رسمی دیل
رسمی دیل – آنایاسا ایله بیر اؤلکه‌نین، ویلایتین خصوصی ایستاتوسا مالیک اوْلان دیل.
بیر قایدا اولاراق اؤلکه آدمینیستراسییاسی، پارلامئنتی و محکمه‌لری ایشله‌دن دیل، رسمی دیل ساییلیر. آز ایشلنسه ده یئرلی خالقین دیلی ده دؤولت دیلی اعلان ائدیله بیلر. مثلاً، یئنی زئلاندییادا ماوری خالقی اؤلکه اهالی‌سینین بئش فایزینی تشکیل ائتسه ده اونون دیلی دؤولت دیلیدیر.
دؤولت دیلی
دؤولت دیلی ـ دؤولت اراضی‌سین‌ده دیگر دیللره نیسبتاً داها اوستون ایستاتوسا مالیک اوْلان دیل‌دیر. بیر قایدا اولاراق دؤولت دیلی کیمی اراضی‌دکی چوخسای‌لی ائتنوسون دیلی قبول ائدیلیر. باشقا طرف‌دن دؤولت سندلرینین دیگر دیللرده ده نشری نظرده توتولا بیلر.
دؤولت دیلی ایله رسمی دیل آراسین‌دا فرق
یونئسکو ائکسپئرتلری ۱۹۵۳-جو ایلده «دؤولت دیلی» ایله «رسمی دیل» آراسین‌دا آشاغی‌داکی فرقی تکلیف ائتدی:
- دؤولت دیلی دؤولت چرچیوه‌سین‌ده سیاسی، سوسیال و مدنی ساحه‌ده اینتئقراسییا رولو اویناییر و دؤولتین سیموولو حساب ائدیلیر.
- رسمی دیل - دؤولت ایدارچیلیین‌ده، قانون‌وئریجیلیین‌ده، محکمه پروسئسین‌ده ایشلنن ایشچی دیل‌دیر.
آذربایجان جومهوریتینین دؤولت دیلی
آذربایجان جومهوریتینین دؤولت دیلی آذربایجان جومهوریتی کونستیتوسییاسینین ۲۱-جی مادده‌سینین ۱-جی حیسه‌سینه مووافیق اولاراق آذربایجان دیلیدیر.
آذربایجان رئسپوبلیکاسین‌دا دؤولت حاکمیتی و یئرلی اؤزونو-ایداره-ائتمه اورقانلارین‌دا، دؤولت قوروملارین‌دا، سیاسی پارتییالاردا، غئیری-حؤکومت تشکیلاتلارین‌دا (ایجتیماعی بیرلیک و فوندلاردا)، همکارلار تشکیلاتلارین‌دا، دیگر حقوقی شخصلرده، اونلارین نماینده‌لیکلرین‌ده و فیلیاللارین‌دا، ایداره‌لرده دؤولت دیلینین تطبیقی ایله باغلی فعالیت دؤولت دیلی حاقیندا آذربایجان جومهوریتینین قانونونا اویغون اولاراق حیاتا کئچیریلیر، او جمله‌دن کارگوزارلیق ایشلری دؤولت دیلینده آپاریلیر.
همچینین باخ
- دؤولت دیلی حاقیندا آذربایجان جومهوریتینین قانونو Archived 2011-08-23 at the Wayback Machine.
ایستینادلار
This article uses material from the Wikipedia تۆرکجه article رسمی دیل, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.