Riley Reid

Juli">9. Jüüli 1991 z’ Loxahatchee, Florida) ìsch a àmerikànischa Pornodàrschtällera, -Filmamàchera, Erootikmodäll un Unternammera. Ìn da 2010er Joohra hàt za bii da bekànnteschta Pornodàrschtällerinna vu dr Walt gzehlt. Sa ìsch hàuiptsachlig ìn konwentionälla Pornofilma z’ sah, drunter àui ìn läsbischa Wark. Zu ìhra ärfolgriichschta Filma gheera Being Riley (2015) un I Am Riley (2019). Sa hàt zàhlriicha-n-Üsszaichnunga bikumma, wia unteràndrem 21 AVN Awards un 10 XBIZ Awards. Drzüa ìsch sa ànna 2021 ìn dr XRCO Hall of Fame uffgnumma worra.

Jugendsjoohra

D’ Ashley Mathews ìsch ànna 1991 z’ Loxahatchee bii Palm Beach ìm Florida-n-uff d’ Walt kumma. Sa hàt a villfaltiger ethnischer Hìntergrund: müattersitts schtàmmt d’ Groossmüatter üss’m Irlànd, Diitschlànd un Nììderlànd, un dr Groossvàtter üss da Ìndiànervälker Cherokee un Chickasaw. Ìhra Groossmüatter vàttersitts schtàmmt üss Puerto Rico un dr Dominikànischa Repüblik. Ìn ìhra Jugendsjoohra hàt d’ Mathews zamma mìt ìhrer Fàmìlia ìn mehrera Schtädt vu Florida glabt: z’ Tampa, Carol City, Miami un Fort Lauderdale. Sa hàt ain Joohr làng Seelakunda àn dr Internàzionààla Üniwärsitäät vum Florida gschtudiart, fìr Lehrerin wara. S’ Schtudium hàt sa üss finànziällem Grund müassa unterbracha. Fìr ìhra Schulda z’ruckzàhla hàt sa ìn’ma Schüahlààda gschàfft, un àui a pààr Moneeta làng àls Àbblättertanzera. Doo hàt ìhr a Kolleega-n-ämpfoohla, Pornodàrschtällera z’ wara.

äärschta Schrìtta ìn dr Pornoìndüschtrii

 

Ìhra Pornokàrriar hàt d’ Mathews ànna 2010 mìt 19 Joohra-n-ààgfànga. Sa hàt z’äärscht unter ìhrem Geburtsnamma gschpììlt. Ìhra äärschta Porno-Szääna-n-ìsch ìm Nowamber 2010 biim Schtüdio College Rules ärschììna; därt hàt sa d’ Rolla vun’ra Schtudanta gschpììlt, wo àn’ra Orgia mìtmàcht. D’rnooh hàt sa unter’m Nàmma Paige Riley (odd’r àlternàtiiv Riley Paige) gschpììlt. Ànna 2011 ìsch sa àls Naawadàrschtällera ìn da Folga 8 un 9 vu dr Seria In the VIP vu Reality Kings z’ sah gsìì, wu sa kää Säx ghàà hàt. Schpeeter hàt sa a Vertrààg bii dr Modäll-Àgantüür Mark Spiegel Agency unterzaichent. Ànna 2011 hàt sa àui ìm Eddie Powell siim Film Lollipop Girls un ìm Porno Dan siim New Girl In Town gschpììlt, wo weeniger Ärfolg ghàà hann. Ànna 2012 hàt sa zamma mìt’m Tommy Pistol a Szääna ìm Film Brand New Faces 36: Natural Newbies Edition vu Vivid Enterainment dräijt — doo ìsch sa zem äärschta Mol uff dr Schàkätta vu’ma DVD gsìì. D’ Szääna hàt a güata Kritik bikumma un dr Film ìsch ànna 2013 mìt’ma AVN Award üsszaichent worra. Ànna 2012 hàt d’ Riley d’ Rolla vu dr Gina ìn’ra Szääna-n-ìm Eddie Powell siim Film Friend Zone dräijt, wo-n-eewafàlls güata Kritik bikumma hàt. Dr Film ìsch fìr zàhlriicha Priisa nominiart worra.

Ìm Film Ultimate Fuck Toy: Riley Reid vum Jules Jordan hàt d’ Reid d’ Hàuiptrolla ìn àlla fìmf Szääna gschpììlt. Dr Film hàt sehr güata Kritik bikumma, bsunderscht fìr d’ Dräijer-Szääna zamma mìt dr Lily Lane un em Jules Jordan. D’ lätschta Szääna zamma mìt’m Voodoo-n-ìsch ànna 2013 fìr dr AVN Award vu dr „Bäschta Säx-Szääna zwìscha’ma Büa un ema Maidla“ nominiart worra.

Ànna 2012 hàt d’ Reid a läsbischa Szääna zamma mìt dr Ashley Jane un dr Leilani Leeanne ìm Harry Sparks siim Film Revenge of the Petites gschpììlt; fìr dia Szääna-n-ìsch sa ànna 2012 fìr dr Urban X Awards vu dr „Bäschta Dräijer-Szääna“ nominiart worra, so wia fìr dr AVN Award vu dr „Bäschta Gruppsäx-Szääna zwìscha Fràuija“ ànna 2013. Ìm Àwrìl 2012 ìsch sa ìm Film Slut Puppies 6 z’ sah gsìì. Ìn dr Szääna mìt’m Steve Holmes hàt sa d’ Rolla vu’ma Maidla gschpììlt, wo d’haim a Diitschlehrer ämpfàngt. Ìhr Ufftrìtt ìm Film hàt positiiwa Kritik bikumma.

Ìm Jüüni 2012 ìsch d’ Riley Reid vu dr Zittschrìft Adult Video News unter da zeh bäschta näija Pornodàrschtällerinna glischtet worra.

Mandingo Massacre 6 un äärschta Üüsszaichnunga

 

Ìm Gonzo-Film Mandingo Massacre 6 vum Jules Jordan hàt d’ Riley Reid ànna 2012 ìhra äärschta gmìscht-ethnischa Säxszääna dräijt, zamma mìt’m àfroàmerikànischa Dàrschtäller Mandingo. D’ Szääna hàt güata Kritik bikumma un ìsch mìt’m AVN Award 2014 fìr d’ „Bäschta Säx-Szääna zwìscha’ma Büa un ema Maidla“-n-üsszaichent worra. Bii dr gliicha Priisverlaihung ìsch sa àui ìn dr Kàtegorii „Bäschta Säx-Szääna zwìscha zwai Maidla“ üsszaichent worra, dàsmol fìr ìhra Ufftrìtt zamma mìt dr Remy LaCroix ìm Film Girl Fever vu März 2013. D’ Szääna hàt relàtiiv güata Kritika bikumma ghàà. Ìn dr Kàtegorii „Bäschta Dräijer-Szääna: Maidla/Maidla/Büa“ ìsch eewafàlls d’ Reid üsszaichent worra, dàsmol fìr ìhra Szääna mìt dr Remy LaCroix un em Manuel Ferrara ìm Film Remy 2 vu März 2013. D’ Szääna hàt eewafàlls relàtiiv positiiwa Kritik bikumma. Dr gsàmta Film ìsch àui fìr àndra Priisa nominiart worra, àwwer hàt sìe nìt gwunna. Bii da AVN Awards 2014 ìsch züadam d’ Reid fìr sììwa àndra Priisa nominiart worra, unteràndrem ìn da Kàtegoria „Bäschta Grupp-Säxszääna zwìscha Fràuija“ (fìr The Seduction of Riley Reid), „Bäschta Grupp-Säxszääna“ (fìr Manuel Ferrara's Reverse Gangbang) so wia àls „Bäschta Wiibliga Dàrschtällera vum Joohr“. Àls Bäschta Wiibliga Dàrschtällera-n-ìsch sa àui bii da XRCO Awards nominiart worra. Bii da AVN Awards ìsch àui dr Film Anikka 1 mehrmols üsszaichent worra, wu d’ Reid zamma mìt dr Anikka Albrite un em Manuel Ferrara z’ sah ìsch — d’ Reid salbscht ìsch àwwer fìrs Wark nìt nominiart worra.

Bii da XBIZ Awards 2014 ìsch d’ Reid dräimol üsszaichent worra. Fìr ìhra Ufftrìtt ìm Film The Submission Of Emma Marx (2013) hàt sa dr Priis vu dr „Bäschta Naawadàrschtällera“ bikumma, un fìr ìhr Mìtmàcha-n-àm Film Grease XXX: A Parody ìsch sa àls „Bäschta Pàrodii-Dàrschtällera“ üsszaichent worra. Üsserdam ìsch sa àls „Wiibliga Dàrschtällera vum Joohr“ kreent worra. Naawadràà ìsch ìhra Wark The Seduction of Riley Reid àls „Bäschter Läsbischer Film vum Joohr“ üsszaichent worra.

Ànna 2015 hàt d’ Reid wìchtiga Priisanominiarunga bikumma, ìsch àwwer nìt üsszaichent worra. Bii da AVN Awards 2015 ìsch sa fìr ìhra Ufftrìtt ìm Film Sweet Petite ìn da Kàtegoria „Bäschta Säx-Szääna zwìscha’ma Büa un ema Maidla“ un „Bäschta Solo/Àbblätter-Ufffiahrung“ nominiart worra; d’rzüa ìsch sa fìr ìhr Schpììl ìn Cum Crossfire fìr d’ „Bäschta Orààl-Säxszääna“ nominiart worra — dr Film salbscht hàt a Nominiarung àls „Bäschta Orààl-Üssgààb“ bikumma. Mìt’m Ufftrìtt ìm Film Oil Overload 11 hàt sa ìhra zwaita AVN-Nominiarung ìn dr Kàtegorii „Bäschta Dräijer-Szääna: Maidla/Maidla/Büa“ ghàà. Üsserdam ìsch d’ Reid àls „Bäschta Wiibliga Dàrschtällera“, wia àui fìr dr Ààhanger-Priis vu dr „Wiibliga Liablìngs-Pornoschtar“, nominiart worra. Bii dr XBIZ-Priisverlaihung vum gliicha Joohr hàt d’ Reid viar Nominiarunga gsìchert, drunter zem zwaita Mol ìn dr Kàtegorii „Bäschta Wiibliga Dàrschtällera vum Joohr“. Mìt ìhrer Rolla ìm Film Lollipop (2013) ìsch sa zem zwaita Mol àls „Bäschta Naawadàrschtällera“ nominiart worra – ìnsgsàmt hàt dr Film sììwa Priisanominiarunga bikumma. Àui bii da XRCO Awards 2015 hàt d’ Reid ìhra zwaita Nominiarung àls „Bäschta Wiibliga Dàrschtällera vum Joohr“ bikumma.

Ànna 2013 d’ àmerikànischa Zittschrìft LA Weekly d’ Riley Reid ärwäähnt unter da „10 Pornoschtar, wo d’ nachschta Jenna Jameson känna wara“. Ànna 2014, 2015 un 2016 ìsch d’ Reid vum Farnsahsander CNBC unter da „bediitendschta Pornoschtar“ glischtet worra.

2015–2017 : Being Riley un The Submission of Emma Marx

D’ Riley Reid uff dr AVN Expo ànna 2015 un 2016

Ànna 2015 ìsch dr Gonzo-Film Being Riley ärschììna; ’s ìsch ìn dr Reid ain vun ìhra wìchtigschta Wark. Ìm Film hàt sa mìt’m Mick Blue ìhra äärschta Ànal-Szääna un zamma mìt’m Erik Everhard un em James Deen ìhra äärschta Doppelpenetràzioons-Szääna dräijt. Dr Film hàt säcks wìchtiga Priisa bikumma, drunter fìmf AVN Awards. Baida Szääna sìnn ànna 2016 mìt AVN Awards ìn ìhra jewiiliga Kàtegoria-n-üüszaichent worra („Bäschta Ànal-Säxszääna“ un „Bäschta Doppelpenetràzioonsszääna“). Ìm Film ìsch àui a läsbischa Szääna zamma mìt dr Aidra Fox, wo-n-eewafàlls bii da AVN Awards üüsszaichent worra-n-ìsch.

Ìm gliicha Joohr hàt d’ Reid a Szääna zamma mìt’m Toni Ribas ìm Film Bush 4 vum Pat Myne dräijt; ìhr Àbblätter ìsch fìr a AVN Award nominiart worra. Üsserdam ìsch sa ìm Film Prince the Punisher z’ sah gsìì, wu sa a Grupp-Säxszääna zamma mìt’m Prince Yahshua un viar àndra Fràuija gschpììlt hàt. Dr Film ìsch fìr zwai Priisa nominiart worra: fìr d’ AVN Awards 2016 àls „Bäschta Gruppsäx-Szääna“ un fìr a XBIZ Award àls „Bäschta Szääna ìn’ma Gonzo-Film“. Sa hàt àui a àui ìm Greg Lansky siim Film Carter Cruise: Obsession a Dräijer-Szääna zamma mìt dr Carter Cruise un em Rob Piper gschpììlt, wo-n-a güata Kritik bikumma hàt. Dr Film ìsch bii da XBIZ Awards 2016 àls „Bäscht Gmìscht-Ethnisch Wark vum Joohr“ üüsszaichent worra. Ìm Hornung 2015 ìsch d’ Reid ìm BDSM-Film The Submission of Emma Marx 2: Boundaries ufftratta. Dr Film hàt zàhlriicha Priisa gwunna, un fìr ìhra Rolla-n-ìsch d’ Reid bii da XBIZ Awards 2016 àls „Bäschta Naawadàrschtällera“-n-üsszaichent worra.

Ìm Septamber 2015 ìsch d’ Reid ìn a gmìscht-ethnischa Szääna-n-ìm Film Interracial Ambush zamma mìt’m Jon Jon un em Moe Johnson z’ sah gsìì. D’ Szääna ìsch vu da Kritiker globt worra; d’rzüa ìsch sa bii da AVN Awards 2016 àls „Bäschta Dräijer-Szääna zwìscha zwai Büa un ema Maidla“ nominiart worra. Ìm Nowamber 2015 ìsch dr Film Hot Chicks Big Fangs 2 bii Digital Playground ärschììna, wu d’ Reid a Orgia-Szääna zamma mìt fìmf àndra Dàrschtällerinna gschpììlt hàt. D’ Szääna hàt gmìschta Kritik bikumma, àwwer dr Film hàt mehrera Nominiarunga fìr verschììdana Priisa bikumma. Ìm Film Saving Humanity (2015) hàt d’ Reid àn zwai Szääna mìtgmàcht. Bii da XBIZ Awards 2016 ìsch ìhra Szääna mìt’m Anthony Rosano àls „Bäschta Szääna ìn’ma Schpììlfilm“ nominiart worra, un ìhra Gruppsäx-Szääna àls „Bäschta Szääna ìn’ma Gonzo-Film“. Witterscht hàt d’ Reid bii da XRCO Awards 2016 ìhra drìtta Nominiarunga àls „Wiibliga Dàrschtällera vum Joohr“ ghàà.

Ìm Janner 2016 hàt s’ Unternamma Fleshlight ìn Pàrtnerschàft mìt’m Pornoschtüdio Tushy zwai Säxschpìelziggla-n-uff dr Màrkt gbrocht, wo nooh da Glachtstaila vu dr Riley Reid gschtàlta sìnn. Baida Schpììlziggla hann güata Kritik bikumma un hann bii da maischtverkàuifta Fleshlight-Produkta gzehlt. Ìm Àwrìl 2016 ìsch d’ Reid ìm Film Dirty Daniels ìn’ra läsbischa Dräijer-Szääna zamma mìt dr Dani Daniels un dr Skin Diamond z’ sah gsìì. D’ Szääna ìsch bii da AVN Awards 2017 àls „Bäschta läsbischa Orgia-Säxszääna“ nominiart worra, wahrend àss dr Film a Nominiarung bii da XBIZ Awards ìn dr Kàtegorii „Performer Showcase of the Year“ bikumma hàt. Ìm Film Missing: a Lesbian Crime Story (2016) hàt d’ Ried fìmf wittera läsbischa Szääna dräijt. Ìhra Laischtung mìt dr Reena Sky ìsch bii da AVN Awards 2017 àls „Bäschta Säx-Szääna zwìscha zwai Maidla“ nominiart worra. Fìr d’ Reid ìsch dr Film fàscht a Showcase gsìì; ìhra Laischtung ìsch vu da Kritiker güat gnumma worra. Dr Film salbscht hàt zàhlriicha wittera Nominiarunga bikumma, àwwer hàt kää Priis gwunna. Witterscht hàt d’ Reid ìm Film Sibling Rivalry 1 àn’ra Szääna zamma mìt dr Melissa Moore un em Keiran Lee mìtgmàcht; dia Szääna ìsch bii da AVN Awards 2017 àls „Bäschta Dräijer-Szääna“ nominiart worra. Ìn dara Kàtegorii ìsch àui ìhra Szääna zamma mìt’m Ryan McLane un em Ryan Ryder ìm Film Riley Reid Overexposed nominiart worra. Fìr ìhra gànza Laischtung ìm Joohr 2016 ìsch d’ Reid bii da AVN Awards 2017 un da XBIZ Awards 2017 àls „Wiibliga Dàrschtällera vum Joohr“ nominiart worra. D’ Priisverlaihung vu da AVN Awards z’ Paradise ìm Nevada ìm Janner 2017 hàt d’ Reid salbscht zamma mìt dr Cam-Girl Aspen Rae moderiart. Üsserdam ìsch d’ Reid ìn The Submission of Emma Marx: Exposed z’ sah gsìì. Dr Fìlm ìsch bii da AVN Awards fìmffàch üsszaichent worra, àwwer d’ Reid salbscht hàt kää Priis gwunna.

Ìm Septamber 2017 hàt d’ Reid ìm Film The Submission of Emma Marx: Evolved d’ Rolla vu dr Nadia ìwwernumma. Doo ìsch sa zamma mìt’m Van Wylde ìn’ra Szääna z’ sah. D’ Szääna hàt bii da XBIZ Awards 2018 a Nominiarung ìn dr Kàtegorii „Bäschta Säx-Szääna ìn’ma Schpììlfilm“ bikumma; üsserdam ìsch d’ Reid fìr ìhra Rolla ìm Film nochamol àls „Bäschta Wiibliga Naawadàrschtällera“ nominiart worra — ìhra Laischtung hàt sehr güata Kritik ghàà. Üsserdam ìsch dr Film bii da XRCO Awards àls „Bäscht Wark“ üsszaichent worra. Fìr ìhra gànza Laischtung ìm Joohr 2017 ìsch d’ Reid nochamol bii da AVN Awards un da XBIZ Awards 2018 àls „Wiibliga Dàrschtällera vum Joohr“ nominiart worra. Üssedam hàt sa vììl àndra Nominiarunga bii dana Verlaihunga ghàà, àwwer hàt kää Priis gwunna.

Ìm Oktoower 2017 ìsch d’ Reid àls „Vixen Angel“ vum Moneet vu dr Erootik-Websitta Vixen ärnännt worra.

2018–2019: wittera Filma un I Am Riley

Ànna 2018 ìsch d’ Reid ìn wittera Filma-n-ufftratta. Fìr ìhra Mìtmàcha-n-àm Film Cursed XXX ìsch sa bii da XBIZ Awards 2019 àls „Bäschta Dàrschtällera ìn’ma Schpììlfilm“ nominiart worra — dr Film salbscht hàt zàhlriicha wittera Nominiarunga ghàà. Ìhra Szääna zamma mìt dr Angela White un em Tommy Gunn ìm Film New Year's Lay ìsch bii da XBIZ Awards àls „Bäschta Säx-Szääna ìn wirtüäller Reàlitäät“ nominiart worra. Üsserdam ìsch sa bii da AVN Awards so wia bii da XBIZ Awards nochamol àls „Wiibliga Dàrschtällera vum Joohr“ nominiart worra — dia Priisa hàt sa nìt gwunna. Sa hàt jedoch bii da AVN Awards dr Ààhanger-Priis vum „Schtar uff da Soziààla Nätzwark“ bikumma.

Ìm Oktoower 2019 ìsch d’ Reid zem äärschta Mol àls Nàcktmodäll ìn dr àmerikànischa Zittschrìft Playboy z’ sah gsìì. Ìm Nowamber 2019 ìsch dr Film I Am Riley ärschììna, wo Tail vu dr bekànnta Filmseria I Am ... vum Schtüdio Evil Angel ìsch. ’S ìsch a Belehrfilm mìt mehrera Hardcore-Szääna, wu jeedsmol d’ Reid àls Hàuiptdàrschtällera z’ sah ìsch. D’ äärschta Szääna hàt d’ Reid salbscht regiart. Fìr dr Film färdra-n-ìsch a Warbungkàmpània mìt groossa Plàkààta-n-uff dr Schtrooss ìn berìhamta-n-Orta gsìì, wia-n-uff Times Squares z’ Näi York. Dr Film hann d’ Kritiker globt. S’ Wark ìsch ànna 2020 mehrmols üüsszaichent worra: ’s hàt zwai XBIZ Awards gwunna, wia àui zwai AVN Awards un a XCritic Award.

bii ReidMyLips.com un Onlyfans

Ums Joohr 2015 hàt d’ Riley Reid ìhra Pornowebsitta ReidMyLips.com grìnda, wu sa ìhra aigena Ainzelszääna veräffentligt. Uff dr Websitta sìnn hàuiptsachlig Solo- un läsbischa Szääna z’ fìnda. Ànna 2019 ìsch därt d’ Szääna Human ärschììna, wu d’ Reid zamma mìt dr transsäxüälla Dàrschtällera Natalie Mars gschpììlt hàt; ’s ìsch ìhra äärschta Trans-Szääna gsìì. Ànna 2020 ìsch dia Szääna fìr dr AVN Award vu dr „Bäschta Transsäxüälla Ains-zu-Ains Säx-Szääna“ nominiart worra. Ànna 2019 un 2020 ìsch uff ReidMyLips.com d’ Pornoseria Sluts in Stockings ärschììna mìt fìmf Folga. Zwai drvu sìnn fìr d’ AVN Awards nominiart worra: z’äärscht d’ zwaita Folga ànna 2020 fìr d’ „Bäschta Dräijer-Szääna zwìscha zwai Maidla un ema Büa“, un drnooh d’ drìtta Folga fìr d’ „Bäschta Säx-Szääna zwìscha’ma Büa un ema Maidla“ ànna 2021. Àui ìhra Ufftrìtta ìn da Szääna Birthday Wish (2017), Killer Blowjobs (2017), New Year’s Kiss (2017), Love Spell (2018), Space Sluts (2018), Roller Girls (2019), Girl’s Day (2019) un Lethal Lust 2 (2020) sìnn fìr a AVN Award nominiart worra. Ànna 2020 hàt d’ Reid ìhra Websitta loo umschtàlta un hàt a Warbungkàmània-n-iigfiahrt. Ärschtällt worra-n-ìsch d’ Websitta dur d’ kàlifornischa Gsällschàft Elevated X.

Sitter dr Äffnung vum Soziààla Nätzwark OnlyFans àm And vum Joohr 2010 hàt d’ Reid noh z’ noh a waasentliger Tail vun ìhra-n-Àktiwitääta därt verlààgert. Ànna 2021 ìsch sa aina vu da Inhàltärschtällera gsìì, wo maischt Gald verdiant hàt. Ìm Àuigscht 2021 hàt ìhra OnlyFans-Konto mehr àss 1.5 Millioona-n-Àbonnanta ghàà, un jeeder Àbonnant hàt d’rfìr moneetlig 25 US-Dollar müassa bezàhla.

Ànna 2021 hàt d’ Reid ìhra aigena Berootungsunternamma grìnda, wo ìn da Erotikmodälla mìt ìhra Schtràtegii uff da soziààla Nätzwark — bsunderscht uff OnlyFans — hìlft.

Ìm Àwrìl 2021 hàt sìch d’ Riley Reid mìt’m litauischa Parkour-Ränner Pasha Petkuns verlobt. Ìm Jüüni 2021 hàt sa ’na ghiiroota. S’ Pààr labt ìm Viartel Linda Vista z’ Pasadena grààd neerdlig vu Los Angeles, ìn’ra modärna Villa, wo d’ Reid fìr 4,8 Millioona Dollar kàuift hàt. Vorhar hàt d’ Reid ìm San Gabriel Valley bii Los Angeles glabt.

Wahrem greeschta Tail vun ìhrer Pornokàrriar ìsch d’ Reid leedig gsìì. Sa hàt mehrmols ìwwer ìhra Schwiarigkaita grädd, sii Laawa-n-àls Säxàrwaitera mìt dr Meegligkait z’ verbìnda, làngfrìschtiga Liawesbeziihunga z’ bàuia. Sa hàt àui zittawiis gschpànnta Beziihunga zu ìhra Äältra un Gschwìschter ghàà, wial sa ìhra Berüafswàhl un ìhra-n-Ààsìchta nìt ààgnumma hann. Sa bedüürt, àss vììla Litt sìe àls Mänsch un ìhr Rollaschpììl vor àn dr Kàmerà nìt unterschaida. Wagadam maint sa, àss a Fràui a schtàrka Salbschtwartgfüühl soll hàà, fìr ìn dr Pornoìndüschtrii schàffa. Ànna 2016 hàt sa a Videoblog uff YouTube gäffnet, wo-n-ìm Jüüli 2022 mehr àss 300.000 Àbonnannta ghàà hàt. D’ Reid salbscht lüagt Pornogràfii ìn Zaichentrickform.

D’ Riley Reid ìsch gottloos. Wia vììla àmerikànischa Pornodàrschtäller*na ràuicht sa Marihuana — sitter 2018 ìsch’s legààl ìm Kàlifornia. Sa hàt behàuipta, àss dàs ìhr ghulfa hàt, ìhra Enärgii liichter z’ kontrolliara. Uff ìhra Rucka-n-ìsch a Hüütmoolaräi mìt da kineesischa Schrìftzaicha fìr dr Sàtz „Wänn s’ Laawa dir Zitroona gìtt, màch Limonààda drüss“. Dàs versìnnbildligt ìhra Mainung, àss maa-n-àui Schwiarigkaita ìn äbbis Positiiv kààt umwàndla. Dr Täkscht ìsch a Zitààt üss ìm Dale Carnegie siim Büach How to Stop Worrying and Start Living. D’ Reid hàt gsajt, àss sa kää Scheenhaitsoperàzioon ghàà hàt, un nìa aina wìrd hàà. Ìn ìhra Àuiga-n-ìsch Pärseenligkait wìchtiger àls üüssera-n-Ärschiinungsbìld.

Àn dr àmerikànischa Presidàntschàftswàhl vu 2020 hàt d’ Reid dr Joe Biden geega dr Donald Trump unterschtìtzt.

• 2012: NightMoves Award – Best New Starlet (Editor’s Choice)
• 2013: Sex Award – Porn’s Perfect Girl/Girl Screen Couple (zamma mìt dr Remy LaCroix)
• 2013: XBIZ Award – Best New Starlet
• 2014: AVN Award – Best Boy/Girl Sex Scene (zamma mìt’m), ìn Mandingo Massacre 6
• 2014: AVN Award – Best Girl/Girl Sex Scene (zamma mìt dr Remy LaCroix)
• 2014: AVN Award – Best Three-Way Sex Scene – Girl/Girl/Boy (zamma mìt dr Remy LaCroix un em Manuel Ferrara)
• 2014: XBIZ Award – Female Performer of the Year
• 2014: XBIZ Award – Best Actress – Parody Release
• 2014: XBIZ Award – Best Supporting Actress
• 2016: AVN Award – Female Performer of the Year
• 2016: AVN Award – Fan Award: Favorite Female Porn Star
• 2016: AVN Award – Fan Award: Social Media Star
• 2016: AVN Award – Best Girl/Girl Sex Scene, (ìn Being Riley)
• 2016: AVN Award – Best Anal Sex Scene, (ìn Being Riley)
• 2016: AVN Award – Best Double Penetration Sex Scene, (ìn Being Riley)
• 2016: XBIZ Award – Best Supporting Actress, (ìn „The Submission of Emma Marx 2: Boundaries“)
• 2016: XBIZ Award – Best Scene – Couples-Themed Release, (ìn My Sinful Life)
• 2017: AVN Award – Fan Award – Favorite Female Performer
• 2020: AVN Award – Best All-Girl Group Scene (I Am Riley mìt dr Angela White un dr Katrina Jade)
• 2020: PornHub Award – Most Popular Female Performer by Women
• 2021: XRCO Award – Hall of Fame
• 2022: PornHub Awards – Most Popular Female Performer

• Amy Stone: Riley Reid – Award Winning Pornstar & Model. In: XXXBios. Abgruefen am 6. Juli 2022 (amerikanischs Änglisch). 
• Eric Weinstein: 21: Ashley Mathews (aka Riley Reid) - The mogul and brains behind America's Sweetheart. In: Podcasts.nu. 1. Februar 2020, abgruefen am 3. Juli 2021 (amerikanischs Änglisch).  (Unterhàltung uff YouTube)
• Dan Miller: Riley Reid On Fame, Memes and Going Mainstream. In: Adult Video News. AVN Media Network, 21. Februar 2019, abgruefen am 12. Juli 2022 (amerikanischs Änglisch). 
• Dee Nasty: How One Porn Star Deals with Internet Hate | Just the Tips. In: Vice. 2019, abgruefen am 7. Juli 2022 (amerikanischs Änglisch). 

  Commons: Riley Reid – Sammlig vo Multimediadateie

• Riley Reid in dr Internet Movie Database
• Riley Reid bii The Movie Database (anglisch)
• Riley Reid in dr Internet Adult Film Database (änglisch)
• Riley Reid in dr Adult Film Database (änglisch)
• Ìn dr Riley Reid ìhra offiziälla Websitta (àmerikànisch Anglisch)

àllgmainlig

Filmkritika