O tadasawaliay no Satimolan Kitakit ko aro' nona pala,o Sipanya ko sa'ayaway a mi'eco tona kitakit, sa pangangan han no Sipanya to (Isla de Pascua),nikawrira, o (Rapa Nui) hananay no itinitiniay a Yuencumin, ono Ikilis i (Easter Island) hananay.O aro' nona kitakit i i sa'etip no Cili to 3600 tahira i 3700 kilo ko ra'ay,noni'ecoan ho no Cili a kitakit tahanini.
Itini tona polong no kitakita i hekal i o tadasamalayay ko kamaro'an no Rapa Nui, o samangataay a pala to iraay ko tamdaw a maro' a pala i o Pitoken Palaoalan, 2,075 kilo ko raay (ma'eden kinatolo mitaliyok to Taiwan) ,o tireng nona pala i mato o toloay a poko', sa o toloay a cilamalay tokos ko molotatirengan no na kitakit.
Itiyaho I 1722miheca o mikalicay to tamina a Olanta a tamdaw ko sa’ayaway a pakahera tona pala, toya romi’ad matatangaay to katapi’elalan nani mapatay ci Yiesu,sa pangangan han to Easter Island, nikawrira, imatini I to’or hananay to ko sowal no itinitiniay a Yuencuming to Rapa Nui.
Matiya o ‘Amis a tamdaw ira ko sowal nika awa ko tilid, saka ‘awaay ko mahapinangay a likisi no Rapa Nui.nikawrira, iraay ko cecay a kimad tahanini a mapakitoh,o ta’as nganra o kakita’an ci Hotu Matu’a hakelongen ningra ko fafahi ato wawa a mikalic to dodang a pahicera itini ton pala.
Itira I ngata no mi’ot’otan a fakeloh a tamdaw I ira a mahela no mikakinkiway a tamdaw ko kakafahekaan a kinis a sapad, pangang han to 「o somowalay a sapad」hananay,nikawrira, masakasak no citanengay a tamdaw.Na tayni ko mipatenakay to sowal ni Yiso a Yoropa a tamdaw I,todohen nangra kona 「somowalay a sapad」to sapipalasawadaw to tilid no RapaNui,tada malemed ira ko cecay a tamdaw tangsolen ningra ami’afas a misimed ko 25 a pecih nona sapad, kalasapaden no tamina a milaliw tayra I roma a pala a milimek,sa iraira aca a ma’osaw kona 25 a pecih a sapad,o tamaanay to a dafong to sapido’edoan a mikinkiw to rayray no ‘orip non apala. ona「somawalay a sapad」tosa a laya’ ko to’edaw,irawac nona sapad I mikiskisan to wadis no foting,anoca o adicaw a fokeloh ko sapito’to’ to masamaamaanay a tilid, ira ko foting,ira ko ‘ayam,ira ko rengoshdr sa’iwas, ira ho ko masalipaay,masapoko’ay a kinis,nikawrira, ona「somawalay a sapad」tahanini away ho ko malaheciay ko fana’ tona masamaamaanay a konis o maan ko nisowalan nira hokiya?
o pecih a tilid no to'asay no Rapa Nui konini.
This article uses material from the Wikipedia Pangcah article Easter iland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ano awa sa ko roma a sowal i, o CC BY-SA 4.0 sarocek a tilid ko sapipatorod tona maemin Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Pangcah (DUHOCTRUNGQUOC.VN) is an independent company and has no affiliation with Wiki Foundation.