لونطروپي (نّݣليزية: entropy) هي واحد لكونسيپط فالفيزيك لي كايعبر الطاقة لحرارية ديال شي سيستيم مقسومة على درجة لحرارة ديالو، لي مايمكنش ليها تّخدم ف جهد عندو فايدة (متلا يقدر يتحول ل طاقة حاراكية).
حيت هاد الجهد كيجي من لحاراكة لمنتاضمة ديال موليكيلات ف لكسدة، لمقدار ديال لونطروپي هوّ نيت عبار ديال لعشوائية و اللانضام ف السيستيم. هاد لكونسيپط تلونطروپي ستعملو لمرة اللولة لفيزيسيان لألماني رودولف كلاوسيوس ف 1850، و كان من أهم لإنجازات ديال لفيزيك د لقرن 19. تخدّم ف لبدية ف لپرانسيپ تاني د التيرموديناميك و من بعد بداو لأكاديميين ولباحثيين كايخدمو بيه فمجلات خرة بحال الشيمي، لفيزيك ستاتيستيك، بيولوجي... و زيد و زيد.
فالتيرموديناميك لپرانسيپ تاني كايقول بلي لونطروپي (لعشوائية) تشي سيستيم معزول كاتبقا غير ماكاتزاد معا لوقت.
لونطروپي كانرمزو ليها بلحرف اللاتيني S و لعبرة ديالها فسيستيم لعالمي تلعبرات هي: كيلوݣرام/(ميترو كاري x ثانية كاري x كيلڤين) ولا kg⋅m2⋅s−2⋅K−1
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article لونطروپي, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.