پاكيطا ݣورونيو

پاكيطا ݣورونيو
معلومات عامة
زيادة	5 نونبر 1913 مدريد (سپانيا)
لموت	22 غشت 2017 (103 عام) الرباط (لمغريب)
لجنسية	سپانيا
لحرفة	مناضل، Conseiller du roi و مساعدة شخصية
لّوغات لي كيعرف	صبليونية و لفرانساوية

كانت لكاتيبة لخاصة ديال لحسن تّاني، ؤ كانت معروفة ف لعاصيمة د لمغريب، ؤ تشهرات ب لقب "لعاشقة د رّباط".

تولدات ف مدريد ف 5 نونبر 1913 وسط فاميلة مرفحة، تربات ب لمبادئ لجمهورية ؤ لقيم ضد لإكليروس. ف دارهم، كانو كيتلاقاو بزاف د لمتقفين ؤ لفنانين، بحال طوماس بريطون ؤ بيسينطي بلاسكو إبانييز. جدها كان كيعجبو پابلو إݣليسياس پوس.

لجمهورية تّانية ؤ لحرب د صبانيا

فاش تعلنات لجمهورية تّانية، ف 1931، صافطوها واليديها تقرا ف باريز. ملي رجعات ل مدريد، خدماتها شاريكة ديال طيارات إبيريا، والاكين بدات لحرب لأهلية.

تصافطات فاميلتها ل بالينسيا. دخلات موراها ف لحيزب شّيوعي صّبليوني ؤ تلاقات ب دولوريس إباروري.

ب سباب ضغط ديال تّقدم لفرانكاوي، كان عليها تمشي ل برصلونة، موراها، ف يناير 1939، ف لوقيتة ديال ريتيرادا، مشات على رجليها ل لمنفى على طريق جبال لپيريني. تبعات مها ل پيرپينيان.

لجئات ف لمخيم د بولو، ؤ قررات تمشي ل لمغريب، ف رحلة خداتها ب لباطو من پور ڤوندر حتال وهران، منين لتاحقات ب رّباط.

لعيشة ف لمغريب

خدمات پاكيطا سكريتيرة ف لمدراسة لمولوية ف رّباط. ف 1956، ولات لكاتيبة لخاصة د لحسن تّاني، ف لوقيتة لي مازال كان فيها أمير، ؤ بقات مكملة ف لأنشطة ديالها د نضال ضد فرانكو. خرجات من لپوصط ديالها ف 1971.

توفات ف 2017، ؤ خلات دكرى ديال مرا ملتازمة ؤ محتارمة ف لمدينة لي تبناتها، فين كيلقبوها ب "لعاشقة د رّباط". تدفات ف لمقبارة د رّباط حدا مها.