Vikimaniya

Konfrans elmi xarakter daşımaqla yanaşı, viki iştirakçılarının görüşməsinə və fikir mübadiləsi aparmasına şərait yaradır. Vikimaniyada Vikimedia Fondunun müxtəlif layihələrində iştirak edən istifadəçilər toplaşırlar. Burada onlar məruzələrlə çıxış edir, müxtəlif layihələr barədə təqdimatlar göstərir, yeni ideyalar təklif edirlər. Vikimaniya vikimediyaçılara müxtəlif sahələrə aid məsələləri geniş şəkildə müzakirə etmək imkanı verir. Bu məsələlərə azad və açıq proqram təminatından başlayaraq, biliyin və vikilayihələrin bütün dünyaya yayılmasına qədər təşəbbüslər aiddir.

Vikimaniya
Vikianbarda əlaqəli mediafayllar

Vikipediya üzrə keçirilən konfransların əsas məqsədi – Vikipediya əhalisini görüşdürmək, onların bir-birlərinin Vikipediyadakı gələcək planları haqqında informasiya əldə etməyə şərait yaratmaqdır. Konfransda vikimediyaçılarla yanaşı, viki layihələrində iştirak etməyən şəxslər də çıxış edə bilərlər.

1. "Wikimania 2005" — 5–7 avqustda Almaniyanın Frankfurt şəhərində keçirilmişdir (iştirakçı sayı: 380).
2. "Wikimania 2006" — 4–6 avqustda Massaçusets ştatında, Kembricdə keçirilmişdir (iştirakçı sayı: 400).
3. "Wikimania 2007" — 3–5 avqustda Tayvanda keçirilmişdir (iştirakçı sayı: 440).
4. "Wikimania 2008" — 17–19 iyulda Misirdə, İsgəndəriyyə kitabxanasında keçirilmişdir (iştirakçı sayı: 650).
5. "Wikimania 2009" — 26–28 avqustda Argentinanın Buenos-Ayres şəhərində keçirilmişdir (iştirakçı sayı: 559).
6. "Wikimania 2010" — 9–11 iyulda Polşanın Qdansk şəhərində keçirilmişdir (iştirakçı sayı: 500).
7. "Wikimania 2011" — 4–7 avqustda İsrailin Hayfa şəhərində keçirilmişdir (iştirakçı sayı: 720).
8. "Wikimania 2012" — 12–15 iyulda ABŞ-nin Vaşinqton şəhərində keçirilmişdir (iştirakçı sayı: 1,400).
9. "Wikimania 2013" — 7–11 avqustda Çinin Honkonq şəhərində keçirilmişdir (iştirakçı sayı: 700).
10. "Wikimania 2014" — 6–10 avqustda Böyük Britaniyanın London şəhərində keçirilmişdir (iştirakçı sayı: 1,762).
11. "Wikimania 2015" — 15–19 iyulda Meksikanın Mexiko şəhərində keçirilmişdir (iştirakçı sayı: 800).
12. "Wikimania 2016" — 21–28 iyunda İtaliyanın Ezino-Lario kəndində keçirilmişdir (iştirakçı sayı: 1,200).
13. "Wikimania 2017" — 9–13 avqustda Kanadanın Monreal şəhərində keçirilmişdir (iştirakçı sayı: 1,000).
14. "Wikimania 2018" — 18–22 iyulda Cənubi Afrikanın Keyptaun şəhərində keçirilib.
15. "Wikimania 2019" — 14–18 avqustda İsveçin Stokholm şəhərində keçirilib (iştirakçı sayı: 800).

• Vikipediya əhalisi