رئيس لوزارا
رئيس لوزارا ؤلا لوزير لّول هوّا شخص لي كيرأس لحوكومة ف شي بلاد، لي كاتكوّن من مجموعة د لوزارا، لي كيكون كلا واحد فيهوم مكلّف ب مهمة ؤلا مهام ف إطار لمؤسسات د دّولة.
هاد لمنصب كاتكون عندو سلطة د بصّح ف نيضام برلماني ؤلا نص برلماني. ب لموقابيل ف أنضيما خرة، بحال نّيضام رياسي، نّيضام نّص رياسي، ؤلا نّيضام لملكي، كيكون إما رئيس لوزارا ماعندوش صلاحيات كاملة (صّلاحيات لوخرة كاتكون عند رّايس ؤلا لماليك)، ؤلا ماكيكونش هاد لمنصب ڭاع، ؤ كيلعب دّور ديالو رّايس ؤلا لماليك براسهوم.
ف لعادة، باش ياخد رئيس لوزارا لمنصب ديالو، ؤلا باش يبقا محافض عليه، خاص تكون عندو لأغلبية ف لبرلمان (أولا علّاقل شّومبرة سّفلية د لبرلمان)، سوا نيشان من لحيزب ديالو، ؤلا ب خلق تحالفات معا أحزاب خرة.
وخا هاد لمنصب عندو ؤصول تاريخية قديمة، ب شّكل لعصري ديالو بان أول مرة ف فرانسا فاش لكاردينال أرمان جون دو ريشليو تعيّن رئيس لوزارا premier ministre ف 1624. ف نّڭليز زاد تطور هاد لمنصب فاش مابقاش لماليك كيحضر ل جتيماعات لوزارا باش يترأسها، ؤ ولّات هادي من لمهام ديال رئيس لوزارا.
عيون لكلام
 هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article رئيس لوزارا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.