Saturno

Ini iyo sarong higanteng gas na may radiyus na harus siyam asin kabangang beses kumpara sa Kinaban. Ini sarong tig-walo sana nin densidad kan Kinaban; alagad, sa dakulang bolyum kaini, an Saturno iyo lagpas 95 na beses na mas magabat. An Saturno iyo pigpangaranan pagkatapos sa Romanong diyos nin kayamanan asin agrikultura; an astronomikong simbolo (♄) iyo pigrerepresenta an karit kan diyos. An mga Romano iyo pigpangaranan an ikapitong aldaw kan semana na Sabado, Sāturni diēs ("Aldaw ni Saturno") dae mahaloy sa ikaduwang siglo para sa planetang Saturno.

An laog kan Saturno iyo harus pigbibilog nin bakal-nikel asin gapo (silikon asin oksihenong mga kompuwesto). An kalaog-laogan kaini iyo pinalilibotan nin hararom na lebel nin metalikong hidroheno, sarong tahaw na lebel kan likidong hidroheno asin likidong elyo, asin dagos an gas na panluwas na lebel. An Saturno igwa nin malungsing giyaw na kulay huli sa mga kristal nin amonya sa ibabaw na atmospera kaini.

An pinakapopular na tampok kan planeta iyo an prominenteng sistemang singsing kaini, na pigbibilog nin harus mga nagyeyelong partikulo asin igwa nin kadikit na bilang nin mga saradit na gapo asin alpog. Dae mababa sa 82 na satelayt an bisto na minaikot sa Saturno, kun sain 53 an opisyal na pinangaranan of which 53; dae kabali digdi an gatos na saradit na satelayt sa singsing kaini. An Titan, an pinakadakulang satelayt kan Saturno asin an ikaduwang pinakadakula sa Sistemang Solar, iyo mas dakula pa sa planetang Merkuryo, alagad mas hababa an masa, asin an solamenteng satelayt sa Sistemang Solar na may substansyal na atmospera.

• Saturn overview nin Science Mission Directorate kan NASA
• Saturn fact sheet sa NASA Space Science Data Coordinated Archive
• Saturnian System terminology kan IAU Gazetteer of Planetary Nomenclature
• Cassini-Huygens legacy website kan Jet Propulsion Laboratory
• Saturn sa SolarViews.com
• Interactive 3D gravity simulation of the Cronian system Archived 17 August 2020 at the Wayback Machine.