En taxonomía sinonimia refierse a la esistencia de más d'un nome científicu pa un mesmu taxón.
L'usu y la terminoloxía de los sinónimos son diferentes pa la Zooloxía y la Botánica.
De vezu, un mesmu taxón tien más d'un nome, lo que puede crear muncha confusión ente la comunidá científica. El Principiu d'autoridá que s'usaba enantes d'apaecer el Códigu Internacional de Nomenclatura Zoolóxica contribuyó a l'apaición de nomes ya'l so usu interesáu polos partidarios d'ésti o d'aquél zoólogu.
Tres apaecer el Códigu, tolos nomes científicos mándense del Principiu de prioridá según el cuál, el nome válidu d'un taxón ye'l sinónimu más antiguu. Tolos demás nomes d'esi taxón considérense sinónimos más modernos y nun tienen d'usase.
Nesti casu, un mesmu autor describió'l mesmu xéneru de lepidópteros árctidos dos veces con diferente nome; tien prioridá'l nome publicáu primero (Hypercompe), siendo Ecpantheria un sinónimu del anterior.
El siguiente exemplu nun ye exautamente una sinonimia:
Gmelin describió una especie d'ave y amestóla al xéneru Pelecanus (Pelecanus minor); más sero, otro autor consideró que minor pertenecía en realidá al xéneru Fregata, y subordinóla a ésti: Fregata minor (Gmelin, 1789); el nome del autor ente paréntesis quier indicar precisamente que Gmelin describió en 1789 esta especie, pero amestóla a un xéneru diferente; cabe destacar que Pelecanus nun ye sinónimu de Fregata; simplemente significa qu'ente les especies de Pelecanus anguaño nun s'incluye minor Gmelin, 1789. Pelecanus minor y Fregata minor son diferentes combinaciones del mesmu nome específicu.
This article uses material from the Wikipedia Asturianu article Sinonimia (bioloxía), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.