تۆرکمنیستان (تورکمنجه: Türkmenistan) آسیادا بیر دؤولتدیر.
باشکندی عاشقآباددیر.
تورکمنیستان Türkmenistan (تورکمن) | |
---|---|
میلی مارش: Garaşsyz Bitarap Türkmenistanyň Döwlet Gimni State Anthem of Independent, Neutral Turkmenistan | |
پایتخت و بؤیوک شهری | عاشقآباد 37°58′N 58°20′E / 37.967°N 58.333°E |
رسمی دیللر | تورکمن دیلی |
Inter-ethnic languages | روس دیلی |
اتنیک قروپلار (2003) | |
دمونیم(لر) | Turkmen |
دؤولت | Unitary dominant-party presidential republic under an Authoritarian Regime |
• President | Gurbanguly Berdimuhamedow |
• Chairman of the Mejlis | Akja Nurberdiýewa |
قانون اوقانی | Mejlis |
Formation | |
• Khanate of Khiva | 1511 |
• Turkestan ASSR | 30 April 1918 |
• Turkmen SSR | 13 May 1925 |
• Declared state sovereignty | 22 August 1990 |
• Declared independence from the شوروی | 27 October 1991 |
• Recognized | 26 December 1991 |
• Current constitution | 18 May 1992 |
اراضی | |
• جمعی | (52nd) |
• سو (%) | 4.9 |
جمعیت | |
• 2016 تخمینی | 5,662,544 (117th) |
• سیخیلیق | (221st) |
جیدیپی (PPP) | 2017 تخمینی |
• جمعی | $103.987 billion |
• آدامباشی | $18,771 |
جیدیپی (نامینل) | 2017 تخمینی |
• جمعی | $42.355 billion |
• آدامباشی | $7,645 |
جینی (1998) | 40.8 اورتا |
اچدیآی (2014) | 0.688 اورتا · 109th |
پول واحیدی | Turkmen new manat (TMT) |
چاغ بؤلگهسی | UTC+5 (TMT) |
سوروجولوک طرفی | right |
تیلفون کودو | +993 |
ایزو ۳۱۶۶ کودو | TM |
اینترنت التیدی | .tm |
۱۰. یوز ایلده تورکمنیستانین اراضیسینه اوغوزلار(ایندیکی تورکمنلرین اجدادلاری) کؤچوب گلیرلر.اوغوزلار ۱۳. یوز ایلده سلجوق دؤولتینی یارادیلار. ۱۶. یوز ایلده تورکمنیستان اراضیسی خیوه و بوخارا خانلیقلارینین تابئعچیلیینه دوشور.۱۸۶۹-جی ایلده چار روسیهسی طرفیندن ایشغال اوْلونور.۱۹۲۱-جی ایلده تورکوستانین ترکیبینه داخیل اولور.۱۹۲۴-جو ایلده ایسه سسری طرفیندن تورکمنیستان مسسر-ی یارادیلیر و سسری-نین ترکیبینه داخیل اولور.۱۹۹۱-جی ایلده موستقیل تورکمنیستان جمهوریتی اعلان اوْلونور.
thumb|تورکمنیستان ویلایتلری:
۱. آهال
۲. بالکان
۳. داشوغوز
۴. لئباپ
۵. ماری
اؤلکهنین گئوسییاسی مؤوقعی آوروپا اؤلکهلری ایله چین و هیندیستانا گئدن قورو یوللارینین اوزرینده یئرلشمهسی باخیمیندان الوئریشلیدیر.
رئلیئفینه گؤره اووالیق و داغلیق حیسهلردن عبارتدیر. کوپئتداغ سیلسیلهسی سئیسمیک جهتدن فعالدیر. اؤلکه اراضیسینین ۸۰%-دن چوخو توران اووالیغیندا اوکئان سوییهسیندن ۱۰۰-۲۰۰ متر هوندورلوکدهدیر. زنگین طبیعی گاز و نفت احتیاطینا گؤره اؤلکه دونیانین ان قاباقجیل دؤولتلریندن بیریدیر. اؤلکه اراضیسینده ۱۴۴ نئفت و قاز یاتاغی آشکار ائدیلمیشدیر. اونلاردان یالنیز ۴۰ یاتاق ایستیسمار اوْلونور (خزرترافی، بوخارا-خیوه، مرای، لئباپ و س.). یئرالتی سروتلردن کوکورد، کالیوم و داشدوز، بئنتونیت گیلی، میرابیلیت، آلونیت واردیر.
اؤلکهنین ایقلیمی قورو سوبتروپیک ایقلیمدیر. بورادا ایلین ۲۹۰ گونو بولودسوز کئچیر. جومهوریت اراضیسینده ایللیک و سوتکالیق تئمپئراتورئ آمپلیتودو چوز بؤیوکدور. یاغینتیلارین اوْرتا ایللیک میقداری ۵۰-۲۰۰ mm آراسیندادیر. مۆمکون بوخارلانما ۱۵۰۰ مم-دن آرتیقدیر. اکینچیلیک اساساً سووارما، داغلاردا ایسه قیسمن دمیه شرایطینده مۆمکوندور. اؤلکهنین شرق رایونلاری آمودریا، مورقاب و تجن چایلارینین سولاری ایله تجهیز اوْلونور.
تورکمنیستاندا ان بؤیوک گؤل ساریقامیشدیر. بۇ گؤلدن یوکسک کیفیتلی خؤرک دوزو ییغیلیر. سووارما تاریخاً تورکمنیستان اۆچون موهوم اهمیت کسب ائتمیشدیر. آمودریادان چکیلن قاراقوم کانالی مینلرله هئکتار تورپاغین جانلانماسیندا موهوم رول اوْیناییر. تورکمنیستان اراضیسی یئرالتی سولارلا زنگیندیر. یئرالتی سولارین سطحه یاخین اراضیلرینده واحهلر مؤوجوددور. مونبیت تورپاغی، توغای مئشهلری، زنگین بیتکی اؤرتویو واههلره اؤزونهمخصوص گؤزللیک وئریر. اؤلکه اراضیسینین ۳۷۵ مین مربع کیلومتری صحرا و یاریمصحرالاردیر. بوز قومساللیقدا هامار سطحلی تاکیرلار چوْخ یئکنسک تأثیر باغیشلاییر. تورکمنیستان اراضیسینده بیتن ساکساول کولو اهالینین ایستیفاده ائتدیی ان موهوم بیتکیدیر.
تورکمنیستان ائتنوسوْنون منشیی قدیم ساک-ماسساگئت و سارمات-آلان قبیلهلری ایله باغلی اوْلوب. ائتنوسون فورمالاشماسیندا اوغوزلار یاخیندان ایشتیراک ائتمیشلر.
تورکمنیستاندا کند اهالیسی اوستونلوک تشکیل ائدیر (۵۵%). اهالی اساساً، قاراقوم کانالی زوناسیندا، مورقاب و تجن چایلارینین دئلتاسیندا، کوپئتداغین اتیینده جملشمیشدیر. آشقاباد شهری تورکمنیستان جومهوریتنین باشکندی، موهوم علم، صنایع و مدنیت مرکزیدیر. باشقا اساس شهرلری جرجو، داشوغوز، ماری، نئبیتداغ، تورکمنباشیدیر.
تورکمنیستان BMT، IKT (ایسلام کونفرانسی تشکیلاتی)، MDB، اقتصادی امکداشلیق شوراسی و س. تشکیلاتلارین عضوودور
۱۴.۰۴.۲۰۰۱ – تاریخینده "نئیترال تورکمنیستان" قزئتینده اؤلکهنین او زامانکی دؤولت باشچیسی صاپارموراد نیازووون موصاحیبهسی نشر اوْلوندو . کئچمیش پرزیدنت ۲۰۰۱-جی ایله اؤلکه اهالیسینین ۹۱%-نین تورکمنلرین ، ۳%-نی اؤزبکلرین ، ۲%-نی روسلارین ، ۴%-نی دیگر میللتلرین تشکیل ائتدیینی قئید ائتمیشدی . تورکمنلر همچینین اؤزبکیستاندا، تاجیکیستاندا، ایراندا، افقانیستاندا و روسیه فئدئراسییاسیندا دا یاشاییرلار. اؤلکهنین تورکمن اهالیسی یوکسک طبیعی آرتیما مالیکدیر. بونا باخمایاراق اوْرتا سیخلیق چوْخ آشاغیدیر (۱ کم²-ده ۹،۲ نفر ). ارازینین ۸۰%-ده اهالی یاشامیر.
تورکمنیستان رئسپوبلیکاسیندا اؤلکهنی خاممال ایستئهسالچیسیندان حاضر محصول ایستئهسالچیسینا چئویرمک مقصدی داشییان دؤولت پروقرامی حیاتا کئچیریلیر. پروقرام رئاللاشماسی اۆچون اعمال ائدیجی صنایع ساحهلرینه دقت آرتیریلیر، اهالینین ارزاغا اوْلان تلباتینی داخیلی ایمکانلار حسابینا اؤدمک اۆچون لاییحهلر حاضرلانیر.
تورکمنیستانین تصروفاتینین اساس گلیرلی ساحهسی نئفت و قاز کومپلئکسینین اینکیشافیدیر. نئفت و قازچیخارما رئسپوبلیکانین ایختیساسلاشمیش ساحهسیدیر. اؤلکهنین گلیرینین ۶۰%-ی بۇ ساحهلرین پایینا دوشور. نفت بورولارلا ائمال اۆچون تورکمنباشی و جرجو شهرلرینه نقل ائدیلیر. نفتین بیر حیصهسی خزر دنیزی ایله آذربایجانا و باشقا اؤلکهلره آپاریلیر. تورکمنیستان طبیعی قاز احتیاطینا گؤره دونیادا ۴-جو یئرده دورور. خصوصیله، آچاق، ماری و خزرساهیلی یاتاقلار داها محصولداردیر. ایلده ۳۲ میلیارد م۳ قاز حاصیل اوْلونور و بۇ قازین بؤیوک حیصهسی قونشو اؤلکهلره، او جملهدن آذربایجانا، گورجوستانا، اوکراینایا، روسیه فئدئراسییاسینا گؤندریلیر.
تورکمنیستاندا طبیعی گازی ایخراج ائتمک اۆچون هلهلیک یالنیز بیر بورو کمری (روسیهیا) مؤوجوددور. لاکین ایران و تورکیهدن کئچمکله آوروپایا، افقانیستاندان کئچمکله پاکیستان و هیندیستانا قاز اؤتورمک اۆچون بورو کمری مارشروتلاری اوزرینده ایشلر گئدیر.
اؤلکهده ماشینقاییرما صنایعسی نئفت-قاز و کند تصروفاتینا خیدمت ساحهلریندن عبارتدیر. کیمیا صنایعسی اۆچون کیفایت قدر یئرلی خاممال واردیر. کوکورد، کالیوم دوزلاری، یود اساسیندا نئبیتداغدا، بئکداشدا، چلکهنده، جرجودا، ماریدا کیمیا زاوودلاری فعالیت گؤستریر. بیر چوْخ خاریجی شیرکتلر تورکمنیستاندا کیمیا زاوودلاری موسسیسهلری یاراتماق ماراغیندادیر.
تورکمنیستاندا ائلئکتریک انرژیسینه اوْلان تلبات ایری شهرلره یاخین تیکیلمیش ایئس-لر و ایراندان آلینان انرژی حسابینا تعمین اوْلونور.
تورکمنیستاندا اکینچیلیک اۆچون یارارلی توْرپاقلارین یاریسیندان پامبیقچیلیقدا ایستیفاده اوْلونور. قاراقومون مورقاب و تجهن دئلتالاریندا، آمودریا بویونجا اوزانان ساحهلرده پامبیق اکینلری داها چوخدور.
رئسپوبلیکادا ییغیلان پامبیغین ۲۵%-ی زریفلیفلیدیر. گلهجکده پامبیق ایستئهسالینی ۳ میلیون تونا چاتدیرماق نظرده توتولور. سوواریلان توْرپاقلاردان باغچیلیقدا، اوزومچولوکده و تاخیلچیلیقدا ایستیفاده اوْلونور. چلتیک آمودریانین آشاغی آخارلاریندا بئجریلیر. واههلرده اهالی باراماچیلیقلا مشغول اولور. بوستان بیتکیلری خصوصیله گئنیش یاییلمیشدیر. سون ایللر شکر چوغوندورو اکینلری گئنیش ووسعت آلمیشدیر.
کند تصروفاتینین ایکینجی ساحهسی حئیواندارلیقدیر. شرقی قاراقومدا قاراگول قویونلاری، قربی قاراقومدا زریفیونلو قویونلار و بیرهورگوجلو دوهلر ساخلانیلیر. پامبیقتهمیزلهمه (تورکمنقالا)، پامبیقپارچا، ایپک (آشقاباد، تورکمناباد و ماریدا)، قاراگول دریسینین آشیلانماسی و س. فابریکلری فعالیت گؤستریر. لاکین یونگول صنایعده آپاریجی ساحه خالچاچیلیقدیر.
ارازینین ترانزیت مؤوقئیی نقلیاتین اینکیشافی اۆچون گئنیش ایمکانلار آچیر. تورکمنیستان جنوب ایستیقامتده نقلیات شبکهسینی یاراتماق مؤوقئیی توتموشدور. تجهن شهریندن مجهد شهرینه چکیلهن اوتوموبیل یولو مرکزی آسییانین دیگر رئسپوبلیکالاری (خصوصاً قازاخیستان و اؤزبکیستان) اۆچون موهوم اهمیته مالیکدیر. باکی ایله تورکمنباشی شهرلری آراسیندا خزر دنیزینده گمی-بره ایشلییر.
تیکینتی صنایعسینه دقت آرتیریلمیشدیر. اؤلکه بوتؤولوکله تیکینتی میدانینی خاتیرلادیر. اؤلکهیه داخیل اوْلان ۲۰ میلیارد دوللار خاریجی اینوئستیسییانین ۸۳%-ی تیکینتییه یؤنلمیشدیر. تورکمنیستان ۵۰-دن چوْخ اؤلکه ایله اقتصادی علاقهلر یاراتمیشدیر.
This article uses material from the Wikipedia تۆرکجه article تورکمنیستان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.