бабаян («Іжо», камандуючы арміяю НКР да 1999 р.), ґенэрал Хрыстафар Іванян і шэраг іншых савецкіх афіцэраў — палкоўнік Анатоль Зіневіч, палкоўнік Аркадзь Тэр-Тадэвасян, маёр Сэйран Аганян, а таксама Сэрж Саргсян (в. а. міністра абароны Нагорна-Карабаскае Рэспублікі з 1992 па жнівень 1993), Вазгэн Саргсян (міністар абароны Армэніі ў 1992—93, дзяржаўны міністар, в. а. міністра абароны ў 1993—95, прэм’ер-міністар Армэніі ў 1998—99), Мантэ Мелканян («Аво», кіраўнік абароны ў Мартунінскім раёне). Кіраўніком вайсковага атрада, у жніўні 1992 року які стаў старшынём дзяржаўнага камітэту абароны быў Робэрт Качаран.
Сярод арґанізатараў першых апалчэнскіх атрадаў былі Разьмік Пэтрасян, Мурад Пэтрасян, Аркадзь Карапэцян, Самвэл Ахаян і інш.
Да сярэдзіны 1990-х Карабаская армія самааховы складалася ў асноўным з карабахскіх або азэрбайджанскіх армянаў, а таксама добраахвотнікаў з Армэніі. Тады высокі адсотак ўзбраеньня арміі НКР складала ўзбраеньне, захопленае ў азэрбайджанскіх, альбо рэшткі ад савецкіх войскаў. Значная колькасьць зброі й матэрыяльна-тэхнічнага забесьпячэньня паступілі з Армэніі, часта за кошт рэґулярнае арміі. Да 1994 карабахская армія самааховы стварыла інфраструктуру, якая ўключае казармы, трэніравальныя цэнтры, рамонтныя базы. Паразы, якія армяне нанесьлі Азэрбайджану ў 1993 годзе, былі аднесеныя экспертамі ў асноўным на кошт сілаў самааховы, хаця рэґулярныя армянскія войскі таксама ўдзельнічалі.
У войску Нагорнага Карабаха служаць усе мужчыны рэспублікі. Для таго, каб стаць чыноўнікам неабходна адслужыць два ркоу ў шэрагах узброеных сілаў НКР.
З 2015 р. кіраўніком Міністэрства абароны НКР зьяўляецца ґенэрал-лейтэнант Лявон Мнацаканян. У 2007—2015 гэтую пасаду займаў Моўсэс Акапян
Армія аховы НКР цесна зьвязаная з Узброенымі сіламі Армэніі, якія дапамагаюць узбраеньнем і вайсковым рыштункам. Афіцэры з Армэніі ўдзельнічаюць у падрыхтоўцы вайскоўцаў Арміі НКР, хаця кіраўніцтва Армэніі заяўляе аб тым, што ў Нагорным Карабахе і вакол яго няма ніводнага прадстаўніка ўзброеных сілаў Армэніі. Па наяўных адзнаках, больш за палову асабістага складу Арміі аховы НКР — жыхары Армэніі. На тэрыторыі Нагорнага Карабаху разьмешчаная вайсковая частка № 33651 Арміі Армэніі.
Маюцца наступныя адзнакі тэхнікі Арміі аховы НКР (некаторае ўзбраеньне, пералічанае ніжэй, можа належыць да ЎС Армэніі):
Тып | Выява | Вытворчасьць | Прызначэньне | Колькасьць | Нататкі |
---|---|---|---|---|---|
Танкі | |||||
Т-72 | СССР | Асноўны баявы танк | 200-300 | Па другіх дадзеных 371 | |
Т-55 | СССР | Сярэдні танк | |||
БМП, БВМ і БТР | |||||
БМП-1 | СССР | Баявая машына пяхоты | 80 | ||
БМП-2 | СССР | Баявая машына пяхоты | 153 | Ад 256 да 324 | |
БРМ-1К | СССР | Баявая выведчая машына | 5 | ||
БРДМ-2 | СССР | Баявая выведчая машына | |||
БТР-70 | СССР | Бронетранспартэр | 9 | ||
БТР-80 | СССР | Бронетранспартэр | |||
БТС-4 | СССР | Браняваны цягач | |||
РСЗА | |||||
WM-80 | Кітай | 273-мм РСЗА | |||
БМ-21 «Град» | СССР | 122-мм РСЗА | 44 | ||
Артылерыйскія сыстэмы | |||||
2С1 «Гвазьдзік» | СССР | 122 мм САУ | 12 | ||
2С3 «Акацыя» | СССР | 152 мм САУ | 12 | ||
2А36 «Гіяцынт-Б» | СССР | 152 мм САУ | ~50 ад. | Па другіх дадзеных 99 | |
Д-20 | СССР | 152 мм гармата-гаўбіца | ~50 ед. | ||
Д-30 | СССР | 122 мм гармата-гаўбіца | да 100 ад. | Па другіх дадзеных 102 | |
МЛ-20 | СССР | 152 мм гармата-гаўбіца | 53 | ||
М-120 | СССР | 120-мм палкавы мінамёт | |||
М74/75 | СФРЮ | лёгкі мінамёт | |||
Супрацьтанкавае ўзбраеньне | |||||
СПГ-9 | СССР | Супрацьтанкавы ґранатамёт (станковы) | |||
РСГ-7 | СССР | Ручны супрацьтанкавы гранатамёт | |||
«Штурм-С» | СССР | СТРК | ня менш за 6 | ||
«Конкурс» | СССР | СТРК | ня менш за 6 | ||
Тактычныя ракетныя комплексы | |||||
9К72 «Эльбрус» | СССР | Апэратыўна-тактычны ракетный комплекс | |||
Кропка — У | СССР | Апэратыўна-тактычны ракетный комплекс | |||
Сыстэмы СПА | |||||
С-300 | Расея | ЗРК далёкага дзеяньня | |||
С-125/125М | СССР | ЗРК малага дзеяньня | |||
Кола | СССР | ЗРК сярэдняе далёкасьці | 15-18 | ||
Куб | СССР | ЗРК малой далёкасьці | адзін дывізіён | ||
С-75 | СССР | ЗРК малой далёкасьці | |||
Аса | СССР | ЗРК бліжняга дзеяньня | ня менш за 6 | ||
Страла-10 | СССР | ЗРК бліжгяга дзеяньня | |||
ЗСУ-23-4 | СССР | Зэнітная самаходная ўсталёўка | ня менш за 6 | ||
ЗУ-23-2/ | СССР | Зэнітная ўсталёўка | |||
Іголка−1 | СССР | Пераносны зэнітны ракетны комплекс | |||
Іголка | СССР | Пераносны зэнітны ракетны комплекс | |||
Авіяцыя | |||||
Мі-24 | СССР | Ударны гелікоптэр | 5 | ||
Мі-8МТ | СССР | Шматмэтавы гелікоптэр | 5 |
This article uses material from the Wikipedia Беларуская (тарашкевіца) article Армія абароны Нагорна-Карабаскай Рэспублікі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.