Горюхин Юрий Александрович
Горюхин Юрий Александрович (28 февраль 1966 йыл) — Башҡортостанда тыуып һәм йәшәп рус телендә ижад итеүсе яҙыусы һәм журналист, 1999 йылдан Рәсәйҙең һәм Башҡортостандың Яҙыусылар союзы ағзаһы, «Бельские просторы» журналының баш мөхәррире.
Степан Злобин исемендәге әҙәби премия лауреаты (2009).
| Юрий Горюхин | |
| Исеме: | Горюхин Юрий Александрович |
|---|---|
| Тыуған көнө: | 28 февраль 1966 (58 йәш) |
| Тыуған урыны: | |
| Гражданлығы: | |
| Эшмәкәрлеге: | «Бельские просторы» журналының баш мөхәррире (2007) |
| Ижад йылдары: | 1990-дан |
| Жанр: | |
| Әҫәрҙәре яҙылған тел: | |
| Дебют: | «Крайний подъезд справа» (1998) |
| Премиялары: | Степан Злобин исемендәге әҙәби премия лауреаты (2009) |
Биографияһы
Юрий Александрович Горюхин 1966 йылдың 28 февралендә Өфө ҡалаһында тыуған. 1983 йылда Өфө авиация институтына уҡырға инә, 1987 йылда Мәскәү технология институтының Өфө филиалына күсә һәм уны 1990 йылда тамамлай. 1998 йылға тиклем финанс-юридик колледжында инженер-программист, инженер-метролог, артабан әҙәбиәт һәм информатика уҡытыусыһы булып эшләй. 1995—2000 йылдарҙа ситтән тороп А. М. Горький исемендәге Әҙәбиәт институтында уҡый. 1998—2001 йылдарҙа Башҡортостанда рус телендә нәшер ителә башлаған «Бельские просторы» ижтимағи-сәйәси һәм әҙәби-нәфис журналының проза бүлеге мөхәррире була. 2001—2002 йылдарҙа «Учительская газетаның» махсус хәбәрсеһе һәм редакциялағы (Мәскәү) бүлектә мөхәррир урынбаҫары вазифаларын башҡара. 2002 йылдан «Бельские просторы» журналында эшләй: башта яуаплы сәркәтип була, 2007 йылдан — баҫманың баш мөхәррире.
Әҙәби ижады
Юрий Горюхин ижад менән уҙған быуаттың 90-сы йылдарында әүҙем шөғөлләнә башлай. Уның «Крайний подъезд справа» исемле тәүге повесы 1998 йылда Мәскәүҙә сыҡҡан «Соло» журналында баҫыла. Шунан бирле уның әҫәрҙәре Башҡортостандың һәм Рәсәйҙең төрлө әҙәби журналдарында даими донъя күрә. Финалист Национальной литературной премии Ивана Петровича Белкина (лучшая повесть года, 2002). Финалист премии имени Юрия Казакова (лучший рассказ года, 2003, 2005). Шорт-лист Всероссийской литературной премии имени Бажова (2012). Шорт-лист Международного литературного Чеховского конкурса «Краткость — сестра таланта»(2013).
Йәмәғәт эшмәкәрлеге
- Башҡортостан Республикаһы Яҙыусылар союзының идара ағзаһы.
- Башҡортостан Республикаһы Яҙыусылар союзының рус яҙыусылары берләшмәһе рәйесе.
- Башҡортостан рустары Соборы башҡарма комитетының бюро ағзаһы.
- «Молоко» (Мәскәү) и «Гипертекст» (Өфө) журналдарының редколлегия ағзаһы.
Әҙип тураһында
- Романов В. Видные представители литературы Башкортостана: Юрий Горюхин (К 50-летию писателя). «Башинформ» мәғлүмәт агентлығы, 2016, 28 февраль.
Маҡтаулы исемдәре һәм башҡа бүләктәре
- Степан Злобин исемендәге әҙәби премия лауреаты (2009).
Иҫкәрмәләр
Сығанаҡтар
- Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.)
- Сайт журнала «Бельские просторы» 2015 йыл 12 август архивланған.
This article uses material from the Wikipedia Башҡорт article Горюхин Юрий Александрович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.