Les especies d'aves con nome común en llingua asturiana márquense como NOA.
En casu contrariu, conséñase'l nome científicu. L'águila pinta (Hieraaetus pennatus) ye una especie d'ave accipitriforme de la familia Accipitridae. Ye una ave de presa de medianu tamañu, presente na mayor parte d'Eurasia y África.
Hieraaetus pennatus águila pinta | ||
---|---|---|
Estáu de caltenimientu | ||
Esmolición menor (IUCN) | ||
Clasificación científica | ||
Reinu: | Animalia | |
Filu: | Chordata | |
Clas: | Aves | |
Orde: | Accipitriformes | |
Familia: | Accipitridae | |
Xéneru: | Hieraaetus | |
Especie: | H. pennatus (Gmelin, 1788) | |
Distribución | ||
Sinonimia | ||
| ||
Consultes | ||
[editar datos en Wikidata] |
Ye una ave de presa mediana d'ente 40 y 55 cm de llargu y 110-135 cm de valumbu. Los machos pesen 700 gramos y les femes 1 kg. Siendo con estes dimensiones l'águila más pequeña que s'atopa na Península Ibérica.
Paecer en tamañu y forma al busardo ratoneru, anque coles ales más anches, y un tipu de vuelu distintu.
Presenta dos fases de coloración:
Dambes fases tienen la cola per debaxo d'un color gris maciu. Nos sos partes cimeros son abondo más paecíes los dos fases, con un plumaxe de color marrón. En vuelu suelse reparar unes manches blanques nos sos costazos llamaes "lluces d'aterrizaxe", pero que nun son esclusives d'esta especie.
Foi descrita por Gmelin en 1788 como Falco pennatus; darréu, en 1844, Kaup describió'l xéneru Hieraaetus onde foi a la fin incluyida.
Dellos estudios clasificaron a tol xéneru Hieraaetus dientro del xéneru Aquila, anque otros autores siguen calteniendo'l xéneru, y la inclusión de l'águila calzada nel mesmu. La situación taxonómica d'esti grupu d'águiles inda precisa de más estudios pa resolvese.
Atópase pel sur d'Europa, África del Norte y Asia. Ye una ave migratoria que pasa los iviernos nel África subsaḥariana y sur d'Asia; anque nel suroeste de la Península Ibérica hai pequeñes poblaciones invernantes.
Habita nes zones forestales que tean entemecíes, como en mosaicu, con zones de carba y terrenes abiertos.
Realiza'l nial nun árbol, escasamente nun cortáu predresu. Xeneralmente escueye los exemplares más grandes.[ensin referencies] El nial suel tener una base con cañes grandes y recubiertu de fueyes de pinu. La puesta ye de 1 a 3 güevos, anque lo más común son dos. La incubación dura de 35 a 40 díes, y los pollos permanecen nel nial de 56 a 60 díes.
Aliméntase de fontes bien variaes, principalmente aves, pero tamién pequeños mamíferos, reptiles, páxaros ya inclusive invertebraos..
Wikispecies tien un artículu sobre Hieraaetus pennatus. |
This article uses material from the Wikipedia Asturianu article Hieraaetus pennatus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.