عمران خان
عِمران خان که ونه اصلی نوم عِمران خان نِیازی هسته، (بزائه ۲۵ نوامبر ۱۹۵۲ ) اتا پاکستونی سیاستمدار هسته که سابقاً اتا معروف کریکت‌کاکَر (=بازیکن) هم بی‌یه.
وه دِ دَهه‌ی ِآخر ِقرن بیستم میلادی کریکت ره جهونی سطح دله دِمبال کارده و بازنشسته بَیّه په، بورده سیاست دَرون. وه ضمن اینکه سیاسی‌کارون ره دِمبال کانده، حقوق بشر ِفعالون جه هسته، کریکت ره تفسیر کانده، بردفورد ِدانشگای ِرئیس هسته و اتا بیمارستون و تحقیقاتی مرکز هم بساته.
عمران خان 
 | ||||||||||||||||||||||||||||||||||
وه کریکت سَره پاکستون ِموفق‌ترین ِکاپیتان‌ها جه بی‌یه، وه سال ۱۹۹۲ کریکت ِجهونی جام دله قهرمون بَیّه، پاکستون ِتیم ملی وسّه 1971 تا 1992 بازی کارده و سال ۱۹۸۲ تا ۱۹۹۲ این تیم ِکاپیتان بی‌یه. وه آخرای ِسال ِ1987 ضیاءالحق (رییس‌جمهور) جه بخاسته که بی‌یِلِن وه وَردَگِرده تیم ملی دله و جهونی جام ۱۹۸۸ دله دَواشه. وه 39 سالگی گادِر خله خوب بتونسته بازیون دله کا هاکِنه و شه افتخارات ره ویشته هاکِنه.
وه آوریل سال ۱۹۹۶ میلادی، پاکستون تحریک انصاف ِحزب ِپه بورده و این حزب ِرهبری ره بَییته. وه بتونسته نوامبر 2002 جه تا اکتبر ۲۰۰۷ «پاکستون ِملی مجلس» دله دَواشه و ۱۱ می ۲۰۱۳ دِباره انتخاب بَیی‌یه و ونه حزب مجلس دله ۳۵تا کارسی پیدا هاکرده. سال ۲۰۱۲ وه ره آسیای ِمردِمی‌ترین شخصیت معرفی هاکِردنه.
نخست وزیری
سال ۲۰۱۴ وه اتا انتخابات دله رسماً شکست بخارده ولی شکست ره قبول نَکارده و مردِم ره بائوته که نواز شریف ِپه‌روون انتخابات دله تقلب هاکردنه و نتیجه دِرو هسته. وه شه هوادارون جه بخاسته که اعتراضات راه دِمبَدِن و پاکستون ِاستقلال روز بائوته که خانّه شه تظاهرات ره همه‌ی ِشهرون جه بَوِرِن اسلام آباد دله. اتا سُنّی مِلّا، طاهر القادری نوم، هم ونه پِشتی ره هاکِرده. شریف هم اعلام هاکرده که هیچ جور حاضر نی‌یه استعفاء هاده. پاکستون ِپارلمون هم ونه پِشتی ره کانده.
تحریک انصاف حزب ونه رهبری جه پاکستان ۲۰۱۸ انتخابات دله 110 کرسی از 269 کرسی اکثریت ره پارلمون دله بدست بیارده.
آوریل ۲۰۲۲ پارلمون دله ونه ائتلاف رسن بُسّه و نمایندگون وه ره کنار بی‌یشتنه و شهباز شریف ره نخست‌وزیری وسّه انتخاب هاکردنه.
پانویس
This article uses material from the Wikipedia مَزِروني article عمران خان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.