Xuegos Olímpicos De Londres 2012: XXX edición de los xuegos olímpicos de branu
Los Xuegos Olímpicos de Londres 2012, oficialmente conocíos como los Xuegos de la XXX Olimpiada, fueron un eventu multideportivu internacional, celebráu na ciudá de Londres, Reinu Xuníu, ente'l 27 de xunetu y el 12 d'agostu de 2012.
Nestos Xuegos, los terceros celebraos na capital británica, participaron un total de 10 568 atletes (5892 homes y 4676 muyeres) de 204 países.
Xuegos Olímpicos de Londres 2012 | ||||
|---|---|---|---|---|
 | ||||
| Xeneral | ||||
| Tipu de competición | Xuegos Olímpicos de branu | |||
| País | Reinu Xuníu | |||
| Organizador | Comité Organizador de los Juegos Olímpicos y Paralímpicos de Londres 2012 (es)  | |||
| Historia | ||||
| Desapaición | 12 d'agostu de 2012 | |||
| Competición | ||||
| Participantes | 204 estáu nos Xuegos Olímpicos 10 568 deportista | |||
| ||||
| Web oficial | ||||
 | ||||
El 27 de xunetu, la reina Sabela II inauguró los Xuegos Olímpicos a les 12:21 a.m. -hora llocal- mientres la ceremonia d'apertura —llamada orixinalmente «Islles of Wonder», y «Islles Maraviyoses» n'asturianu—. Sicasí, la fase de grupos del tornéu de fútbol femenín, empezó dos díes antes, el 25 de xunetu de 2012 nel Millennium Stadium de Cardiff.
El 6 de xunetu de 2005, mientres la 117ª Sesión del Comité Olímpicu Internacional celebrada en Singapur, la ciudá de Londres venció a París, Madrid, Nueva York y Moscú en cuatro rondes de votación. La candidatura de Londres foi dirixida por Sebastian Coe —presidente del Comité de Candidatura y posterior presidente del Comité Organizador— y Ken Livingstone —alcalde de la ciudá nesa dómina—.
Los Xuegos de Londres planeáronse pa crear sedes ya infraestructura d'una «manera sustentable». Amás de buscar la meyora y ampliación d'infraestructures urbanes y d'un real aprovechamientu d'instalaciones olímpiques, y sobremanera el tresformamientu y rexeneración —per mediu de la creación del Parque Olímpicu de Londres— del East End de Londres. Según usar los Xuegos en forma de catalizador pa la inclusión social y como concientizador avera del problema medioambiental.
Arabia Saudita, Qatar y Brunéi incluyeron nel so equipu —per vegada primera— atletes femenines, polo que Londres 2012 convirtióse na primer edición de los Xuegos Olímpicos na que participaron muyeres de toles delegaciones. Michael Phelps convirtióse nel atleta más condecoráu con seis medalles —cuatro oros y dos plates—, al igual qu'Estaos Xuníos con un total de 104. Incluyóse'l boxéu femenín per primer vegada, polo que nestos Xuegos les muyeres participaron en tolos deportes olímpicos.
Predecesor: Beixín 2008 | XXX Xuegos Olímpicos de Branu Londres 2012 | Socesor: Xuegos Olímpicos de Rio de Janeiro 2016 |
Referencies
Enllaces esternos
- Páxina web oficial (n'inglés)
Datos: Q8577
Multimedia: 2012 Summer Olympics
This article uses material from the Wikipedia Asturianu article Xuegos Olímpicos de Londres 2012, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.