Lėižovis (luotīnėškā: lingua) īr blaškos, ėšo skersā roužītu moskolū padėrbts ė gleivėnės apdėngts stoborėniu gīvūnu narīs, katros īr bornuos ertmie.
Lėižovis īr nuognē slinkus narīs, katros gal keistė sava skvarma ė padėjėma. Ožčiaupos borna, ožpėlda vėsa anuos ertmė, prėikī ė šuonūs lėit vėršotėnios ėr apatėnios dontis, vėršō – velvė. Lėižovis īr pagelbėnis kromtīma narīs, katros draugom so žondās kėš jieda terp dontū, maiš ana so seilėmis, padėrb kōsni ė rījont kėš ana lėiliep. Lėižovis tēpuogi īr pajautėma narīs, ano gleivėnie īr gausoms bendra pajautėma – prisėlėitėma, karštoma, skaudoma – ė skanoma receptuoriu. Draugom so velvė ė žondās lėižovis bornuo gal padėrbtė neigiama sliegėma.
Paukštiu lėižovis īr so apragiejosio galo. Žōsū ė pīliu lėižovis mēsings, vuo geniū – tēvs ė gal būtė nuognē tuoli ėškėšams.
This article uses material from the Wikipedia Žemaitėška article Lėižovis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Torėnīs pateikts so CC BY-SA 4.0 lėcencėjė, jēgo nie parašīta kėtāp. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Žemaitėška (DUHOCTRUNGQUOC.VN) is an independent company and has no affiliation with Wiki Foundation.