城堡(英文:rook,♖、♜,有啲人叫佢做車geoi1)係國際象棋嘅棋,形狀係好似一座城堡噉,行法係橫或者直行幾多格都得,不過唔可以跳過其他棋,另外有一個特殊行法王車易位,可以同時郁國王同埋一隻城堡。
棋局開始嘅時候,白、黑雙方各有兩隻城堡,都係a、h行各一隻,白城堡喺第1行,黑城堡就喺第8行。開局嘅時候全部城堡都係郁唔到嘅,一般要到中局或者殘局城堡先會發揮最強嘅功效。喺國際象棋理論入邊,城堡嘅價值相當於五隻兵。城堡喺開放嘅直行入邊好強,因為可以控制哂成行。同城堡有關嘅戰術包括砲台、第七橫行城堡、底線將殺等等。
This article uses material from the Wikipedia 粵語 article 城堡 (國際象棋), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.