Dänemark Seeland

Sjælland is a Weidaleitung fia den Artike. Fia de gleinamige Region schau: Region Sjælland.

Mid 2.342.353 Eihwohna (1. Jenna 2022) lem af iah rund 40 % vo de Eihwohna vo Dänemark; se is domid de mid Obstond bevejkarungsreichsde Insl van Land.

Seeland (Sjælland)
Gwassa	Ostsee
Geographische Log	, 11° 49′ O55.50444444444411.817222222222122.955° 30′ N, 11° 49′ O
Leng	132 km
Broadn	116 km
Flechn	7.031,3 km²
Hechsta Beag	Kobanke 122,9 m
Eiwohna	2.342.353 (1. Jenna 2022) 333,1 Einw./km²
Haptort	Kopenhagen
Klimadiagramm vo Seeland

De gnaue Heakunft van dänischn Nam „Sjælland“ is umstriddn. „Sjæl“ bedeidd im heiting Dänisch zwoar „Seele“, owa afgrund vo ejdan Afzeichnunga ko ma diese Deitung ausschliassn. Aa ane'm deitschn Nam entsprechnde Obleitung aus „siô/sæ“ („Sää“, mid da Bedeitung „Meea“) wead heit weidgehnd obglehnd – es ko jedoch sei, doss da deitsche Nam entstondn is, ois de dänische Foaschung za da Woatheakunft no ned'n heiting Stond eareichd ghod hod; de Dänen oiso sejbsd ognumma hom, doss da Nam „Seeland“ bedeidd. De heit voaherrschnde Affossung is: De oiddänische Foam „Siâland“ stommd vo ana Zammsetzung van Woat *selha- mid da Endung *wundia-. Letzdas bdetd „weist af, ähnld“. As Woat *selha- ko zwoa vaschiedne Bedeitunga hom: Es ko zan oana „Säähund“ bedeitn (im heiting Dänisch „sæl“) und zan ondan „diafe Bucht, Förde“ bedeitn. D da wichtigsde Ort af Seeland friaha Roskilde woa, wos af'm Sääweg nua duach'n enga und vazweigdn Roskilde-Fjord z'eareichn is, wead meist ognomma, doss de Sääfoahra noch diesm de Insl bnennd hom.

Im Noadostn vo Seeland bfindd se de dänische Haptstod Kopenhagen, de se zan Tei af de Nochboainsl Amager eastreckd. Mid de umliengdn Ort buidd Kopenhagen de Haptstodsregion (Region Hovedstaden), oane vo de fimf Vawoitungsregiona vo Dänemark. Se hod af ana Fläch vo 2561 km² 1.167.569 Eihwohna (Stond: 1. Jenna 2009), beheabeagd oiso af weniga ois 6 % vo da Fläch van Land meah ois 20 % vo da dänischn Bevejkarung. Domid is diesa Tei vo Seeland des mid Obstond gressde Boiungszentrum vo Dänemark. Zglei buidd's an dänischn Tei vo da Öresundregion.

Za da westlichn Nochboainsl Fyn (deitsch: Fünen), iahraseits duach zwoa Bruckn im Noadwestn mid'm dänischn Festland vabundn, fiahd de Storebælt-Bruck. Mid da sidlichn Nochboainsl Falster is Seeland duach de Bruckn: Farøbroerne und Storstrømsbroen vabundn und mid Møn iwa de Dronning Alexandrines Bro. Seit 2000 hod Seeland iwa de Öresundvabindung, ana Bruckn- und Tunnlkombinazion, direkdn Oschluss on de schwedische Provinz Schonen.

A weidare wichtige Stod is de ehemoiige Haptsto Roskilde mid iahm Wejdkuituaeabe, am Dom z Roskilde.

Hexde natialiche Eahebung vo Seeland is de Kobanke mid 122,9 Meta. Gyldenløves Høj eareichd 121,3 Meta, mid'm Dolmen 125,5 Meta. Im Noadtei vo da Insl is dea Maglebjerg mid 91 Meta de hexde Eahebung. Ea liegd im Woid vo Rude (Rude Skov) unmiddlboa estli vo Ebberødgård.

In da Gylfaginning wead bschriem, wia da schwedische Saongkini Gylfi a Stickl Land on de umheawondande Gefjon vaschenkt hod, dean Suhn, zwoa Riesn aus Jötunheim, as Gschenk mid om Pfluag van Festland noch Westn losgrissn san.

• Listn vo de dänischn Insln
• 228. Infanteriedivision Seeland

• Vorlog:RGA