Dr Niklaus Leodegar Franz Ignaz vo Bachmann (* 27.
März">27. Merz 1740 z Näfels; † 11. Februar 1831 ebenda) isch e Schwiizer General gsi.
Dr Bachma isch 1756 in dr französisch Solddienst iidrätte und isch bis zum Oberst ufgstiige und zum Generalmajor in sardinisch-piemontesische Dienst. Er het gege s revolutionäre Frankriich kämpft und isch as Chriegsgfangene in d Schwiiz zruggcho. Die Helvetischi Regierig het en under Huusarrest gstellt, denn isch er in östriichische und änglische Dienst gstande und het mit andere Schwiizer Emigrante gege d Franzose kämpft. Im Stäcklichrieg 1802 isch er Befählshaber vo de föderalistische Druppe gsi, wo dr Helvetik en Änd gmacht hai. 1815, wo dr Napoleon vo Elba zruggcho isch, het en d Dagsatzig zum General gwehlt. Dr Bachma isch as einzige Schwiizer Armeefüehrer in dr neuere Gschicht in fremds Territorium iidrunge. Dä sinnlosi Fäldzug isch eländ gschiiteret; s Schwiizer Armeewäse isch am e Diefpunggt acho.
Dr Niklaus Franz vo Bachma het die rote Armbinde mit em wiisse Schwiizerchrüz iigfüehrt, wo sit em Spootmittelalter in Vergässeheit grooten isch. Si Brueder isch dr Karl Josef Anton Leodegar vo Bachma gsi, wo 1792 z Paris s Palais des Tuileries verteidigt hette und denn guillotiniert worden isch.
Dä Artikel basiert uff ere fräie Übersetzig vu dere Version vum Artikel „Niklaus_Franz_von_Bachmann“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Niklaus Franz von Bachmann, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.