Гӏараб Алипба
ГІараб алипба (гӀар.
Хъвай-хъвагІи буго кваранидаса квегІиде курсивалдалъун ва гьелде гъорлъ буго 28 хІарп. ГІемерисел хІарпазул руго контекстиял хъвалел къагІидаби.
| ГӀараб алипба | |
|---|---|
 | |
| Тайпа | Абджад |
| МацӀал | ГӀараб |
Заман | III яги IV гӀасруялдаса нахъе |
| Хурхарал системаби | |
Эбелаб система | Египтиял гьиероглифал
|
| ISO 15924 | |
| Хъвалеб къагӀида | Кваранидаса квегӀиде |
| ISO 15924 | Arab, 160 |
| Юникод | |
Юникодалъул диапазон | Arabic |
Юникодалъул ранг |
|
ГІараб алипба рикІкІуна абджадиятлъун, ай жинда гъорлъ гІицІго рагьукъал гьаркьал (консонантал) рихьизарулел хІарпал хІалтІизабулеблъун, гьединго рикІкІуна гІараб алипба жубараб абджадиятлъун кколин абунги.
Цогидал журарал абджадиятазда гІадин къаламчагІаза рахъана рагьарал гьаркьал рихьизаризе хасал хІаракаби ва диакритикал.
Рагьукъал гьаркьал
Аслияб гІараб алипбаялда буго 28 хІарп.
Цогидал мацІазе дандеккезабун гьабураб гІараб хъвай-хъвагІиялде тІаде журан ялъуни тІаса рахъун руго чанго хІарп, мисалалъе, парс, гІусманияб турк, курд, урду, синди, малай, пушту, арви ва малаялам мацІазда. ГІараб хІарпазул гьечІо бетІераб ва бетІераб гуреб формаби.
ГІемералго хІарпал руго цоцазда релълъарал, амма жал бакъулъ ругел бутІабазда тІад ялъуни гъоркь ругел тІанкІаздалъун (нукъдабаздалъун) ратІарахъулел. Гьел тІанкІал ккола хІарпазул ратІатІоларел гІаламаталлъун, жидеца батІи-батІиял гьаркьал кьолел хІарпал цоцадаса ратІа гьарурел. Мисалалъе, ب (b), ت (t) ва ث (th) хІарпазул буго цого аслияб куц-мухъ, амма руго тІанкІал: цояб гъоркь, кІиго тІаса ва лъабго тІаса; ن (n) хІарпалъул байбихьуда ва гьоркьоб хъвалеб къагІида буго цого тІаса цо тІанкІгун, батІаго ва ахиралда хъ валел къагІидаби руго батІиял.
ГІараб хІарпазул басмаялъул ва кверзул хъвалеб къагІида ккола курсивлъун, рагІиялда жаниб гІемерисел хІарпазул букІуна аскІор ругезулгун бухьен.
Алипбаялъулаб тартиб
ГІараб алипбаялъул хІарпазул буго кІиго батІияб тартиб (коллация): абджадия ва гьиджаи (алифбаи).
Оригиналияб абджадия (أَبْجَدِيّ) таритиб, жиб леттерингалъе[en] хІалтІизабулеб, лъугьараб буго финикъияб алипбаялъул тартибалдаса, ва гьелъ гьеб релълъараб буго финикъияб алипбаялдаса лъугьарал цогидал алипбаязул тартибалда, мисалалъе, гьибрит алипбаялъул тартибалда. Гьеб тартибалда хІарпал гьединго хІалтІизарула цифраби хІисабалдаги, Абджадияталъул цифрабазул буго гьибрит гематриялъулги грек изопсефиялъулги гІадаб алипбагун цифрабазулаб код/шифр
Гьиджаи (هِجَائِي) ялъуни алифбаи (أَلِفْبَائِي) буго гьанжесеб тартиб, жинда жаниб хІарпал куц-мухъалда рекъон цадахъ лъурал, гьеб тартиб хІалтІизабула, телефоназул тІахьал, къамусал гІадал цІаразул ва рагІабазул сияхІазда.
Абджади
Абджади тартиб кколаро цебесеб шималияб семит алипбаялъул тартибалъул гІадатияб ирсилаблъун, гьелда жаниб буго бакІ, жиб арамияб самех/семкат ס хІарпалъе данде кколеб, амма гьеб арамияб хІарпалдаса лъугьараб цониги хІарп гьечІо гІараб алипбаялда. Самех тІагІиналъул бакІалде ש шин хІарпалдаса лъугьана кІиго цоцада рачІел гІараб хІарпал, ش (шин) ва ﺱ (син), жал самехалъул бакІалде рачІарал. Анлъго цогидаб хІарп, жидер аналогал цониги шималияб алипалда гьечІел, лъун руго ахиралда
| غ | ظ | ض | ذ | خ | ث | ت | ش | ر | ق | ص | ف | ع | س | ن | م | ل | ك | ي | ط | ح | ز | و | ه | د | ج | ب | أ |
| gh | ẓ | ḍ | dh | kh | th | t | sh | r | q | ṣ | f | ʿ | s | n | m | l | k | y | ṭ | ḥ | z | w | h | d | j | b | ʾ |
| 28 | 27 | 26 | 25 | 24 | 23 | 22 | 21 | 20 | 19 | 18 | 17 | 16 | 15 | 14 | 13 | 12 | 11 | 10 | 09 | 08 | 07 | 06 | 05 | 04 | 03 | 02 | 01 |
Гьелъул вокализация гІемерисеб гьабула хадусеб къагІидаялъ:
- ʾabjad hawwaz ḥuṭṭī kalaman saʿfaṣ qarashat thakhadh ḍaẓagh.
Цогидаб вокализация:
- ʾabujadin hawazin ḥuṭiya kalman saʿfaṣ qurishat thakhudh ḍaẓugh
| ش | غ | ظ | ذ | خ | ث | ت | س | ر | ق | ض | ف | ع | ص | ن | م | ل | ك | ي | ط | ح | ز | و | ه | د | ج | ب | أ |
| sh | gh | ẓ | dh | kh | th | t | s | r | q | ḍ | f | ʿ | ṣ | n | m | l | k | y | ṭ | ḥ | z | w | h | d | j | b | ʾ |
| 28 | 27 | 26 | 25 | 24 | 23 | 22 | 21 | 20 | 19 | 18 | 17 | 16 | 15 | 14 | 13 | 12 | 11 | 10 | 09 | 08 | 07 | 06 | 05 | 04 | 03 | 02 | 01 |
| Кьераз рихьизарун руго хІарпал, жидер цебесеб таблицаялде данде ккун батІиял бакІазда ругел | |||||||||||||||||||||||||||
Гьелъул вокализация гьабизе бегьула:
- ʾabujadin hawazin ḥuṭiya kalman ṣaʿfaḍ qurisat thakhudh ẓaghush
ГІиджаи
Гьанжесел къамусазда ва баянтІахьазда абджадиялъул тартибалъул бакІалда хІалтІизабула цІияб гьиджаи тартиб hijāʾī, жинда жаниб хІарпазул тартиб гІемерисеб гьезул куц-мухъалда рекъон гІуцІараб. Гьиджаи тартиб киданиги хІалтІизабуларо цифраби хІизабалда.
| ي | و | ه | ن | م | ل | ك | ق | ف | غ | ع | ظ | ط | ض | ص | ش | س | ز | ر | ذ | د | خ | ح | ج | ث | ت | ب | ا |
| y | w | h | n | m | l | k | q | f | gh | ʿ | ẓ | ṭ | ḍ | ṣ | sh | s | z | r | dh | d | kh | ḥ | j | th | t | b | ā |
Гьиджаиялъул батІияб тайпа хІалтІизабулаан Магърибалда, амма гьеб дагьаб цебегІан хисана машрикъияб тартибалъ.
| ي | و | ه | ش | س | ق | ف | غ | ع | ض | ص | ن | م | ل | ك | ظ | ط | ز | ر | ذ | د | خ | ح | ج | ث | ت | ب | ا |
| y | w | h | sh | s | q | f | gh | ʿ | ḍ | ṣ | n | m | l | k | ẓ | ṭ | z | r | dh | d | kh | ḥ | j | th | t | b | ā |
| Кьераз рихьизарун руго хІарпал, жидер цебесеб таблицаялде данде ккун батІияб бакІ бугел | |||||||||||||||||||||||||||
ХІарпазул къагІидаби
Халип:Calligraphy ГІараб алипба кидаго ккола курсивлъун, жидер рагІиялда жаниб бугеб бакІалде балагьун хІарпазул рукІуна батІи-батІиял хъвалел къагІидаби. ХІарпазул букІине бегьула ункъгоялде гІунтІун батІияб хъвалеб куц, жал байбихьул (инициал), гьоркьохъеб (медиал), ахираб (финал) ва жибго бугеб (изолят) бакІазде данде кколел (IMFI). Цо-цо хІарпазул хъвалеб къагІидаялъул гІемерго батІалъи бугеб мехалъ, цогидал хІарпал гІемерисел хисичІого хутІула ункъабго хъвалеб бакІалда. ГІаммаб къагІидаялда цого рагІабазда жаниб хІарбал цоцада рухьуна къокъаб мухъалдалъун, амма анлъго хІарп (و ,ز ,ر ,ذ ,د ,ا) хурхинаризе бегьула гІицго цебехун (кваранидехун) бугеб хІарпалда. Мисалалъе, أرارات (Арарат) рагІиялда киналго хІарпал руго ратІаго хъвалеллъун, щай гурелъул гьел хІарпал рухьинарун бажаруларо хадусезда. Гьединго цоцо рагІабазул комбинациял хъвала лигатураби (хасал формаби) гІадин, масала, лам-алиф لا, жиб хъвазе тІадаблъун бугеб (لـا лигатурияб гуреб комбинация цІализе захІматаблъун рикІкІуна)
Аслиял хІарпазул таблица
| ГІаммаб | Магърибияб | ХІарпазул цІарал (классикияб абулеб къагІида) | ХІарпазул цІарал гІараб хІатІалда | Транслитерация | Value in Literary Arabic (IPA) | Абулеб къагІидаялъул авар мацІалда ругел гІадал эквивалентал | Контекстуалиял формаби | БатІаго бугеб форма | |||||
|---|---|---|---|---|---|---|---|---|---|---|---|---|---|
| Абджади | Гьиджаи | Абджади | Гьиджаи | Финал | Медиал | Иницал | |||||||
| 1. | 1. | 1. | 1. | ʾalif | أَلِف | ā / ʾ (гьединго â ) | /aː/, /∅/ | васас (тІоцебесеб а дагьабги халатаб) | ـا | ا | |||
| 2. | 2. | 2. | 2. | bāʾ | بَاء | b | /b/ | бакъ | ـب | ـبـ | بـ | ب | |
| 22. | 3. | 22. | 3. | tāʾ | تَاء | t | /t/ | таргьа | ـت | ـتـ | تـ | ت | |
| 23. | 4. | 23. | 4. | thāʾ | ثَاء | th (гьединго ṯ ) | /θ/ | авар аналог гьечІо, ингилис think | ـث | ـثـ | ثـ | ث | |
| 3. | 5. | 3. | 5. | jīm | جِيم | j (гьединго ǧ ) | /d͡ʒ/ | авар мацІалда дандчІвала гІарабалдаса рачІарал рагІабазулъ, джуз | ـج | ـجـ | جـ | ج | |
| 8. | 6. | 8. | 6. | ḥāʾ | حَاء | ḥ (гьединго ḩ ) | /ħ/ | хІайранлъи | ـح | ـحـ | حـ | ح | |
| 24. | 7. | 24. | 7. | khāʾ | خَاء | kh (гьединго ḫ, ḵ, ẖ ) | /x/ | херлъи | ـخ | ـخـ | خـ | خ | |
| 4. | 8. | 4. | 8. | dāl | دَال | d | /d/ | даим | ـد | د | |||
| 25. | 9. | 25. | 9. | dhāl | ذَال | dh (гьединго ḏ ) | /ð/ | авар эквивалент гьечІо, ингилис that | ـذ | ذ | |||
| 20. | 10. | 20. | 10. | rāʾ | رَاء | r | /r/ | авар аналог гьечІо, испан мацІалда perro | ـر | ر | |||
| 7. | 11. | 7. | 11. | zāy / zayn | زَاي | z | /z/ | зайтун | ـز | ز | |||
| 15. | 12. | 21. | 24. | sīn | سِين | s | /s/ | симис | ـس | ـسـ | سـ | س | |
| 21. | 13. | 28. | 25. | shīn | شِين | sh (гьединго š ) | /ʃ/ | шиша | ـش | ـشـ | شـ | ش | |
| 18. | 14. | 15. | 18. | ṣād | صَاد | ṣ (гьединго ş ) | /sˤ/ | эквивалент гьечІо (релълъараб букІине бегьула ссуй) | ـص | ـصـ | صـ | ص | |
| 26. | 15. | 18. | 19. | ḍād | ضَاد | ḍ (гьединго ḑ ) | /dˤ/ | эквивалент гьечІо | ـض | ـضـ | ضـ | ض | |
| 9. | 16. | 9. | 12. | ṭāʾ | طَاء | ṭ (гьединго ţ ) | /tˤ/ | тІалаб | ـط | ـطـ | طـ | ط | |
| 27. | 17. | 26. | 13. | ẓāʾ | ظَاء | ẓ (гьединго z̧ ) | /ðˤ/ | эквивалент гьечІо | ـظ | ـظـ | ظـ | ظ | |
| 16. | 18. | 16. | 20. | ʿayn | عَيْن | ʿ | /ʕ/ | гІумру | ـع | ـعـ | عـ | ع | |
| 28. | 19. | 27. | 21. | ghayn | غَيْن | gh (гьединго ġ, ḡ ) | /ɣ/ | гъаргъар | ـغ | ـغـ | غـ | غ | |
| 17. | 20. | 17. | 22. | fāʾ | فَاء | f | /f/ | Фазил | ـف | ـفـ | فـ | ف | |
| 19. | 21. | 19. | 23. | qāf | قَاف | q | /q/ | къед | ـق | ـقـ | قـ | ق | |
| 11. | 22. | 11. | 14. | kāf | كَاف | k | /k/ | калам | ـك | ـكـ | كـ | ك | |
| 12. | 23. | 12. | 15. | lām | لاَم | l | /l/ | килищ | ـل | ـلـ | لـ | ل | |
| 13. | 24. | 13. | 16. | mīm | مِيم | m | /m/ | моцІ | ـم | ـمـ | مـ | م | |
| 14. | 25. | 14. | 17. | nūn | نُون | n | /n/ | нуж | ـن | ـنـ | نـ | ن | |
| 5. | 26. | 5. | 26. | hāʾ | هَاء | h | /h/ | гьев | ـه | ـهـ | هـ | ه | |
| 6. | 27. | 6. | 27. | wāw | وَاو | w / ū / ∅ | /w/, /uː/, ∅ | вуго | ـو | و | |||
| 10. | 28. | 10. | 28. | yāʾ | يَاء | y / ī | /j/, /iː/ | яс, гьабизе (дагьабги халатаб и) | ـي | ـيـ | يـ | ي | |
| (алипбаялъул хІарплъун рикІкІунаро, амма цІакъ кІвар бугеб роль хІала гІараб грамматикаялда ва лексикаялда, гьенибго баян гьабиги: гІемерисел битІарал гурел чІужугІаданалъул жинсалъул предметиял цІарал рихьизариги. | hamzah | هَمْزة | ʾ | /ʔ/ | гьуърул | ء (аслияб къагІидаялъ хъвала рагІул бакьулъ ва ахиралда, цогидал хІарпазда бухьунаро) | |||||||
| ʾalif hamzah | أَلِف هَمْزة | ـأ | أ | ||||||||||
| ـإ | إ | ||||||||||||
| wāw hamzah | وَاو هَمْزة | ـؤ | ؤ | ||||||||||
| yāʾ hamzah | يَاء هَمْزة | ـئ | ـئـ | ئـ | ئ | ||||||||
| ʾalif maddah | أَلِف مَدَّة | ʾā | /ʔaː/ | ـآ | آ | ||||||||
Баянал
- Гьаркьал рахъулеб куц кьун буго гьенжесеб стандартияб гІараб мацІалъул, жиб школабазда ва университетазда малъулеб. Практикаялда, хІарпал рахъулеб къагІида батІи-батІиял икълимазда рекъон букІине бегьула стандарталдаса батІияю. ГІараб мацІалъул пронунциациялъул (хІарпал рахъулеб къагІиядаялъул) хІакъалъул дагьабги цІикІкІун информация балагье гІараб фонология ва гІараб мацІалъул вариантал макъалабазда.=
- ГІараб хІарпазул цІаразул хал гьабизе бегьула цебесеб версиялъул абстракция хІисабалда. Протосемит мацІалда гьел цІарал рукІана хасаб магІна бугел рагІабилъун. Халкъалда гьоркьоб хІарпазул рукІине бегьула цогидал цІарал.
- Анлъго хІарпалъул (و ز ر ذ د ا) гьечІо чІван-къотІараб медиалияб форма, рагІул бакьулъ гьел хъвала ахираб форма гІадин хадусеб хІарпгун бухьенги гьечІого. Гьезул байбихьул форма дандеккола батІаго бугеб формаялда (инициалалде). Хадусеб хІарп хъвала жиндирго байбихьул формаялда, ялъуни батІаго бугеб формаялда, гьеб рагІиялъулъ ахирисеб хІарп батани.
- Алиф хІарп баккана финикъияб алипбаялда жинца глотталияб ккураб рагьукъаб гьаракь бихьизабуле хІарп хІисабалда. Жакъа къоялде гьелъул букІараб гьеб функция тІагІана, ва гьеб йа-ги (ya’ ) вав-ги (wāw ) хІарпазда цадахъ ккола матер лекционислъун, рагьукъаб хІарплъун, жиб халатаб рагьараб гьаракьалъул чвахиялда цебе букІунеб, ялъуни диакритикал тІад лъолеб ишаралъун (мадда ва гьамза).
- ГІараб мацІалда хІалтІизабула диакритикияб ишара ء, гьамза, гьелъ бихьизабула глотталияб ккураб рагьукъаб [ʔ], хъвала жибго ялъуни кьучІчІ-хІарпгун:
- жибго: ء
- кьучІчІ-хІарпгун: إ أ (алиф хІарпалда тІад ялъуни гъоркь), ؤ (вāв хІарпалда тІад), ئ (нукъадаби гьечІеб йā’ ялъуни йā’ гьамза хІарпазда тІад).
- Академиял хІалтІабазда гьамза (ء) хІарпалъул транлитерация гьабула кваранаб бащдаб гор модификатор-хІарпалдалъун (ʾ), гьелъие гІаксаб квегІаб бащдаб гор модификатор-хІарпалдалъун цогидал мацІазда транслитерация гьабула гІайн (ع) хІарпалъе, авар мацІалда гьеб гьаракь бихьизабула гІ хІарпалъ.
- Гьамза хІарпалъул буго гІицІго цо форма, гьелъ гьеб цебе бугеб ялъуни хадуб бачІунеб хІарпаздехун бухьунаро. БукІаниги, гьеб хІарп вāв, йā’ ва алиф хІарпазда цадахъ букІуна, гьедин буеб мехалда кьучІчІ хІарпал рукІуна гьелго вāв, йā’ ва алиф хІарпаллъун.
Алиф
| Контекст | Форма | МагІна |
|---|---|---|
| Диакритикал гьечІого | ا |
|
| ТІад гьамзагун (гьамза алиф) | أ |
|
| Гьоркь гьамзагун (гьамза алиф) | إ |
|
| Мадагьгун | آ |
|
| 'Васлагьгун' | ٱ |
|
ХІарпазул вариантал
Лигатураби
Геминация
Нунация
Рагьарал гьаркьал
Къокъал рагьарал
Халатал рагьарал
Дифтонгал
Рагьарал гьоркьор риччай
ТІадеги хІарпал
Икълимиял вариантал
Жиндирго гурел хІарпал стандартияб гІараб мацІалда
ГІараб мацІалдаса батІиял мацІазда хІалтІизаби
Цифраби
ХІарпал цифраби хІисабалда
Тарих
ГІараб тІахьал кьабулел алатал
Компьютеризация
Юникод
Клавиатураби
ХІатІ лъазаби
Балагье гьединго
ХІужжаби
This article uses material from the Wikipedia Авар article ГӀараб алипба, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент рагьараб буго CC BY-SA 4.0 лицензиялда гъоркь, цогидаб бихьизабун гьечӀони. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Авар (DUHOCTRUNGQUOC.VN) is an independent company and has no affiliation with Wiki Foundation.