An wayaway o bandera kan Filipinas igwa nin desenyong pantay na sukol nin pabalagbag na kolor asul sagkod pula, asin igwang sarong puting ekwilaterong triyangulo na nakahandig sa gilid na takodan; sa tahaw kan triyangulo iyo an bulawan na saldang na igwang walong panginot na sirang, lambang saro kaini natatahawan nin saradit pang sirang; asin sa lambang rokrok kan triyangulo iyo an sarong bulawan na bitoon na lima an panas.
Pigpapahiling an bandera na yaon an asul sa itaas sa mga oras nin katuninongan, asin an pula itaas sa mga oras nin guerra.
Pangaran | Pambansang Watawat ("Nasyunal na Bandera") |
---|---|
Gamit sa | National flag asin ensign |
Proporsyon | 1:2 |
Pig-adopt | Junio 12, 1898 (original version used by the First Philippine Republic) Pebrero 12, 1998 (current version reaffirmed by Republic Act No. 8491) |
Disenyo | An pahigdang bikulay kan asul asin pula; na may puting ekwilateral na trianggulo na pigbase sa hoist na may laog na tolo, 5-pigpuntong gintong mga bitoon sa saiyang mga bertiko, asin an 8-pigsinag na gintong saldang sa 'tagaw' kaini. |
Pigdisenyo ni | Emilio Aguinaldo |
Barayti nin Banderá kan An Republika kan Filipinas | |
Gamit sa | State asin war flag |
Proporsyon | 1:2 |
Disenyo | kumpara sa taas, nagribayan an asul asin pula tanganing magpahiling nin estado kan gera. |
Pigdisenyo ni | Executive Order No. 321 ni Elpidio Quirino asin Executive Order No. 23 ni Manuel L. Quezon kan 1936 |
Inot na pig-isip an bandera kan heneral kan Rebolusyong Filipinong si Emilio Aguinaldo kan 1897 durante kan saiyang exile sa Hong Kong. Ipigbali sa desenyo an ibang mga simbolo komon sa mga banderang piggamit kan Katipunan. An inot na bandera pigtahì ni Marcela Agoncillo, kan saiyang daragang si Lorenza, asin si Doña Delfina Herbosa de Natividad na sobrena ni Jose Rizal na nasyonal na heroe kan Filipinas. Sarong lehislasyon an pigpasar kan 1920 na piggamit an desenyo bilang opisyal na bandera kan Filipinas.
Sosog sa opisyal na interpretasyon, an triyangulong puti sa bandera an pakahulogan Kapantayan asin Pagkamagturugang; an asul na parte Katuninongan, Katotoohan, asin Hustisya; an pulang kabtang natindog para sa Patriotismo asin Kaisogan. An walong panginot na sirang kan saldang natindog para sa walong probinsya kan (Batangas, Bulacan, Cavite, Laguna, Manila, Nueva Ecija, Pampanga, asin Tarlac) na inot na nag-alsa laban sa Espanya asin ipinairarom kan mga Espanyol sa ley militar kan magbungkaras an Rebolusyon Pilipino kan 1896. An tulong bituon an natindog para sa tulong mayor na isla kan nasyon: an Luzon, Visayas asin Mindanao.
This article uses material from the Wikipedia Bikol article Bandera kan Filipinas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.