Rahina Basa Ibu Internasional inggih punika parayaan ngawarsa ring sajebag guminé sané kamargiang nyabran 21 Pébruari antuk ngapromosiyang kasadaran indik linguistik miwah kaakéhan soroh budaya taler antuk ngapromosiang multibasa.
Kapartama kajarwak olih UNESCO ring 17 Nopémber 1999, punika sacara resmi kaakuin olih Manggala Umum Paiketan Wangsa-Wangsa antuk adopsi résolusi PBB 56/262 warsa 2002. Rahina Basa Ibu punika pahan saking inisiatip sané luwih jimbar "antuk ngapromosiyang palestarian miwah pasaiban samian basa sané kaanggén olih krama gumi" sekadi kaadopsi olih Manggala Umum PBB tanggal 16 Méi 2007 ring résolusi PBB 61/266, sané nganetapang warsa 2008 manados Warsa Basa Internasional. Manag antuk ngarayaang Rahina Basa Ibu Internasional pinaka inisiatip saking Bangladesh. Ring Bangladesh, 21 Pébruari punika rahina pikélingan ri kala jadma Bangladesh (ri kala punika Pakistan Kangin) ngupadi mangda bahasa Bangla polih pangakuan. Punika taler karayaang ring Bénggala Kawan, India.
Rahina Basa Ibu Internasional | |
---|---|
Shaheed Minar (Monumén Martir) mikélingin démonstrasi 21 Pébruari 1952 Gerakan Basa Bengali. | |
Aran resmi | International Mother Language Day (IMLD) |
Kaodalin olih | Sajebag gumi |
Makna | Ngapromosiang palestarian miwah pasaiban samian basa |
Tanggal | 21 Pébruari |
Frekuensi | Ngawarsa |
This article uses material from the Wikipedia Bali article Rahina Basa Ibu Internasional, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Daging kasayagayang ring sor CC BY-SA 4.0 ritatkala nénten wénten uahan. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bali (DUHOCTRUNGQUOC.VN) is an independent company and has no affiliation with Wiki Foundation.