Madita

Atası bosnalı folklor mahnılarının ifaçısı Kamal Malovçiçdir. Madita sinti pop, R&B və caz da daxil olmaqla müxtəlif janrlarda ifa edir.

Madita
bosn. Edita Malovčić
Ümumi məlumatlar
Ləqəbi	Madita
Doğum tarixi	21 yanvar 1978(1978-01-21) (46 yaş)
Doğum yeri	Vyana, Avstriya
Vətəndaşlığı	Avstriya
Musiqiçi məlumatları
Fəaliyyəti	aktrisa, müğənni-mahnı yazarı, kino aktrisası
Fəaliyyət illəri	2002-ci ildən
Janr	pop musiqisi
madita.com
Vikianbarda əlaqəli mediafayllar

Edita Malovçiç Vyanada bosnalı folklor mahnılarının ifaçısı Kamal Malovçiçin Serbiyalı xanımla olan ilk nikahından dünyaya gəlmişdir. Maditanın bildirdiyinə görə, o, atası ilə uzun müddət əlaqə saxlamamışdır və atası ilə bağlı heç də "xoş xatirələri yoxdur".

2003-cü il təvəllüdlü bir oğlu var.

Aktrisalıq karyerası

Madita musiqişünaslıq təhsili ilə yanaşı özəl aktyorluq dərsləri almışdır. 1999-cu ildə bir çox mükafata layiq görülmüş Avstriya istehsalı Şimal ətəkləri filmində oynamışdır. Filmin mövzusu Bosniya müharibəsi idi. İlk uğurundan sonra Madita Berlin Almaniyadadır (2001), Soyuq cəbhə (2003), Želary (2003) və Dörd dəqiqə (2006) kimi digər bir çox filmlərdə də rol almışdır. O, həmçinin SOKO Kitzbühel, Müfəttiş Reks və Medikopter 117 seriallarında iştirak etmişdir.

Musiqi karyerası

Müğənnilik fəaliyyətinə 2002-ci ildə dZihan & Kamien və onların Gran Riserva albomu üçün ifa etdiyi mahnı ilə başlamışdır. İlk solo albomu Madita 2005-ci ildə buraxılmışdır. 2005-ci ilin dekabrında albom həm də iTunes Storeda buraxılmış və "Elektron Albom Parad"ında 3-cü yerə yüksəlmişdi. Aylar sonra albom həm də digər ölkələrdə zirvəyə yüksəlir. Onun ən böyük "endirilmə uğuru" Böyük Britaniyanın Dünya Musiqi iTunes paradında 1-ci yerə çatması idi. 2007-ci ildə həmin albomdakı Seylon mahnısı Güc şəbəkəsində serialında bir epizodda səslənmişdir.

2008-ci ildə Madita Avstriyada Too adlı ikinci albomunu musiqisevərlərə təqdim edir. Albom ABŞ-da 28 mart 2008-ci ildə buraxılır və eyni zamanda iTunes Storeda istifadəçilərin ixtiyarına verilir. İki il sonra doqquz trekdən ibarət Flavours albomunu buraxır. Treklərdən beşi əvvəlki albomlara daxil edilməmişdi, dördü isə remiks idi. Albomun ümumi müddəti 50 dəqiqədir. Gran Depot Music etiketi ilə buraxılmışdır. Albom həm də Maditanın keçmiş və yeni mahnılarından ibarət Madita Deluxe kolleksiyasının tərkibinə daxil edilib.

• 1999: Şimal ətəkləri - Tamara
• 2000: Disko sirləri
• 2001: Berlin Almaniyadadır - Ludmila
• 2003: Soyuq cəbhə - Sandra
• 2003: Želary - Mari
• 2005: Yalnız Motsart üçün
• 2006: Dörd dəqiqə - Traude - gənc
• 2008: Der Knochenmann
• 2009: Sümük adam - Anna
• 2009: Zweiohrküken - Marie
• 2013: Qan buzlağı - Tanya
• 2014: Yatdığın yalanlar

Teleseriallar

• 2000: Medikopter 117, Müfəttiş Reks, Julia, eine ungewöhnliche Frau, Der Briefbomber
• 2001: Der Ermittler, Medikopter 117, SOKO Kitzbühel, Müfəttiş Reks
• 2002: Müfəttiş Rolle, Müfəttiş Reks, Medikopter 117
• 2004: Ein Starkes Team - "Zahn der Zeit", Ein Starkes Team - "Sippenhaft"
• 2005: Hadisə yeri - "Schneetreiben", Ein Starkes Team - "Zahn um Zahn"
• 2006: Zodiak
• 2007: Hadisə yeri - "Der Finger"
• 2015: Altes Geld
• 2016: Hadisə yeri - "Im gelobten Land"

• Madita (2005)
• Too (2008)
• Pacemaker (2010)
• Madita Deluxe (2012)
• Flavours (2012)

 

Vikianbarda Madita ilə əlaqəli mediafayllar var.

• madita.com — Maditanın rəsmi saytı