E Rageete (vo italienisch rocchetta‚ was ud Düütsch «Spindle» heisst) isch e Flugkörper, wo mit eme Rückstoossadriib bewegt wird. Dr Brönnstoff isch im Innere vo der Regeete und cha unabhängig vom Suurstoff vo dusse abbrönne. So cha e Rageete au im luftleere Ruum beschlöinigt wärde.
Rageete wärde bsundrigs as milidäärischi Waffe, in dr Ruumfaart und as Füürwärkskörper iigsetzt. S erschte Mol isch e Rageete anne 1232 z China i d Luft gloo worde.
Dr Milidärtechniker Conrad Haas us Sibebürge het noch em iteliänische Wort rocchetta im Dütsche dr Begriff Rackette prägt.
Es git modärni Rageete, wo bewegti Ziil chönne verfolge, und deene säit mä au «Länkflugkörper». Im Gegesatz zu Gschoss, wo am Oort vo ihrem Abschuss in Bruchdäil vo Sekunde iiri höggsti Gschwindikäit überchömme und dänn uf ere ballistische Baan flüüge, häi Rageete langi Beschlöinigungsfaase. Eso isch iiri Belaschtig seer vil chliiner und si chönne liichter baut wärde.
Mä het Rageete i allne Gröössine bout, vo Füürwärksrageete bis zur riisige «Energija» oder zur «Saturn V», wo im Apollo-Programm – em bemannte Flug zum Mond – iigsetzt worde isch.
This article uses material from the Wikipedia Alemannisch article Rakete, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.