Morphin
Morphin, in dr Umgangssprooch hüfig Morphium, isch e Haupt-Alkaloid vom Opium und ghöört zu de Opiate bzw.
Opioide. Es wird in dr Medizin as äins vo de sterkste bekannte natüürlige Schmärzmiddel (Analgetikum) iigsetzt. Es isch s erste Alkaloid, wo in Reinform isoliert worden isch.
Vorkomme und Biosynthese
S Morphin wird us Opium, d. h. us em drochnete Milchsaft vom Schloofmoon (Papaver somniferum), gwunne. D Totalsynthese isch düür und liiferet nume chliini Usbütene – bi dr Fuchs-Synthese si s öbbe 10 %. D Usgangsstoff drfür si Phenylalanin und 4-Hydroxyphenyl-acetaldehyd. S Norcoclaurin isch e wichdigs Zwüschebrodukt. Über Reticulin wärde denn d Morphinan-Alkaloid bildet, wo s Morphin drzue ghöört.
Au Süüger chönne Morphin enzymatisch us L-Tyrosin und L-Dopa ufbaue.
Aawändig
Morphin wird zur Behandlig vo starke und sterkste Schmärze verwändet. Es git s in dr Form vo Retard-Kapsle und -Dablette, Bruusedablette, Dropfe, Retard-Granulat, Zäpfli, Pflaster und Injekzioonslöösige.
This article uses material from the Wikipedia Alemannisch article Morphin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.