Wiki مَزِروني
آرسن کوتزویف (آسی جه: Коцойты Арсен) اتا اوسِتیایی مولف و بنویشته‌کر بی‌یه که روسیه امپراتوری دله دنیا بمو‌ئه. وه اتا از بنیانگذارئون آسی زوون نثر و از کسونی هسّه کا جدید آسی زوون شکل بئی‌تِن خله تاثیر داشته. وه یتا از شناساترین آسی تنک‌کرئون بی‌یه.
کوتزویف اتا فقیر خونواده‌‌ی جه و جیزل نوم روستای دله که ولادی‌کفکاز پلی دره بزائه بیّه. ونه سن کا ۹ سال برسی‌یه وره شه روستای مدرسه نوم بنویشتنه. وه اونجه که دیّه ات خله کتاب پیدا هاکرده که ونه آموجش و سواد وسه خله خار بی‌یه. مدرسه تموم بیه په وه بورده مسیحی ارتدکس حوزه علمیه‌‌یِ أردُن درس بخوندسّه اما اون گدر مریضی بیته و مجبور بیبه کا حوزه جا بوره. وه پئی هاکرده شه روستا و اونجه شروع هاکرده شمالی کفکاز روزنومهئون وسه بنویشتن. وه شه روستای مدرسه معلم هم بیّه. ۱۹۰۲ دله و شه روستای شورش ره ملحق بیّه و همینسه وره اون منطقه جا اخراج هاکردنه. وه تصمیم بیته بوره جنوبی قفقاز، وه اونجه شه معلمی کار ره ادامه هدا و مقاله و کچیک آسنی نویشته.
۱۹۱۰ سال وه گورجستون تفلیس شهر دله، شروع هاکرده اتا مجله تنکر هاکردن کا ونه نوم ره بی‌یشته Æфсир کا ونه معنی بونه گوش یا گنّمِ گوش. اینتا روزنومه فقط ۱۴ کَش بنویشته تنک هاکرده اما همین کچک تعداد جا خله گت تاثیر آسی ادب و روزنومه بنویشتن سر داشته. ۱۹۱۲ سال دله کوتزویف شه کوچ ره بورده سنت پترزبورگ، وه اونجه خله جاها کار هاکرده، بستینکلا ولادیمیر لنین معروف روزنومه "پرادا". وه با اینکه روستایی وچه بی‌یه، ونه انده روسی زوون ره خار دونسّه که روسی زوون روزنومهئون وسه نمونه خونی هاکنه. روسیه ۱۹۱۷ انقلاب په، کوتزویف شهرت ویشتر بیّه. وه روزنومهئون و مجله‌ئون وسه نویشته ، و آموجش و درس بخونسّن مرتبط موضوعات دله کار کرده...
امروز چارشمبه، ۸ مه ۲۰۲۴ میلادی برابر ۱۵ ده ما ۱۵۳۵ تبری هسته.
امروز:
- ۱۵۲۵ - شهر ِرم ِغارت په، آلمان و ایسپانیا جه، رنسانس دوره ایتالیا دله تموم بیّه.
- ۱۷۹۴ - آنتوان لاوازیه (عکس دله)، ترنه شیمی ِپییِر ره پادشائی ِحمایت ِجرم جه فرانسه‌ی انقلاب ِدادگاه گردن بزوئه.
- ۱۸۸۶ - جان پمبرتون، آمریکایی دِواشناس، ات‌تی بخاردنی به نوم ِکوکاکولا بساته.
- ۱۹۴۵ - نازی آلمان جهونی جنگ دوم ره رسماً تموم هاکرده.
- قطر، امارات، عمان و این کشورون وَرون دیم ره شلاب بوارسته و فارس دریومونای لاهیز اقلا ۳۳ نفر ره بکوشته.
- ایران، اسراییل وری ات‌خله موشک کپتل هاکرده که گنه جواب حمله‌ای بی‌یه که وشون ایران کنسولگری ره سوریه دله بزو بینه. (عکس ونه خَوری شنه)
- خربئیتی ۸ آوریل آمریکا قاره دله.
- اوپنهایمر فیلم اوسکار مراسم دله هفت‌تا بخش ِجایزه ره بَوِرده.
- عمران خان که پاکستون نخست‌وزیر بی‌یه ره دمبدانه زندون و انتخابات برگزار هاکردنه که شهباز شریف اتا ائتلافِ پشتی، ونه جا ره بیته.
This article uses material from the Wikipedia مَزِروني article گت صفحه, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.