لاسوقاس اینگیلیسجه: Las Vegas آمریکا بیرلشمیش ایالتلرینین نوادا ایالتینده بیر شهر.
بۇ شهرین آدی ایسپانیا دیلینده یاشیل مرتعلر معناسی وئریر و بعضاً تکجه وقاسدا آدلانیر. آما آدینین خلافیندا نوادا صحراسیندا واقع اولماسینا گؤره بیر قورو و سوسوز ایقلیمه مالیکدیر. لاسوقاس دونیانین ان بؤیوک باشقاتما مرکزلریندن بیری سایاگلیر. بو شهرین جمعیتی ۵۸۳٬۷۵۶ نفردیر کی بو رقم شهرین حومهسینین احتساب ایله ۱٬۹۵۱٬۲۶۹ نفره چاتیر.
لاسوقاس | |
---|---|
City of Las Vegas | |
Clockwise from top: Downtown Las Vegas skyline, Stratosphere Tower, Lou Ruvo Center for Brain Health, Clark County Government Center, World Market Center, Las Vegas Springs Preserve | |
Etymology: ایسپانیا دیلی: Las vegas (The meadows) | |
لقب(لر): "Vegas", "Sin City", "City of Lights", "The Gambling Capital of the World", "The Entertainment Capital of the World", "Capital of Second Chances", "The Marriage Capital of the World", "The Silver City", "America's Playground" | |
موختصاتلار: 36°10′30″N 115°08′11″W / 36.17500°N 115.13639°W 115°08′11″W / 36.17500°N 115.13639°W | |
دۆنیا اؤلکهلری | United States |
State | نوادا ایالتی |
County | Clark |
Founded | May 15, 1905 |
Incorporated | March 16, 1911 |
ایداره | |
• نووع | Council–manager |
• بلدیه باشچیسی | Carolyn Goodman (I) |
• Mayor Pro Tem | Steve Ross (آمریکا بیرلشمیش ایالتلرین دموکرات حزبی) |
• City manager | Betsy Fretwell |
اراضی | |
• شهر | ۱۳۵٫۸ sq mi (۳۵۲ km2) |
• توپراق | ۱۳۵٫۸ sq mi (۳۵۲ km2) |
• سو | ۰٫۰۵ sq mi (۰٫۱ km2) |
اوجالیق | ۲٬۰۰۱ ft (۶۱۰ m) |
جمعیت (2010) | |
• شهر | ۵۸۳٬۷۵۶ |
• تخمین (2016) | ۶۳۲٬۹۱۲ |
• سیخلیق | ۴٬۳۰۰/sq mi (۱٬۷۰۰/km2) |
• شهر | ۱٬۳۱۴٬۳۵۶ |
• متروپولیتن | ۱٬۹۵۱٬۲۶۹ |
• CSA | ۲٬۳۶۲٬۰۱۵ (US: ۲۶th) |
دمونیم | Las Vegan |
ساعات قورشاغی | یوتیسی −8 (PST) |
• یای (DST) | یوتیسی −7 (PDT) |
تیلفون کودلاری | 702 & 725 |
FIPS code | 32-40000 |
GNIS feature ID | 0847388 |
وئب سایت | www |
لاسوقاس ۱۹۱۱-نجی میلادی ایلده رسمی صورتده تأسیس اولوندو و آمریکادا ایییرمینجی قرنده تأسیس اولان ان بؤیوک شهردیر. بو شهرین ایلک یاشایانلاری (۱۸۵۴ ایلینده) مورمون فیرقهسی مسیحیلر ایدیرلر کی اوچ ایل ایقامتدن سونرا بونرانی ترک ائتدیلر. ۱۸۶۰-نجی ایلدن بو منطقه آمریکانین فورت بیکر اینگیلیسجه: Fort Baker نیظامی پایگاهینا چئوریلمیشدی.
۱۹۰۳-نجی ایلده بو منطقهنین بیر بؤیوک بخشی که بیر بیوه خانیما (هلن استوارت) تعلوقو وار ایدی، ۵۵٬۰۰۰ دولارلا راهآهن شیرکتینه ساتیلدی. بو شیرکت ایکی ایلدن سونرا (۱۹۰۵ده) بوتون یئرلری سو و یاغیشین آزلیغی اۆچون ۲۶۵٬۰۰۰ دولارلا حراج طریق ایله ساتدی و نتیجتاً ایلک بینالار و مسکونی تأسیسات، آلیجیلار و مالیکلرین ال ایله لاسوقاسدا احداث اولوندو.
۱۹۳۱ تا ۱۹۳۵-نجی ایللرده منطقهنین بیرینجی سدی (هوور سدی) تیکیلدی. بو ایللرده باشقاتما مرکزلری و کازینولارین تأسیس ایجازهسی رسمی حالتده بو شهر اۆچون صادیر اولوندو. بیرینجی کازینونون موؤسیسی بیر یهودیالاصل فرد باگزی سیگل آدیندادیر کی ۱۹۴۱-نجی ایلده نوادایا داخیل اوْلموشدو. تدریجله ایلک کازینویا موجهز اوْلان هوتللر سیگل توسوط ایله لاسوقاسدا احداث اوْلوندو.
۵۰-نجی اونایللیکده آتوم بومبونون بۇ منطقهنین یاخینلیغیندا تستینه گؤره، بیر بؤیوک جماعت آمریکانین موختلیف قیسمتلریندن بۇ منطقهیه گلدیلر تا آتوم بومبونو گؤرهلر. یاواش یاواش شهرین کونترولو حرفهای مافیالارین الینه دوشدو و بۇ زمینهده چوخلو جینایی و پولیسی فیلملر جورلهنیب و پرده اوستونه گئتدی؛ مخصوصاً جناب سیگلین یاشاییشینین باشلانیشی و قورتولوشو فیلم شکلینده پرده اوستونه گئدیبدیر.
لاسوقاسدا قومار چوخدو و قوراغلیق نتیجهسینده اونون سویونون چوخو قورویوب و هر یئر کازینو و رستوراندان دولودور. بۇ شهرین خالقی اویونلارا موعتاد اوْلوبلار و اونون لقبی «گوناه شهری»دیر. لاسوقاس دونیانین تکجه شهریدیر کی اونون فوروشگاهلارینین هامیسی گئجه-گوندوز آچیقدیرلار.
لاسوقاس دونیانین ان بؤیوک کازینولارینی اؤزونده یئرلشدیریبدیر و هر ایل ۴۰ میلیون نفر توریست اوندان گؤروش ائدیرلر. بو شهرین ان بؤیوک کازینولاری و یاشلیلارا مخصوص اولان تفریحی مرکزلری لاسوقاس بولواری ایندا جمع اوْلوبدور. بۇ شهرین گلیرینین دؤرددن بیری کازینولارین مالیاتلاریندان و دؤرددن اوچوده شوولار، رستورانلار و ساتیشلاردان تأمین اوْلونور. ایندیلیغدا حودوداً ۳۶ هوتل و کازینو بۇ شهرده ایشه مشغولدورلار.
This article uses material from the Wikipedia تۆرکجه article لاسوقاس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.