Un trinéu ye un vehículu con esquíes o cuchielles en llugar de ruedes.
Utilízase como mediu de tresporte sobre superficies con baxu nivel de resfregón tales como nieve o xelu pero cualquier superficie esnidiosa ye afecha siempres que nun tea demasiáu seca. En dalgún casu, los cantares rodaos de ríu o'l sable amugáu, pueden ser una superficie apta pa poder esmucir los trineos.
Cola gravedá como única fuercia de propulsión, un trinéu tamién puede esmucise llomba embaxo como oxetu de diversión.
Los trineos pueden ser tiraos por animales, xeneralmente, caballos, mules, gües o Perros de trinéu perros. Tamién pueden ser emburriaos o tiraos por persones como neños nos sos xuegos o padres tirando de los sos fíos. Los trineos tiraos por humanos fueron medios de tresporte habituales nes espediciones d'esploración britániques a les rexones ártiques y antártiques nel sieglu XIX y empiezos del XX. Munchos otros utilizaron grupos de perros como, por casu, Roald Amundsen. Anguaño dellos viaxeros faen usu de cometes p'arremolcar trineos en diches llatitúes.
Nel Antiguu Exiptu utilizáronse trineos de madera pa tresportar diversos materiales sobre los templaos sables de los desiertos circundantes, moviendo, delles vegaes, pesaos y avolumaos oxetos, tales como estatues colosales. Pa facilitar el so desplazamientu, yera amugada l'arena antes del so pasu.
Perduren dellos exemplares descubiertos en tumbes; tamién en baxorrelieves y pintures de les sos edificaciones amuésense trinéu arrastraos por dellos grupos de trabayadores exipcios.
El descensu en trinéu ye un deporte olímpicu con trés variantes:
This article uses material from the Wikipedia Asturianu article Trinéu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.