Nueva Jersey

Asitiáu nel noreste del país, na rexón conocida como Mid-Atlantica (Atlánticu Mediu), ye una península arrodiada: al norte y l'este, pel estáu de Nueva York; al este, el sur y el sureste pel océanu Atlánticu; al oeste pel ríu Delaware y Pennsylvania; y pel estáu de Delaware y la bahía homónima al oeste. Ye'l cuartu más pequeñu, por estensión, del país, pero los sos 8.944.469 habitantes (U.S. Census Bureau, 2016) faen d'elli el decimoprimeru más pobláu del país y el de mayor densidá de población. Ye, amás, el tercer estáu con mayor ingresu mediu por hogar del país.

Nueva Jersey
Bandera de Nueva Jersey (es)
Alministración
País	Estaos Xuníos d'América
ISO 3166-2	US-NJ
Tipu d'entidá	Estaos d'Estaos Xuníos
Capital	Trenton
Gobernador de Nueva Jersey	Philip D. Murphy (es)
Nome llocal	State of New Jersey (en)
Llingües oficiales	inglés
División	ver condáu de Bergen, condáu d'Essex, condáu de Burlington, condáu de Hudson, condáu de Passaic, condáu de Sussex, condáu de Middlesex, condáu de Mercer, condáu de Cape May, condáu de Camden, condáu de Cumberland, condáu d'Atlantic, condáu de Morris, condáu de Somerset, condáu de Monmouth, condáu de Hunterdon, condáu d'Union, condáu de Gloucester, condáu de Warren, condáu d'Ocean y condáu de Salem
Xeografía
Coordenaes	40°00′N 74°30′W / 40°N 74.5°O / 40; -74.5
Superficie	22591.4 km²
Llenda con	Nueva York, Pennsylvania y Delaware
Puntu más altu	High Point (en)
Puntu más baxu	Océanu Atlánticu
Altitú media	75 m
Demografía
Población	9 288 994 hab. (1r abril 2020)
Densidá	411,17 hab/km²
Viviendes	3 272 054 (31 avientu 2020)
Más información
Estaya horaria	Horariu del este de Norteamérica, UTC−05:00 y America/New_York (es)
Fundación	18 avientu 1787
nj.gov

El territoriu de la península na que s'asienta Nueva Jersey foi habitáu por tribus natives americanes demientres más de 2.800 años. A entamos del sieglu XVII los holandeses y los suecos foron los primeros europeos que construyeron asentamientos nesti territoriu. Sicasí, posteriormente foi'l reinu d'Inglaterra el que se fizo col control del territoriu, nomándolo, n'alcordanza de la mayor de les islles de la Canal, Xerséi, provincia de New Jersey, y cediéndolu, como una colonia, a Sir George Carteret y John Berkeley.

L'estáu foi escenariu de delles batalles decisives na Revolución Americana que dio orixe a los Estaos Xuníos. Nel sieglu XIX, les fábriques instalaes nes ciudaes conocíes como Big Six (Camden, Paterson, Newark, Trenton, Jersey City y Elizabeth) ayudaron a dá-y puxu a la Revolución Industrial nel país. Na segunda metá del sieglu XX la posición estratéxica del estáu, nel centru de la megalópolis del Noreste, metanes Boston y New York City al noreste y Filadelfia, Baltimore y Washington D.C. al suroeste, emburrió'l so rápidu crecimientu y al desarrollu d'un acusáu procesu de suburbanización. A entamos del sieglu XXI esa suburbanización entamó a revertise de manes del asentamientu de grupos de población de base étnica, que ta favoreciendo un proceso de reurbanización, constatándose, dende 2008 un aumentu de población mayor nos nucleos urbanos averaos a les estaciones de ferrocarril que lleven a la xente a trabayar a les grandes ciudaes de la megalópolis que nos suburbios que desixen un usu intensivu del automóvil.