Балыкчы (орустап Балыкча) јурт Россияда Алтай Республиканыҥ Улаган аймагында Чолушманныҥ јурт јеезезине кирип, оныҥ администрациялык тӧс јери болот.
Јурт | |
Балыкчы | |
---|---|
орустап Балыкчы | |
| |
HGЯO | |
Эл-тергее | Россия |
Федерацияныҥ субъекты | Алтай Республика |
Муниципал аймак | Улаган |
Јурт јеезе | Чолушпаныҥ |
Тӱӱкизи ле географиязы | |
Бийиги | 559 м |
Климады | орто-континентал |
Ойдиҥ поязы | UTC+7:00 |
Эл-јонныҥ тоозы | |
Эл-јонныҥ тоозы | ↗863 кижи (2016) |
Ук-калыктар | алтайлар 61 %, телеҥиттер 36 %(2002) |
Окылу тил | алтай, орус |
Тоолорлу идентификаторлор | |
Телефонныҥ коды | +7 38845 |
Почтаныҥ индекси | 649742 |
АТТК-ныҥ коды | 84230850001 |
МТТК-ныҥ коды | 84630450101 |
Номер в ГКГН | 0154062 |
| |
Медиафайлдар Викискладта |
Балыкчы орустап рыбак.
Јурт Алтай Республиканыҥ тӱштӱк-кӱнчыгыш келтейинде турат, Ак-Чолушпа ӧзӧктӧ, Башкуш сууныҥ сол јарадында, Алтын Кӧлдӧҥ ырак јок јерде турат. Чолышманныҥ суузы кӧлдиҥ тӱштӱк учына келип кирет, кӧлгӧ кирген суулардыҥ эҥ ле јааны. Эбире сӱреен кайыр, кӧп учар-сууларлу, каскак кырлар, ортозында чик јок јабыстай јерде, ыжык ла јылу ӧзӧктӧ, Улаган келтейинде јурттарга кӧрӧ канча катап јымжак. Мында јулукту агаштар ӧзӱп, тӱжӱм берет. Талайдыҥ кемјӱзинеҥ 559 метрге бийик.
Климады орто-континентал. Балыкчы јурттаҥ ырак јокто кӧлдиҥ јарадында Јайлу деп јуртта Алтай ичиниҥ эҥ јылу кыжы болот, кыш туркунына температура 10-ноҥ тӧмӧн тӱшпейт. Чолушман ичи база јылу јер. Тӱштӱктей Балыкчы Улаганныҥ јолында Кату-Јарык деп боочы бар. Кышкыда тӱндӱк аймактарга кӧрӧ тыҥ сооктор болот. Јакалай тӱндӱктиҥ ле Ырак кӱнчыгыштыҥ јерине тӱҥейлеген.
Кыш узун, тыҥ соокторлу, салкындарлу болот. Јай кыска, серӱӱн, кей кургак. Кейдиҥ ортојылдык кеми −1,1 °С, бир јылдыҥ туркунына эҥ ле бийик температура 34 °С, эҥ ле соок температура −58 °С, јердиҥ кыртыжыныҥ ортојылдык температуразы −3 °С, баштапкы сооктор келер кӱндер 30.05/01.09, Соок јок кӱндер 93, јут-чыктыҥ ортојылдык кеми 292 мм, салкынныҥ ортојылдык кеми — 1,6 м/с, 15 м/с-таҥ тыҥ салкынду кӱндер 3,2. Кар кышкыда узак јатпайт, салкын учура берет. Чолушман ичиниҥ айы-кӱни эмеш јымжак болот Улаган јаар јерлерге кӧрӧ.
Балыкчы климады јанынаҥ Алтайда ла Кӱнбадыш Сибирде эҥ јарамыкту јер. Ортојылдык температура мында +7,0 °C градустаҥ тӱшпейт,, Орус равнинада Харьков ло Саратов калалар киреде ортојылдык температуразына тӱҥей. Балыкчыда кейдиҥ ортокӱндик температуразы 0° градустаҥ јаскыда тулаан айдыҥ 25 кӱнинде бийиктейт, кӱскиде дезе — кӱчӱрген айдыҥ 2 кӱнинде. Јаантайын ла Чолышман ӧзӧкти тӧмӧн согор јылу салкын бар (орустап фён, «верховка») учун, Балыкчыда кейдиҥ ортојылдык температуразыныҥ кубулыжы тыҥ ла эмес (Цельсийле 66 градус), Керчь деп приморский каланыҥ климадына тӱҥей, мында Сибир ичинде континентал климаттыҥ тыҥ бийик эмези кӧрӱнет Керчьте ле чилеп Балыкчыда ортојылдык јут-чык тыҥ кӧп эмес: јыл ичинде јӱк ле 400 мм. Јылдыҥ кӧп јарымында мында айас, кургак, јылу кӱндер турат, бу анчада сад салары ла виноградарствого јарамыкту. Чаган айдыҥ орто температуразы: −8,1 °C, јаан изӱ айдыҥ: +18,1 °C. Ортојылдык јут-чыктыҥ кеми јаан эмес — 500 мм кире. Јылу салкындар (фён) јыл ичинде 150 кӱн согот, кар ас, ол тӱрген кайылып калат. Россияныҥ тӱштӱк европей јанынаҥ келген культуралар абрикос, виноград, алама, груша ла о.ӧ. акклиматизацияны јакшы ӧдӧт.
Тайгаларыныҥ јолы кату, откӱре кайыр кырлар, аҥ-куш јӱрер јарамыкту јерлер. Агас, јоонмойын, камду, какай, киш, койон, кумдус, кӧрӱк, момон, ӧркӧ, сарас, суузар, сыгырган, тарбаган, борсыктийиҥ, токтонок, тӱлкӱ, чычкан. Казыр, азулу аҥдар айу, шӱлӱзин, јеекен, бӧрӱ. Туйгактулары булан, марал, элик, тооргы. Алтай Республиканыҥ «Кызыл бичигине» киргендери маны, ирбис, камду, кочкор, тооргы. Кӧп барынтычы куштардыҥ тоозы кезем астаган боро ылаачын, шоҥкор, мӱркӱт, карчага ла ӱкӱ, мечиртке. Кӧп тоолу кӧлдӧр, балыгы астай берген. Је эмди улус кезик балыкты кӧлдӧрдӧ ӧскӱрип, садуга апарат пелядь ла форель. Јербойыныҥ балыктарынаҥ чабак, чараган, сӧлӧм, балбак баш, чаар, јылмай, чалык алдындага кӧрӧ ас туштайт.
Каскак бийик кырлары кайыр, агаштары тӱндӱк ле јанында ӧзӧт. Агаштардыҥ кӧп сабазы чет агаш, чиби, бийиктей мӧш, суујараттай тал. Чолушпа ичиле (Балыкчы, Кӧӧ, Кӧк-Паш, Беле јурттар) тӱштук јанын аймактыҥ тӱҥейлеп албазыҥ, не дезе, Алтын-Кӧл јаны, Чолушман ӧзӧктиҥ суузыныҥ коолы јымжак климатту, јӱзӱн ӧлӧҥдӧр, јиилектер, јулукту агаштар ла маала ажы јакшы ӧзӧт. Тӱштӱктей дезе талайдыҥ кемјӱзинеҥ канча катап бийик, соок, јер эрте ле тереҥ тоҥып калат. Кезем континентал айалгада ӧзӱмдердиҥ бӱдӱми астап јат, је ого коштой эндемик ӧзӱмдер база бар. Јулукту агаштар ол јодро, алама, груша, слива, беле. «Кызыл бичикке» кирген ӧзӱмдер база кӧп, олордыҥ ортозында алтын ла кызыл тазылдар.
Јуртта 11 ором: Алтын Кӧлдиҥ, Батырлардыҥ, Учарлу, Мешкелӱ, Оригинальный, Пароходный, Тӧс, Коммунарлардыҥ, Ачылманныҥ, Л. С. Арбанакованыҥ, С. А. Аскышевтиҥ.
Јуртка Чуйдыҥ трагынаҥ ала ..км, јолой Акташ—Улаган, Улаган-Балыкту Јул, Балыкту Јул-Балыкчы деп јурттардыҥ ортозында боочыларды ажып једер. Јол кату да, јеткерлӱ де. Јуртка Горно-Алтайсктаҥ Артыбашка једеле, кӧлди кечире кеме бе, катер бе таап, кӧлдиҥ тӱштӱк учына суула Кырсай деп јерге тӱжер. Оноҥ јараттай орык јолло јойу деремнеге једер, эмезе атту, эмезе кемелӱ Чолышманныҥ суузыныҥ агыны ӧрӧ јӱссе, јуртка једер арга бар. Кырсайдаҥ Балыкчыга јетире 8-10 км.
Балыкчы јурттаҥ ала ӧскӧ јурттарга јетире | |
Администрациялык тӧс јер Балыкчы | 0 км |
Аймактыҥ тӧс јери Улаган | 110 км |
Республикан тӧс кала Улалу | 530 км / 240 км |
Јаш-Тураныҥ темир јолыныҥ вокзалы | 620 км / 330 км |
Тергеениҥ тӧс калазы Москва | 4000 км |
Чуйдыҥ трагы (Р-256) 788,0 км-деҥ (Акташ) | 170 км |
Јурт 1929 јылда тӧзӧлгӧн.
Эл-јонныҥ тоозы | ||||||
---|---|---|---|---|---|---|
2010 | 2011 | 2012 | 2013 | 2014 | 2015 | 2016 |
795 | ↗796 | ↘782 | ↗792 | ↗803 | ↗849 | ↗863 |
Јуртта 2002 јылдыҥ тооалыжы аайынча 854 кижи болгон, олордыҥ 61 % алтайлар, 36 % телеҥиттер ла оноҥ до ӧскӧ укту улус болгон.
Окылу тил: орус, алтай.
Кажы ла биле таҥынаҥ ээлемдӱ. Јылкы мал, соок тумчукту, оок мал азыраары. Туризм.
Скобканыҥ ичинде кереестиҥ аҥылу темдек-тоозы кӧргӱзилген «Кереестердиҥ текши тоозы» деп бичикте.
This article uses material from the Wikipedia Алтай article Балыкчы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ӧскӧзи кӧргӱзилбеген болзо, контентти CC BY-SA 4.0 лицензияла эдинерге јарар. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Алтай (DUHOCTRUNGQUOC.VN) is an independent company and has no affiliation with Wiki Foundation.